هنا

[^-^بطيخة^-^]

البارحه 8_9 _2018
يوم السبت ..



جانو نهايه اثقل اسبوع بحياتي ')
وبدايه شهر ، او يمكن اشهر ، ران تكون اثقل منه ب عشرات المرات ')

البارحه تقريبا تحدد مستقبلي ب فشل ما جنت ناويه يصير ابد ')
بس شاءت الضروف انو يكون هيج ')


الشي الوحيد اللي يريح ضميري (شوي) وميخليني اكل بنفسي والومها لاخر يوم بحياتي
، هو انو هالفشل ما جان بسببي ، او بسبب تقصير مني وإهمال ،
جان بسبب قرارات وزاره فاشله تسمي نفسها وزاره التربيه والتعليم ')



..

[^-^بطيخة^-^]

31_8_2018

يوم الجمعه السابقه

ساعه 1:00 الضهر


كااعده بكل هدوء وسكينه ، جنت دا اطلع ملابس

صاحت عليا امي فجأه بصوت قلق وعالي
(زينب)
-ها ماما
-تعالي انزلي الحكي
-شكو ماما خوفتيني
-راح اكلج شي بس ما لازم تتحمليه
-شكو احجي شصاير وكعتي گلبي
-نزلوا قرار انو اللي راسب سنتين وعمره اكبر من 18 ترقن قيده وما يحق اله مسائي !

هنا جان الوضع بالنسبه الي صدمه مجنت نهائياً مفكره بيها وشعور مكدر اوصفه غير انو شعور انتهى كل شي وخسرت مستقبلي الدراسي
بكوني قررت اعيد سنه ثالثه على مود المعدل ')
ولازم اكون مسائي ، والمسائي انلغئ الي بهيج وضع ')


-لا صدك ماما
-اي والله هاج شوفي اقري

مجاة عندي غير انو اوكي تا هي بعد لا يفيد ولا فهر ولا بجي ، هذني كلهن راح بس ياخذن من وقتي اللي هو عبارت عن اربع ايام بس لدراسه 3 مواد مأجلتها ')
صار يوم ونص من نصيب الكيميا ، ويومين ونص نصيب الرياضيات
النوم صرت انام بس من 12 لل3 ثلاث ساعات باليوم بس يعني ')
فكري جان مشوش وكوا اركز بالدراسه ، بالي شلون راح اجاوب ، شلون راح اكمل بهالوقت القصير ، ولازم اقدم ع الكليات
وصار بير انفلونزا بليله امتحان الرياضيات وكعدت مريضه :)
خطت وخربطت بيه كلش
وزاد المرض واني اقرا الكيميا اللي هي عبارت عن بس نص يوة مراجعه الها ، وفوك هذا صار عندي الم بالبطن كالعاده :)
مجنت قاريه الماده ، مجاوبت نهائياً لدرجه اتمنى ارسب بيها ولا انجح بقرار :) .. ادري م راح تتحقق هالامنيه لانو كز شي اتمناه ما يصير ..
بس ا الاقل اتمنئ ارسب وهاهي بس شعور يشفي قهرتي حتئ عسئ اكو امل للاعاده :) .. بس مستحيل اكو ')
تحتاج معجزه ، ومو اني اللي تصير عندي المعجزات ..


قريت فيزيا ، واني زينه كلش بيها بالدوام وهالشي هواي سالدني وكدرت اكملها خلال يوم ونص بس متتخيلون كميه التعب اللي جانت عندي واني مرهقه نفسيا وجسدياً وحتئ روحياً ، رحت للامتحان نايمه بس اقل من ساعتين ،
واني قبلها ست ايام مكضيتها نومتي بس 3 ساعات ،
الحمدلله جاوبت زين بيها ، الوحيده اللي جاوبت ببها هههه، لا رياضيات ولا كيميا جواب بيه خير ، خود ااكيميا هذا غاسله ايدي هههه ..
ونقلت غلط احد الارقام بالفيزيا ')
وفرع جاوبته ع النص صح رغث دارسته ، بس من كميه الضغط اللي جنت احسها عليا خلتني اخربط ، وصلت لدرجه انو اجتني لحظات عفت الكتابه واخذت ريست ع الرحله سنحت من التعب ')
وكل تفكيري انو ح ارجع للبيت
و ح تبدي وياي حياه جديده مو راغبتها ')

يبدي ببيت جديد
ونهايه مسيرتي الدراسيه بدون رغبه مني
ومعدل مو معدلي المستحق واللي اتمناه
نهايه علاقات بأشخاص لازم تنتهي ببرود وهيج ،
هدف جديد لازم اصنعه واني مو مفكره ببه من 13 سنه بدراستي')
هدف لازم اعرفت واكتشفه والاكثر انو لازم احبه واتقبله واني مدا الكى هدف بهالمميزات ')






الحياة ، مو كل واحد يحصلها للاسف :)
ممكن نعيش بيها وبس . بس م نحصلها .. مو كل واحد يحصلها ، بس كل واحد يعيش عليها وبيها')


ما دام احنا بالعراق ،
يعني لازم نتوقع اسوء شي انو ممكن يصير بينا واوكي نتماشى وياه لحد ما لو نخلص من هالحياه ، او نخلص من العراق نفسه ')


..

