كون الله عل كد كَلبي واحضننه
واگله النار عشناها بعد نطلبكم الجنة
كون الله عل گد روحي واشمنه
واگله بفوح دم هابيل شعلينا
واگله نريد بس فيروز رجع كل نبي ودينا
خلقت النار بس للشوف تحرك ناس ما جنك
يرب وانت الحلم والعين
تعذبلك شوية طين
ماظنك
اذا رايد نموت نموت گلنه
ليش بكل فگد محبوب تكتلنه
ليش أوليدنا ميتم ما شاف التلوليله
ليش ابن الجنوب يموت والشاعر يغنيله
يشاعر لا تغنيله
يشاعر منته ما تدري بأمه وطيحة الشيلة
ولا تدري علفجدة تذوب جبدة ذيج الكحيلة
ولا تدري الصديج المات يموت وياه كل جيله
انا اعرف الوطن ينراد
بس عيونهم اغلى
انا اعرف الشهيد يعيش
بس عريسهم احلى
يدين الما الك اي دين
شعلينه ونموت هواي
النهر ينباگ كون يثور
ذاك الگال حصتي الماي
كافي نموت ومكيفين
كافي انحني بالشبان قصايد تنقرأ بفلسين
كل طلقة رصاص تثور سببها الشاعر الجاهل...
موسى الحمامي - ذي قار
رد مع اقتباس
المشاركة الأصلية كتبت بواسطة الكاتبة الأنيقة
