هنا

[ارجع يازمان]

دارميات حسين الساعدي
:::::
لا تسئل اعله الحال وبصفنة الليل
صرت اشتغل حمال عند الحماميل!
،،،
لا تسئل اعله الحال ما تدري دنياي
خلتني ابوس اجفوف لاويهن اهواي!
،،،،،
لا تسئل اعله الحال ما تدري بيه؟
صرت اشتغل طبال عد كاوليه!
،،،،
لا تسئل اعله الحال وتزيد المصاب
خايب كتلني الجوع وبابي طلاب!!
،،،،
لا تسئل اعله الحال وتبجي العيون
مديت اديه الناس جانو يجدون!!
،،،،
انه الشفت بالعين موت اللفاني
بالبر طحت مكسور والذيب اجاني!
،،،،
لا تسئل اعله الحال وتزيد الجروح
ضليت اصيح ابصوت مارايد الروح؟
،،،،
لا تسئل اعله الحال وتشمت اعداي
صرت اختل ابسد ناس حاميهم اهواي!!
،،،،
لا تسئل اعله الحال شوف الاذيه
حته الغشيم اليوم نيشن عليه!
،،،،
لا تسئل اعله الحال صعبه القضيه
حته الفزع وياي طعناته بيه!!
،،،،
ياحالي ماينكال مثل ام ولد طاح
وتعاين السجين ويكضها ذباح!
،،،،
لاتسئل اعله الحال خطاري جوعان
وبيتي ماكو الواث وبابي ديان!!
،،،،،
لا تسئل اعله الحال حال اليتيمه
بلكت تحصل زاد بعد العزيمه!
،،،،
لا تسئل اعله الحال واليوم اريدك
هلبت كبر مهدوم وتطمني بيدك!
،،،،
لا تسئل اعله الحال غطه ابعباته
اعمه وصرت مكيود بيد الشماته!!
،،،،،
لا تسئل اعله الحال حال ارده من حال
للكومه ما بياش واتنخه الاطفال!!
،،،،
بيتي الشروه خِدام وبشوف العيون
وصرت اشتغل خَدام عند اليخدمون!
،،،،،
صرت اشتغل حمال للبخته مايل!!
يزمخ علي ويصيح شي الزبايل!!
،،،،
صار ابو افلان الشيخ ماجنه دجال!!
واني ابلبس تعبان صاحولي حمال!
،،،،
وحجاية الدفان خلتني مهموم
لوما تجيب افلوس مادفنك اليوم!
،،،،،
بقلم الشاعر حسين الساعدي

[سعد العراقي راقي*]

تسلم
شكرا جزيلا لك

[ساره البابليه]

يسلمو

[ارجع يازمان]

تسلم
شكرا جزيلا لك

حضورك اجمل شكرا لروعتك

[ارجع يازمان]

يسلمو

شكرا لمرورك ااجمل دمتي بخير