من شهر رمضان *_*المشاركة الأصلية كتبت بواسطة ايوته الشامي
اسمي زينب الشمري
و ما اكدر ادخل الماسنجر هسا مطنكره عليه هو والبرامج هههه، تعرفيني من تجيني الحاله :(
من شهر رمضان *_*
اسمي زينب الشمري
و ما اكدر ادخل الماسنجر هسا مطنكره عليه هو والبرامج هههه، تعرفيني من تجيني الحاله :(
هاي انتي ياا
عزا بعينج زينب يرادلج محاضره نفسيه قبل دور٢ انتظريهاابدي من الاحياء ،ى
خلص امتحان الاحياء واني مجاوبه ،، بس بيومها رجعت بجيت لحد ما صار عندي خفقان قوي ووجع گلبي:(
والسبب ، انو عندي اخطاء عليهم 4 درجات ، ورسم عليه تقريباً درجتين ، واني قريته لحد ما متت من القرايه والمشكله اللي غلطت بيهم جنت كلهم اعرفهم ودارستهم
المهم ،
بعد ما بجيت ما يقارب الساعه او اكثر قررت انام حتى اكعد ادرس رياضيات وما اضيعه على مود كم خطإ بالاحياء :/
بقيت اقرا واقرا وكملت الماده ب فجر الامتحان ، وراها كمت اراجع مراجعه سريعه للماده ، وبقيت احاول اكون متفائله بما انو خلصت الماده وبديت اراجعها
دخلت للقاعه ، سلمونا الاسئله ، بقيت اباوعلها ،
صفنت
يربي شنو هالاسئله
بقيت صافنه بين الامسح الدفتر وبين اكتب اللي اعرفه
حسبت درجتي ، تطلع بال70 او هيج
ما استسلمت ، حليت كل اللي اعرفه ، وبقيت اباوع باللي ما اعرفه وافكر امسح لو اكمل ؟
بس يعني مو هيج بوضع طبيعي ،
لا ، ايديا مخليتهم ع راسي ، اهز برجلي قوي كلش ، ودموعي غركن الدفتر
مجنت مفكره نهائياً بالتأجيل ولا مفكره بيه وكل همي اطلع من الدور الاول واخلص ، وجنت مخططه ل هواي مشاريع واشياء اسويها من اعطل ،،
كمشت المساحه وبديت امسح بالدفتر واشوف مشاريعي دتنمسح ، اشوف تعبي وسهري وتورم عيوني ديروح ع الخالي بلاش ،،
مسحت نص فرع وتوقفت بقيت ابجي وابجي حتى المدرسات شافوني وانقهروا ع حالتي كد ما بقيت ابجي:/
المهم مسحته وطلعت واني افكر شنو راح اكول لماما ؟
بس هم ما طلعت عادي هههههه بقيت ابجي اكثر من ساعه بالمدرسه
المهم ،رجعت ومدري شلون كلت لماما اجلت بدون ما ارجع ابجي :/
هم نمت ،، لانو اني اكعد ب2 وانام من ارجع من الامتحان ،
من كعدت ماما اقترحت عليا أئجل الكيميا واضبط الفيزيا والاسلاميه ، اقتنعت بالفكره وبديت اراجع اسلاميه يومين ، واربع ايام ونص فيزياء ،،
كملت الفيزياء قبل الامتحان بيوم واني كلش موتاحه ومتفائله ودا اقرا وزاريات واحل خارجيات وافكار وميعصى عندي شي ابد لانو شاطره بالفيزيا ،
رحت للامتحان ،، ما اعرف شلون اخذني الوقت ، دگ الجرس وخلص الوقت واني بعد لي سؤال كامل
ووياه نص فرع ونص فرع ، انطوني وقت زياده كملت بيهم باقي الفرعين بس بقى لي سوال كامل ، يعني عشرين درجه كامله !!
وبعد ما قبلوا ينطون وقت اضافي ، عاد هنا حسيت لا صدك انهاريت،، حسيت انو عندي لعنه سوء الحظ
امسح بالدفتر واني ابجي بكل قوتي حتى كمت اعيط بوجه المدرسه اللي تحاجيني بلا ما احس :/
طلعت حسبالك فاقده وابجي بكل قوتي لدرجه انو طلعت بلا شال لحد الباب اللي كدامه الحراس وجان بداخل المدرسه رجال واني حتى م منتبهه اله كد ما مو واعيه من البحي والقهر :(
حرت هالمره شلون اكول لماما من صدك !
