هنا

[الدمعة الحرة]

السلام عليكم

رمضان كريم
وضعت الموضوع اليوم بالنيابة عن مشرفة القسم وبأمر منها

فلتتفضلوا أعزائي لتحكوا لنا قصة يومكم ... ولتجيبوا عن أسئلة الأعضاء

نرجو التفاعل
<< بعرف اسلوبي مو حلو زي ليديا بس حركوا دمكم واحكوا

[الحالمة]

هلو حبيبتي شكرا للاستظافة بس مفتهمت اسولف على يومي اشلون صار
وشنو فطوري لو شنووووو

[الدمعة الحرة]

سولفي عن يومج كله اشصار ما صار فطورج ووو

[مواطن عراقي]

تامرين ام فاطمة

قصة اليوم هي قديمة جديدة
العصر طلعت بالحديقة ارش الاشجار والشتلات بالمي وهم اتبرد واكضي وكت بينما يصير الفطور
اكو عدنا فوك شباك المطبخ قاعدة مال شمعتين دبل وفد حمامتين كانت معششة بيها , اني ردت اسوي قمرية
حتى احمي السيارة من المطر والشمس , بس فكرت انه عمل القمرية والدك واللحيم راح يأثر على الحمامات
خصوصا كان عدهن بيضات بالعش , فقررت بوكتها اعوف القمرية الى ان يفقس البيض وتروح الحمامة
وفقس البيض وصار عدهن صغار , وشاركت باطعامهن كل يومية اخلي شوية حب على السيارة
وافوت اراقبهن من الشباك ياكلن
كبرن الفراخ وطارن , اشو الحمامة بيضت مرة لاخ وكعدت على بيضها
وانتظرت علما فقسن وكبرن وطارن وراحت المامة الام والاب
قبل رمضان باسبوع خابرت الحداد صاحبي يجي ياخذ القياسات حتى نسوي القمرية
كال خليها وره العيد لانه حارة
اليوم طلعت لكيت الحمامات راجعات للعش ودينظفن بي
امري لله خليتلهن حب على السيارة وفتت جوه اراقبهن
الظاهر ما راح اسوي قمرية

[الدمعة الحرة]

المظلة انتو تسمونها قمرية واحنا نسميها شمسية ههههه

أممممممممم
طيب ما تكدر تنقل العش لو تغير مكان السيارة لأني مو كادرة أتخيل الوضع
بس عليك بالعية تسقي زرع وتتمشى وأنا أنظف البلكونه ههههه


نورت أبو عبد الله تسلم عالمشاركة
سؤال شنو نظامك بعد الإفطار

[الحالمة]

طبعا انام الساعة 5 صباحا واكعد من النوم قبل الصلاة صليت صلاة الضهروقريت قرآن وبعدين سويت اكل للاولاد الصغار وكملتلي كم شغلة رحت البيت خالتي اي بيت اهل ابو علي
وفطورنة كان التمر واللبن والعصائر هاي بالوجه وكان الفطور تبسي وتمن ودجاج مع سلطة خظرة
وزائد الكاستر والحمدالله والشكر وبعدين غسلت المواعين بدل زوجة حماية اي ساعدتهة لان المواعين كانت هواية
ومشربت جاي لان مااحب اشربة بس وية السحور شربت كهوة ورجعنة للبيت واجة السحور وسحرت وهسة راح اصلي واقراء قرآن وبعدين اتفرج على التلفزيون وانام وشكرا الكم وتحياتي لصاحبة الفكرة

[الدمعة الحرة]

ما شاء الله يوم جميل..
تقبل الله عزيزتي
وأتمنى أن تعودي لاحقا لتحدثينا عن الفرق بين أيام الشهر الفضيل وباقي السنة

[غريب الروح]

هل انا مدعواا حتى لو تكولين لااا انا اشارك
انا انام الساعة6صباحا اكعد من النوم الساعة 12ظهرا
اصلي واخذلي كم صفحة من القران وبعدين اكعد على النت ادردش مواضيع شي مني مناك
الساعة 3عصرا نوم ترى دبة نوم شسوي...اكعد الساعة 6مسااءا انظف المكتبة مالتي احم احم
واشوفلي كتاب اقراه الى ان يجي الاذان اووووه عاد لو اذن ركض على اللبن هههههه
ورى الفطور نروح انا وام محمد على اهلها او على اهلي بالتساويوبس
بعدين اكمل باجر .
خوووش موضوع شكرا ام علي

[الدمعة الحرة]

هلا أبو محمد لك يوم جاي ..
عموما يومك حلو
والفكرة ترى لليديا اليوم أنا نائب عنها بس
أشكر تواصلك وتفاعلك
تحياتي إلك

[ليديا]

تحية رمضانية لكم جميعا

دمعة حرة .....حبي انت تفظلتي وانت او انا الامر سواء ...لا اوامر بيننا فقط طلبات يوم اجدك ويوم تجدينني صح؟؟؟ ولو اني في ركنك امية ههههههههه

اختي الحالمة ..... تحدثي بقدر رغبتك وما تسعه ذاكرتك عن كل رمضاناتك وقصصك اللطيفة فيها من صغرك الى هذا رمضان

سيد مواطن عراقي..... هههههه قتلتني ضحك يعني قد هكذا قلبك على الحمامات يا سيدي اقتطع لها تذكرة سفر الى القطيف عند دمعة حرة اكيد ستعتني بهم الى ان تنهي قمرتك ( عجبني اسم القمرة)

غريب الروح ..... انت تشرف باي وقت والمقهوى كله تحت تصرفه المهم لا تنسى دينك واننا معزومين عندك و ام محمد على العشاء.....

تعرف احلى شيء في حكايتك هي الزيارات العائلية بعد الفطور كم أهواها أشتاق لرؤياها ههههههه


ايه قبل ما انسى الفكرة هي فكرة عمنا بهلول ... تعرفوا ان ليديا لا تبتكر افكارا لكنها تسرق مجرد اشارة من البقية وتحولها بسرعة الى التنفيذ فتبدو كأنها لها