هنا

[سجايا]

قرر مجلس محافظة واسط تخصيص مبلغ 25 الف دينار لكل طفل يتيم في عموم أقضية ونواحي المحافظة بمناسبة عيد الفطر.وقالت عضو كتلة المواطن في مجلس المحافظة ساجدة نزر المياحي اليوم ان

" المجلس قرر في اجتماع له منح مبلغ 25 الف دينار لكل يتيم في اقضية ونواحي المحافظة بمناسبة عيد الفطر المبارك.واوضحت المياحي

" ان المجلس قرر توزيع المبالغ بين اليتامى من الاطفال دون سن السادسة من العمر، مبينةً أن المبالغ سيتم صرفها من حسابات صندوق دعم واسط الممول من ايرادات الساحة الحدودية بصفة عيدية.


واضاف ان

" المجلس قرر تشكيل لجنة تضم المجالس البلدية في اقضية ونواحي المحافظة

لتوزيع المبالغ على الايتام للمستحقين حسب الجرد الموجود في كل مجلس.

[prïnċë häïdër]

مبادره حلوه والله
شكرآ دكتوووورتنا ع نقل الخبر

[عضوية7]

لالالالالالالالالالا شنو هاي الزحمة
يا رب مثل ما يتمنون للاطفال اليتامى ارزق بي اطفالهم
ربي عيشهم هم واطفالهم بنفس المستوى المعيشي
واذا على (المكرمة) السخية من مجلس محافظة الموقر فشكرا ماكو داعي تكلفون نفسكم
هاوس لا تنشرين هيج اخبار مقززة ترة نزاعل

[سجايا]

اساسا .. الخبر منشور للسخريه لا اكثر

والدليل ( ركصة الجفيه ) ليش هي الــ 25 تجيب شي هسه ؟؟

ثانيا لو تجي على واردات المنفذ الحدودي ... فبالميت الواردات اليوميه 100 مليون

يعني اليتيم لو يريد يشتريله قميص وحذاء هم مايجيبله ..

ياعيني ياساليوت .. ليش هي اخبار المحافظة بيها واحد مو مقزز ...


برنس شكرا الك منور

[prïnċë häïdër]

اني بصراحه اشوفه مبادره حلوه من مجلس المحافظه
و اكو قول للأمام علي عليه السلام يكول لا تستحي من اعطاء القليل فالحرمان اقل منه
اكيد اعضاء مجلس المحافظه مدافعين من جيوبهم لكن ع الاقل شي حلو يقومون بهيج اعمال حتى وان كان المبلغ لا يفي بأبسط الاحتياجات

[سجايا]

بس عالاقل المفروض ينطون الحق بالمساعدة ..ويفكرون قبل بساع انه هالمبلغ يوفي لو لا ؟؟

واكيد يعرفون بالاسعار وحال الاسواق بالوقت الحالي ..


واكيد هو مطالع من جيوببهم .. والمبلغ مقارنة بالواردات اللي يحصلوها من المنفذ

نقطة في بحر .. لهذا الموضوع والخبر اساسا .. مضحك

[prïnċë häïdër]

دكتورتنا لتضويجن همزين من طلع منهم هيج شي
وبس اصير رئيس وزراء بيكم خير وتدللون كولشي تريدون اسويلكم بس انتخبوني فدوه ههههههه

[Samer]

مممممممم .. زين خللي واردات الساحة الحدودية تصير للأطفال اليتامى .. و همة إلهم الـ 25 الف عاااااااا

[Snow Girl]

بلة شتجيب ال25 عمة بعينهم

حتى يطلعون خوش اوادم
ياربي شوكت شوكت شوكت شوكت شوكت

يصير العراق براسة خيييييييييييير
والله طكت روحي
صدك جذب يحجون هذولة

والقهر محد يكدر يتبنة احد من الميتم
شحجي شحجي الحجي ميفيد

انا لله وانا اليه راجعون

[Snow Girl]

زين هاي لدون السادسة من العمر

والاكبر منهم شنو فلمهم
لو مامحسوبين
لو شنو ماالهم عيدية
لو مو ايتام
لو ميستحقون

ترة دخت