وين رايح؟
ياحبيبي هناك ماتلكه وطن يشبه دلالي
هناك خايف ترخص وماتبقى غالي
وانت تدري!!
هناك عينك محد يفرزن بجيها
وياعيون؟
وياعيون هناك من تشتاكلي تباوع عليها
وياما ياما
وياما طيفك يدفى بعيوني ويبات
هسه وبيا ليل ادورك
يامحطة تدلي عيني والكة جدمك بيها فات
يانهر يعكدني روجة وبالجذب ياخذني يمك
منهو غيري
وياهو هسه يسولف اعلى الليل همك
ياهو يكدر يحترك لو فار دمك
ياهو يمك..وحدك لو كلها يمك؟
ليش يا ماردت اعوفك
ياامان هناك شفته وفرعت كدامه خوفك
والمت يانجمة هسه والها راح تزته شوفك
انت ياكعبة جفوفي
علمتني شما ذنب يخنك صلاتي
انده عيوني تطوفك
ويامعودني اجيك
صبلي منك واملي كاسي
الليلة كلش مشتهيك
وين هسه وجم حزن حزنك تعده
وجدمك ليا ديرة حده
انت كتلك
ياغريب الكاع من تاخذ بنادم ماترده
هاي هي
مبين وجني خسرتك
ياحبيبي وهذا اول ليل مايشبه ضحكتك
والله يعلم انه لو ثاني بصفنتك
رد مع اقتباس
المشاركة الأصلية كتبت بواسطة نادر وجودي
