شلون تعتنين بنفسچ ؟
هلووو ريحانات شونجن
عندي شكم نصيحه الجن والموضوع مبين من اسمه
شلون تعتنين بنفسج وبجمالج
اول شي
البشره ....
بشرتج لازم تهتمين بنضافتهه
للبشره الدهنيه اقصى حد لازم تغسليهه بس مرتين باليوم
والسبب انو
من راح تغسلين وجهج اكو زيوت مفيده بالوجه هاي طبعا للبشره الدهنيه
من راح تغسليهه اثر من مرتين
راح بشرتج تطرح زيوت زياده عن اللزوم واللي تخلي بشرتج تنطي لمعه موحلوه الج خاصه بالصور
اما البشره الجافه ....
اغسليهه براحتج هههه ولتقصرين ابد ويه وجهج
وخلي كريمات وماسكات طبيعيه اذا امكن وتقللين من استعمال الميك اب خاصه بالصيف والحر تره تموعين هههه
.
ثانيا
شكل اضافرج وشلون تهتمين بيهن
اني اغلب صديقاتي يكوللي شلون هيج اضافرج مسويتهن بحيث ماينكسرن وشكلهن مرتب دائما
سري هوه
انو اخلي خاشوگه اكل زيت زيتون ويه خاشوگه اكل فازلين بالعسل
وادهن بي اضافري كل يوم قبل ما انام
هالشي كوووولش يفيد الاضافر
اني مجربته كولش فادني وخله اضافري قويات ومينكسرن بسهوله
وهم عصير الليمون و مي الورد يفيد لتنظيف الاظافر
اذا شفتيهن صفر لو تعبانات شويه ليمون امسحي ب اظافرج
ووراه ب شويه مي ورد خليهن مده 5 دقايق ينطيج نتائج روووعه
ودائما ابتعدي عن المگراضه ياعزيزتي ابد متفيدج
استعملي مبرد كرستال او مبرد اسمه ...4 ارقام ...
كولش حلو هم تنعيم وهم برد
...
هسه نجي للشعر
شعرج يا ريحانة گلبي اهتمي بي مثل ماتهتمين بجهالج او بدراستج هههه
اغسلي بين يوم ويوم بالشته وكل يوم بالصيف .. وهم للبشره الجافه استعملي بلسم كيراتين بالعسل والبيض كولش روعه ...وللدهني لاتخلين بلسم خلي دهن سيارات هههه اشاقه وياج ريحانتي ..لتخلين بلسم دير بالج كبدتي تره تنلاص السالفه
مره جربت واجيت ازين گرعه من وره البلسم
يصير شعرج مايع وموحلو ابد لذا ابتعدي مسافه 100 متر عن البلسم
.
هسه وقت الملاااابس ^_^
.
ملابسچ يا شباك گلبي يعكسن ذوقج
يعني مو تلبسين الوان صارخه
تره عيون الناس مو لعبه ينعمون انوبه هههه
اختاري الالوان اللي تليق لبشرتج
يعني اذا جنتي سمره كووولش ابتعدي عن الالوان الغامقه
واذا جنتي سمره نص ونص انصحچ ب الالوان الوسط والحياديه
واذا بيضه بشرتج يلوگلج كول الالوان كبدبد غامقه او الفاتحه حته الصارخه تطلع فد شي عليج
.
شكل ملابسج ...
اذا تردين تنسقين بين ملابسج وتكون الالوان متقاربه وتطلعين كيوت يبعد بيتي
اول شي مثلا نگول راح تلبسين مانتو وبنطرون
المانتو اختاري لون غامق مثلا نيلي او ماروني او اسود
والبنطرون بوري او جنيز نفس الشي ..اختاري لون فاتح واذا جنتي تحبين المغامره مثلي البسي البنطرون لون صارخ مثلا زيتوني لو تركوازي او حته فسفوري خلي ينعمون الناس شعلينه هههه
اما الشال او الحجاب ..اختاري الحجاب والجنطه والشوز تكرمين نفس الللون
مثلا نگول لبستي
مانتو ماروني ويه بنطرون بوري اسود
...الشال والجنطه والشوز تكرمين لون احمر
الماروني ويه الاحمر فدشي تحففه مجربتهن سوه اني وطلعن فدشي
.
اعذرني ع الاطاله
اني كول معرفتي هايه
والميك اب سوري تعذرني ماعرفله ههههه
لااعرف احطه ولا اعرف ارهم الالوان
ختامااا اوجه تحيه ل ريحانات گلبي وشباكه الجن يعني هع
واحبجن
واعتنن بنفسجن ماشي
واي سؤال اني موجوده
لوڤ يوو كولچن
رد مع اقتباس
