هنا

[لانا احمد]

زخت علينا اني واختي من نزلنا من السياره .. الشرطه صاحوا النا نفوت من يمهم وننتظر المطر يروح ..
وبنفس اللحظه اجا شخص يعرفوه كالوا النا اصعدوا وياه هذا يدخل الجامعه واحنا نعرفه لا تخافون ..
اختي نزلت يم بوابه بغداد واني بقيت ..

وكف كال ها تنزلين لجامعتج .. من صفنتي عرف طالبه جديده لانو جنت دا اربط المكان ب مخطط الكليه اللي،بدماغي لانو شايفته بس م اعرف بالضبط المكان شلون اوصل
كال اوكفي هنا اطبك السياره وادليج اني شغلي يم كليتج
حسيت بالفشله

خاصه من كال انتو المرحله الاولى كل شي م تندلون هسا

والله اندل بس انت نزلتني من مكان ما اعرفه بعدني

تالي طلع المصور :/


..

صباحك سعادة يا قلبي

[^-^بطيخة^-^]

بعد غياب ثلاث اسابيع ..
فتحت الدرر ^^
و الفضل يعود ل نص كاتبته بالخاص وملكيته بغير مكان واحتاجيته ~_~
ونسخته وبلا ما اشوف شكو فتحت مدونتي حتى اكتب بيها كم مشاركه واطلع
..
..

[^-^بطيخة^-^]

28-11
الاربعاء ..

اليوم جانت حفله تعارفنا .،،
اوك ما اكذب انو جانت حلوه .. بس حسيتها افشل حفله كد الخربطه والناس اللي تجر طول وناس اللي تجر عرض

بس اخر شي خربت ورا الساعه 12 من رحنا للحديقه دنريد ناكل ،،
التموا دناخذ صوره وهيج المصور يرتب بالولد معودين اسكتوا اثبتوا مدري شنو محد بيهم يطبق اخر شي فقدت اعصابي لدرجه وعطت عليهم ،،
رزلتهم وصيحت عليهم وعفتهم ورحت واحده صاحتلي وين رحتي كلتلها من توكفون عدل اجي اخذ وياكم بس شنو جانت عندي عصبيه مفرده لدرجه انو صوتي جان عااااالي كلللش وحتى بقيت ارجف من الاعصااب تالي راساً هدأوا .. وبالكواا عدلت ملامح وجهي وابتسمت اجيت اطلع معبسه

وطلعت واحده. مصورتني صادفت دتصور فيديو وصار المقتل
وانوب رسلته للكروب :| ..










بقيت احجي عليها بعيدا عن الفيديو اللي يفشل بس لانو ما احب صوره تخصني او فيديو يصير بتلفونات الولد وحايره هسا شلون اخليهم يحذفوه :/
بس شكلي حسكت وهم وحدهم يحذفوه تالي من ذاكرتهم تخلص :|


المهم .. محبيت هاليوم لانو اساسا اجتني بيه النفسيه ومن اجت المقرره ورئيسه القسم كوا حبست دموعي حسيت اكره هالمكان اللي اني بيه ومو رغبتي بس مجبوره عليه ههه


المهم ،، عدا هاليوم بسلام مع فشله كبيره محتاره بسببها شلون حداوم باجر




..

[زيـــد عــلي]

حلوة مذكراتج بطيخة

[^-^بطيخة^-^]

اليوم حبيت موقف من احد الولد ،،
شكد مرات نقلد ع المناطق الشعبيه ،، بس مرات احس ناسهم عندهم مبادئ اكثر من غيرهم
عندنا ولد اعتقد من منطقه المدينه ،،
اليوم سوا موقف مدري ليش كلش عجبني بحركته

من دا ناخذ صور كلها واكفه طبعاً ،، واذا كلهاا واكفه تعرفون ناس تبين وناس لا ف المصور كال لو البنات لو الولد يكعدون ،،
ف الولد كلهم كالو يلا بنات اكعدن خلي ناخذ صوره
هو رأساً كال لا يولد يلا امشونا نكعد احنا ع الكاع واحد كله لا هن
ف هو بهالجمله كالها (انت شبيك متستحي هذني بنات جا انتو تقبلون نسوانكم وخواتكم يكعدن ع الكاع هذني هم خواتنا عيب نكعدهن )
كلش حبيت جملته اللي تدل ع الاحترام

واحد كله هاي شنو دفعنك علينا

هنا شفت الفرق بين هذا شلون مبادءه مرتبه وبين هذاك اللي عنده كله سخريه وماكو مباديء
شكد حلو لو الاباء كلهم هيج يعلمون ابناءهم ،، مرات اشياء بسيطه بس تأثر على نظرتنا للشخص


..

[^-^بطيخة^-^]

حلوة مذكراتج بطيخة

شكراً من ذوقك

..

[^-^بطيخة^-^]

مدري ليش 95٪ واحتمال (100؜ من اللي يشوفوني من اكللهم مواليدي يتفاجئون وحسبالهم اصغر
اوك تفاجئوا بس بطريقه متخجلني من تفاعلكم

..

[زهر الربى]

واني دااقرا مذكراتج كنت مبتسمه..حبيت
متابعه

[^-^بطيخة^-^]

واني دااقرا مذكراتج كنت مبتسمه..حبيت
متابعه

احب اكون سبب ابتسامه احد ..
دايمه الابتسامه يا رب
و تسعدني متابعتج گلبي ج^^

..

[^-^بطيخة^-^]

كل شوي اشوف الفيديو مال اني ومعصبه :(
حسيتني همجيه ،،
والله ابجي من الضحك كلما دا اشوفه
مدري اضحك مدري انقهر
امي تكلي بالجديد لا تندمجين ويا الناس متتحمليهم عوفيهم لتسوين مشاكل لو هيج تصرفات تفشل من تشوفين نفسج متتحملين الناس لتقتربين الهم
حسيتني انسانه متعصبه من حجيها بس والله اني كيوت بس الناس يدوسون ببطني -_-


..