طريقة عمل كروت الافراح (دعوة زواج او غيرها من الافراح) وبطاقات التهنئة بافكار جميلة ومتعددة
كروت الافراح موجودة فى الاسواق باشكال لا حصر لها .. و لكن الحاجة اللى بايدينا ليها فرحة اكبر بكتير
الموضوع منقول من احدى الصفحات
(1)
كروت الافراح مهمة ل 3 اسباب :
1- بتشعر المدعو باهتمامنا به
2- بتتشال للذكرى
3- فى بعض الاماكن لا يسمح للدخول الا بها
و هنا هنشوف ازاى نعملها بنفسنا خطوة بخطوة
(2)
هنحتاج الى :
-----------
- ورق ابيض ( اللى هنكتب عليه الدعوة )
- ورق كانسون ملون ( اللى هنعمل به الكارت و الظرف )
- ورق دانتيل
- ورق هدايا
(3)
- مقص
- صمغ
- مسدس شمع
- لاصق بيلزق من الناحيتين
- مسطرة
- قلم
(4)
- مقص بيعمل اشكال
- خرامة ورق اشكال
و ممكن نكتفى بالخرامة العادية
(5)
- فورمة للطباعة
- حبر او الوان سائلة من اى نوع
(6)
لتزيين الكروت عندنا الاختيارات لا حصر لها :
( و دة حسب زوقنا و خيالنا و امكانياتنا )
--------------------------------------------
- شريط دانتيل ( و منه اشكال و الوان و احجام )
- و فيه دانتيل مطرز
- و فيه شرايط من الخرز او فصوص الالماظ او الترتر
- شريط ستان ( و منه اشكال و الوان و اجام )
- و منه منقوش
- شريط اورجانزا
- شريط بكرانيش من كل الخامات
شريط دانتيل او ركامة متدكك بستان
و الحاجات دى فى الاسواق اشكال و خامات لا حصر لها ما شاء الله
(7)
و ممكن مع الشرايط ( او بدلا من الشرايط ) نزين باللولى ( و هو لولى مقسوم = يعنى = نص لولاية = ليسهل لزقه )
- الترتر
- الفصوص
- الخرز باشكاله و انواعه
و منهم اللى بيكون متجمع فى شريط و بيتباع بالمتر
(8)
دعوة الفرح بتكون عبارة عن :
1- كارت + جواه ورقة مكتوب فيها الدعوة
2- كارت بيتكتب فيه اسم المدعو ، و مكان جلوسه فى القاعة ، و عدد المدعوين معه من اسرته
و دة لان بعض الاماكن ( لاحتياطات الامن و الحماية من المتطفلين ) مش بيدخلوا حد للقاعة الا بالدعوة او الكارت دة
كمان بعض المدعوين بيجيبوا معاهم ناس زيادة من اصحابهم و جيرانهم . و بالتالى مش بيبقا فيه كراسى او اكل يكفى الحاضرين كلهم و بتحصل هرجلة .. فالكارت دة هام ليمنع كل ذلك
3- الظرف اللى هيتحط فيه كل دة
(9)
فيه 3 طرق لطبع الدعوة :
( أ )
نروح لخطاط يعمل لنا فورمة و نطبع بيها على الورق الابيض
( ب )
نخلى الخطاط يكتب لنا ورقة بالشكل و الكلام اللى عايزينه .. و نطبعها بعدد المدعوين فى اى مكتبة فيها ماكينة تصوير
( ت )
او لو عندنا برينتر فى البيت نعمل الآتى :
1
هنكتب الآية اللى احنا عايزينها على النت او جوجل او غيرهم كما يشير السهم الاحمرفى الصورة 1
و نجيب الصور image زى ما انتم شايفين فى الدايرة الحمرا
2
هنختار الصورة اللى عجبتنا فيها الكلمات
(10)
3
هنعمل لها copy
4
و نجيب برنامج paint و نطبعها (paste) عليها
(11)
5
نختار شكل الكتابة و حجمها و لونها ؛ و نكتب الدعوة
و فيه صيغات كتير ممكن نكتب زايها
6
و نوسطن و نحرك فى الجُمل زى ما احنا عايزين
(12)
7
نحط الصورة ( الدعوة ) على folder
و نختار انها تطبع على نص الورقة فقط كما يشير السهم الاحمر فى الصورة
و نطبعها
و اكيد كلكم امهر منى فى مسائل الكمبيوتر دى
(13)و ممكن نطبع على كل ورقة دعوتين كدة
و نقصهم
ملحوظة :
هنراعى يبقا حوالين الكتابة مسافات فاضية كافية لزخرفة الدعوة
(14)
هنحط كل دعوة على ورقة جرنال
