اظل غالي رغم مااملك الجاه
ومااسمح رخيص ايقيم الغالي
شگدعالي الگمر ينشاف بالليل
بس ذله الصبح من ينزل حذالي
مانوشن عنب يم وادم اغزام
متواظع ولكن عاشك اسلالي
هيبة شيخ شايل هيج مهيوب
الگمگم يرتعش من طارف إذيالي
زغير وگلبي شايل هوا السبعين
وفرزنهه الحديثه التدخل ابالي
ومادگيت باب ابيوم محتاز
اذا رب العرش ماقسمه خلالي
عزة نفس شايل وكره الدين
وكرهنه إلذي بالشين يسعالي
اليحجي بظهري خله يجوز محتاج
الجمره شما تحومر صيتهه إدلالي
صح أسمر شكل وصويحبي الليل
بس أبيض كلب للصاحب ايلالي
قناع الناس تلبس يعني وجهين
وجبت عمري ابجسم ماوارد اخيالي
اليعرف نيتي بس الظاكه العوز
بس الولفه عافه ويسهر إليالي
بس اليمشي وحده إبين شمات
بس الطاب سوگ بجيبه إلخالي
هذا انه الأسولف رافع الهام
عمري زغير لكن بالعقل عالي
رغم عوزي يوادم عايش ابخير
وما مديت إديه وذال عذالي
وذاعالصيت اسولف تسكت الناس
لأن صيت الغنى العند إلخلگ مالي
رد مع اقتباس
المشاركة الأصلية كتبت بواسطة حلم