[^-^بطيخة^-^]

هالايام ثقيله وبائسه ،،
مدا اكدر اضحك بيها بشكل عادي ،
كل ضحكه وياها غصه بگد جبل ')
واتسائل واكول ،
شنو تاليتي ؟

..

[^-^بطيخة^-^]

امي ،
انقهر هواي من اشوفها دا تحاول تواسيني وما بأيدها شي عليا ،

من تشوف مستقبل بنتها اللي جانت تحلم بيه راح من ايدها بدون ما بايدي وايدها شي نسويه

من تشوفني مريضه ومدا اطيب بسبب حالتي النفسيه وذحن القهر والكبت ،

من تشوفني المفروض اليوم وباجر اتحسن بس بالمقابل اني بعدني نفسي لو اكملها بالصخونه ،

من كل ما يجيبون موضوع بخص الدراسه لو المستقبل لو القبولات وتذفر دمعه من عيني ، كبل تباوع لي واني ادور وجهي عود دا اباوع لغير شي ،
نحس انو داسوا ع الوتر الحساس بدون قصد واحسها متعرف شلون ودها تنسيني حالتي

جنت ببيت جدو و بدايه الليل رحت الها للبيت جانت كاعده بالهول وحدها وكعدنا نسولف وكذا وصلنا لسالفه القبولات ، هم طفرت دمعه من عيني ههه ، بلحظتها شفت بمعاام وجهها ملامح مأساويه وحزينه جداً ') ..
ملامح حزينه بكد حزني ويمكن اكثر لانو وجع الام علينا ضعف وجعنا

مدا اعرف شلون اوكف نفسي عن الالم والوجع والقهر ،
ومدا اعرف شلون اخفف من قهر امي عليا

اكره انو تكون سبب بحزن شخص ، خاصه ماما ،
بس مدا الكئ بايدي حل ..

اني نفسي عاجزه ،
عاجزه لادنئ درجه ..
حسبت ح احاول ابدي حياه جديده من يوم 9/9 ،، لانو فعلا جانت اكو انتقااه ولازم ابدي بيها بحياه جديده ..
بس الحياه الحديده اللي بديتها حياه مليانه كتم للقهر ومليانه دموع ومليانه مأساويه بالنسبه الي ،

هالايام ثقيله جداً واحيها مدا تمشي


اسفه لعائلتي ع اهمالي الهم .. و ع تحميلي الهم لهمومي وقهري ،
اسفه لانو مدا اتعامل ويا اخواني بغير العياط والعصبيه لو الملامح البارده الميته والجامده او انانيتي وياهم هالفتره ..الخ



اسفه هواي وما اعرف شلون اعبر الهم عن اسفي ..
'(

..

[^-^بطيخة^-^]

اقرا مشاركتي اعلاه ونصها ما افتهمها عدل من السحك ..

..

[❥تين❥]

وزاره التربيه تنطي قرارات عجيبه؛)بس تريد تحطم الطلاب ماادري شكو وليش هيج!! بس ان قرار يلغون المسائي وترقين قيد ؟؟شلون غير اكو صباحي ومسائي بكل العالم ؛( ترا مايصير
الله يكون بعونج بطيختي وعسى يارب الله يدخلج فرحه كبيره من حيث ماتعرفين ومن الفرحه تنصدمين ويصير بيج مغص من كثر الفرحه :)!!دعوه غريبه بس لوتباوعيلها زين ترا حلوه وتحتاجيلها

"هوايه صايره تسحكين "
هسه اطلع اني ساحكه هماتين

عالم من التين مرت من هنا

[^-^بطيخة^-^]

وزاره التربيه تنطي قرارات عجيبه؛)بس تريد تحطم الطلاب ماادري شكو وليش هيج!! بس ان قرار يلغون المسائي وترقين قيد ؟؟شلون غير اكو صباحي ومسائي بكل العالم ؛( ترا مايصير
الله يكون بعونج بطيختي وعسى يارب الله يدخلج فرحه كبيره من حيث ماتعرفين ومن الفرحه تنصدمين ويصير بيج مغص من كثر الفرحه :)!!دعوه غريبه بس لوتباوعيلها زين ترا حلوه وتحتاجيلها

"هوايه صايره تسحكين "
هسه اطلع اني ساحكه هماتين

عالم من التين مرت من هنا

افشل وزاره ')
حبيبتي تينايه تسلمين لي ،
آمين يا رب يسمع منج
هههه اي اي ادري والله كلش حلوا ، ومن صدك هم محتاجتها ،
بس ادري ما رح تجيني هيج فرحه هههه

لكن نكول عسى وانو تجيني ههه

واني من يومي اسحك ههههه ،
نورتي هواي تينايتي الحلوة

..

[MǻľĬҜ ăľΨÁŠї‡Ÿ]

طبعا قليل الي عدهم هل وفاء للمنتدى
قصه جميله

[^-^بطيخة^-^]

بعد عامين من هَجر التصميم ،
صممت من جديد ، على النسق الشائع الحالي
ما ادري حتكون عوده لهالهوايه او مجرد قتل للفراغ اللي دا اعيشه هالفتره :)






..

[^-^بطيخة^-^]

طبعا قليل الي عدهم هل وفاء للمنتدى
قصه جميله

يب صح ،
بس نكدر نكول انو لكل غائب عذره


شكراً لاجلك ، انرت بعودتك ، وانرت مساحتي

..