و نطبع بالفورمة بتاعتنا دايرن داير الكلام كما هو موضح فى الصورة اللى على الشمال
هتبقة الدعوة شكلها مزخرف كما هو واضح فى الصورة اللى على اليمين
(15)
ممكن تكون الكتابة باللون الاسود ( او اى لون ) و تكون الزخرفة بنفس لون الكتابة
و ممكن نكتب الدعوة بالوان مختلفة و نعمل الزخرفة بلون مختلف
و ممكن نخلى الزخرفة حول الكتابة بالوان مختلفة
(16)
و ممكن ببرنامج ال paint نتحكم فى اماكن الكتابة = يعنى = مش لازم دايما تكون الكتابة مرصوصة تحت بعضها
يعنى فى ايدينا نرتب زى ما احنا عايزين
(17)
و علشان نحول الدعوة لكارت فيه اكتر من طريقة
و كل طريقة ممكن نخرجها باكثر من شكل :
[1]
الطريقة الاولى
-------------
اول شكل :
بنجيب ورق كانسون ملون ( او ورق مقوى ) بنفس حجم الدعوة و نلزقها عليها
و فى الجهة التانية نلزق ورق هدايا مزخرف بنفس الحجم بردو
هنلزق بصمغ اوهو او غرا ابيض
(18)
تانى شكل :
لو عايزين زخرفة زيادة فبعد ما نلزق الدعوة على ورق الكانسون 1- نخرم الكارت بالخرامة ( عدد زوجى )
3- و ندكك فى الخروم شريط ستان رفيع
(19)
5- و فى النهاية نربط الشريط فيونكة
(20)
تالت شكل :
نلزق شريط دانتيل على جانبى ورقة الكانسون بمسدس الشمع ( = يعنى = طرف الدانتيل يبقا على حرف الورقة و رسمة الدانتيل للخارج كما هو موضح فى الصورة 3 ) و نقص الزيادات
و بعدين نلزق الدعوة عليهم فتبقا كما هو موضح فى الصورة اللى تحت
(21)
رابع شكل
نقص ورقة الكانسون اكبر 2 او 3 سم. دايرن داير الدعوة
و نخرمها بالخرامة الاشكال ، او نعمل خروم بالخرامة العادية لكن بشكل زخرفى متناسق
و نلزق الدعوة بين الزخرفة كما هو موضح بالصورة اللى تحت
(22)
خامس شكل
نقص الكانسون اكبر من الدعوة ب 1 او 2 سم . دايرن داير الدعوة
و ورق الهدايا نقص منه قطعتين بنفس حجم الكانسون
و نلزق ورقة هدايا على الكانسون من قدام و التانية ورا كما توضح الاسهم الحمراء
و نلزق الدعوة فى النص فتبدو كأن حولها برواز جميل
(23)
سادس شكل :
نقص ورق الكانسون بشكل من الاشكال الموضحة فى الصورة
و نلزق فى نصفه الدعوة
فتبدو الدعوة فى برواز مزخرف
(24)
سابع شكل :
هنحضر ورق الكانسون مع ورق الهدايا بالطريقة اللى شرحناها فى خامس شكل فى الصورة رقم (22)
و نقص الورقة البيضاء المطبوع عليها الدعوة بشكل زخرفى و نلزقها على ورقة الكانسون
و ذلك باننا نطبع الشكل اللى عايزينه على ورقة عادية و نقصه لنستخدمه كباترون
و نحط الباترون فوق الدعوة و نرسم الشكل و نقص الدعوة
(25)
و بعد ما نلزق الدعوة ممكن نزينها بورود صغيرة او فيونكة او فصوص .........الخ
(26)
ثامن شكل :
نقص الدعوة بشكل من الاشكال الزخرفية اللى عرضناها فى الشكل السابق
و نخرمها دايرن داير
و نلزق ورق هدايا مشجر على ورقة كانسون
و نلزق الدعوة على ورقة الكانسون من الناحية التانية
و لما الصمغ ينشف نقص ورقة الكانسون على بُعد 1سم. من الدعوة بنفس شكل الدعوة
(27)
و كل ما سبق و شرحنا فى الاشكال اللى فاتت دى هو نفسه اللى ممكن نعمله مع الكارت الصغير اللى بيبقا فيه اسم المدعو و عدد افراد المصاحبين له و رقم المائدة [ اللى اتكلمنا عنه فى الصورة رقم (8) ]
(28)
و بعد كدة بنحط كارت الدعوة و الكارت الصغير فى الظرف
و هنعرف ازاى نعمل الاظرف المختلفة و نزينها خطوة بخطوة فى نهاية الموضوع ان شاء الله
ولازال هناك الكثير والاجمل لنكمله معا انتظروني في الجزء القادم
رد مع اقتباس
المشاركة الأصلية كتبت بواسطة warda