هي مدرسه الفيزيا واني شاطره شلون راح تتقبل الصدمه ؟
خابرت عليا وكلتلها اجلت دترزلني وكلتلها اجليها للبيت هههه
ما اكلكم ،
من رجعت تعاركنا عركه اخت الجذب هههه ، تالي رحت راضيتها
وگلت انو هو هذا اللي مكتوب الي ، لانو اني دا اتعب وادرس بس مو مقسم الي امتحن
وقررت اسوي بحالي شي اذا رافقتني هاللعنه للاسلاميه :/
فكرت بهالشي حديا بحيث خليت "كتر " بالكنتور مالتي 22:
والحمدلله جاوبت كلش زين بالاسلاميه ومعندي ولا خطأ
من ارتاحيت ونمت فكرت بسالفه الكتر ههههه ، ما اعرف شلون خطرت براسي هالفكره الغبيه واني اعتبر نفسي انسانه عاقله وما افكر ابدا بهالاشياء ، بس كلت يمكن جان الالم النفسي يخليني افكر هيج تفكير غبي
وحابه اثبت لنفسي انو اني اكدر ، واكدر كل شي ، اريده احققه
لهالسبب ، اني قررت انو ابدي ارجع ادرس من باجر وحتى بدون ما ماما تقررلي هالشي او هيج ^_^
اني اعظم من انو مجرد حادث قدر يخليني اتراجع،،
فهمت شوكت حتدخلين بس شوي اني مو وياج المقاتل من ياخذ ريست ممكن ينقتل ابقي قاتلي الى ذلك الوقت
باي ذا واي كولش تشعجت انو اسوي ميمور وكذاا بيكوز يو يعني انت الريزن شوي فلسفا انكليزيه وكذا بس مادري يحتاجلي بعد افكر
شوفي ، اني اؤيد جداً مرحله المحاظره النفسيه لانو حالياً حالتي بيها نفسيه مطلقه و ارمله و واحده حامل بالشهر العاشر
ف ممكن شوي محاظراتج يساعدني مثل كل مره حتى لو بنسبه 1 % احسن من ماكو ههه
فدوا للي يفهمني من التلميح
بصراحه ، حبيت هالنظريه ، انووالمقاتل مو لازم ياخذ ريست لحد ما ينتصر
ع الرغم انو دا احاول ارجع اقاتل بس راح ابذل جهد اكبر
لهالسبب كلش تشجعت انو اسوي تذكر وكذا والسبب انت ، السبب شوي فلسفا انكليزي وكذا بس يحتاج لي افكر بعد ،، هاي الترجمه مو
اوك انتظركي لحد ما تكملين تذكر لهالاشياء
..
اختي دا تحتفل بعيد ميلاد تلفونها
تُطفي شمعه عامه الاول
والله عندها واهس يخرفن بهالشغلات
اشوفكم الاجواء
مممتتت،
ما اعرف يرفع فيديو المنتدى او لا ، راح احاول ارفعه واشوف عسى انو ينرفع ،
فيديو صورتها وهي تطفي الشمعه بالتلفون
..
الناس المثاليين اللي ع النت !
جدياً اتقرف واتقزز منهم ،
اكثر كلمه سمعتها بحياتي "اني مستحيل اكون سبب بدمار حياه بشر و عادي تخرب حياتي ولا اخرب حياه غيري"
اكدر ابصم باصابع ايديا انو كل شخص يكول هيج ، هو شخص كسر اشخاص مو شخص ،
اكدر اثق ثقه عمياء انو هم وحوش بهيئه بشر يدعون اللطف
عشرات الاشخاص بحياتي يوميا اشوفهم يكولون هالكلام ، واني اعرفهم كلش زين انو كانو سبب بدمار اشخاص
وهم بالمقابل صاروا ملائكه كدام اللي ما يعرفونهم ،
ترا اكو ناس تعرفكم زين انتو شنو !
اذا كذبتوا ع اللي ما يعرفون ما راح تكدرون تكذبون ع اللي يعرفون !
لكم انتو بكل برود تكولون هيج وتصيرون بشكل بريئ وانتو حطمتو اشخاص بفترات خليتوهم يتمنون الموت ويتمنون ينتزعون قلبهم من داخلهم وتكولون انو احنا م اذينا احد و م جنا سبب بدمار احد والخرابيط المثاليه ؟
انتو كسرتو بيوم گلوبنا وخواطرنا ، بيوم من الايام بسبب الحزن والدموع مكدرنا نتام ومرت علينا اسابيع اللگمه ما تدخل حلگنا وان دخلت ما راح تثبت بمعدتنا ونفس اللحظه نتقيأها ، انتو جنتو سبب بايام تورمت بيها عيوننا من البجي ، وتورمت خدودنا من ملوحه الدموع ، انتو خليتو وجهنا يذبل ووزننا ينزل كيلوات ، انتو السبب بعدم ثقتنا بالناس مره ثانيه ، انتو السبب بانو كمنا نشوف كل قماشه بيضا بيها نقطه سودا وان كانت مموجوده ، انتو السبب بسوء الظن اللي صار عندنا بكل الناس ،ووانتو السبب بانو صرنا وحيدين وانعزلنا عن العالم والناس بس لانو كمنا نخاف لا يجي احد بالبدايه مثلكم وبالنهايه يكسرنا ويخرب وضعنا فتره طويله مثل ما سويتوا ،
انتو ما جان الكم فضل علينا ابد ، انتو اللي جنتو تخربون حياتنا واحنا بعد وكعه كسرتنا ايام وليالي واشهر بعدها تخطينا عالمرحله المؤلمه والصعبه لوحدنا ، وبصعوبه همين!
احياناً ، اتمنى الله ينزل علينا عذاب جماعي ، اللي يستاهلون واللي م يستاهلون ، ويخلق مكاننا اقوام احسن مننا واقل تلويث اخلاق الكون ،
بس ، بسبب هالمثاليين !
:)
نزلتي نزلة و نص ع كيفج
فد لا اني منهم ي بيبي؟
هههههه حلوة هالاجواء ..كل عام و هي بخيراختي دا تحتفل بعيد ميلاد تلفونها
تُطفي شمعه عامه الاول
والله عندها واهس يخرفن بهالشغلات
اشوفكم الاجواء
مممتتت
ما اعرف يرفع فيديو المنتدى او لا ، راح احاول ارفعه واشوف عسى انو ينرفع ،
فيديو صورتها وهي تطفي الشمعه بالتلفون
..
و أعتقد هناك الدرر مفتوح باللابتوب
رد مع اقتباس
