هناك شاب أحب فتاة فلم تصبح من نصيبه
وبعد سماع الشاب القاضي يقول لها رددي ورائي : زوجتك نفسي ...
زوجتك نفسي لغيري ليش اصير
هاي الكلمة جانت حلمي بالماضي
اوهسه القاضي شفته ايزوجج للغير
خطيتج وي خطيتي ابركَبة القاضي
يقره الفاتحة ومايقره دمعج ليش؟
ماحس ابوجودي وعطري واغراضي
يالماخذتي أذني وأذني تسمع زين
كَلبج أرد اسأله ابغيري هم راضي؟؟؟
اوماكَتيلي غيرك جاني وانه رضيت
حسيت انخطبتي وبانت اعراضي
اوحتى امراضي سمعت كلمة المبروك
من تسمع هلاهل تركَص امراضي
ما أعتب عليج القسمة تلعب دور
أدريج انغصبتي ابغيري تزوجين
راحة بالي راحت لما رحتي وياه
طرف ثالث دخلنه وجنه احلى اثنين
غيري ايقبٌل ايدج اقبل اني شلون
اونص دينج يكمله وهوا ناقص دين
يرضى شلون ايشوف اعيونج امدمعات
اويقبل مني ليش ابسرعة تنحرمين
الف مبروك اكَلج وانتي شفتي الغير
روحي ازوجي اويا الثاني تتهنين
اهلج وافقوا لاول عريس يفوت
ماصبروا عليه وخافوا اتعنسين
ولج مني وعد ما أهوا غيرج يوم
طلكَت العشك واتمنه ما تطلكين
تدري شكد صعب
حلمك يعيشه الغير
رد مع اقتباس
المشاركة الأصلية كتبت بواسطة حسين الايطالي
