صعبه تنام ليلك وانت مظلوم
وصعبه هدوم حزنك فوكك تبيد
وصعبه تمر عليك ايام رمضان
وعيونك تباري وما يجي العيد
وصعبه ويالتحبهم روحك تصير
مثل عصفور وبحلك المصاييد
وصعب كلش صعب لمن تحس يوم
انت ويالحزن نفس المواليد
وصعبه مرايتك لوحاجتك هاك
اخذ وجهك ملت وجهي التجاعيد
ويمردن بالكلب لو خيمن بيه
همومك من تجيك بلا مواعيد
واذا ناس التحبهم عالمحطات
يفر بيهم زمانك وين ميريد
تحس الشيب خضر جوه الضلوع
وتحس نور الامل بدروبك ابعيد
جلد كلب الوكت ما يرحم انسان
رسم جفه على خدود المكاريد
صعبه تمد اديك لعونة الناس
وبكلبك شهامه وتكصر الايد
وصعبه تشوف ناسك لاحهه العوز
وهظيمه مركعه هدوم الاجاويد
وتحس نفسك صفر من تلكه شبان
يبيع العوز بيهم عالتجانيد
________
ارحموا من في الارض يرحمكم من في السماء
رد مع اقتباس
