هنا

[^-^بطيخة^-^]

لا بطيخة انتي صدك بطيخة هههه
هاي شمسويه اول ما دخلتي المنتدى
والله ماشاء الله عليج زين ليهسة باقية هههههه
سرد جميل .. احلى شي العفوية
عاشت ايدج

ههههه قريت كل اللي كاتبته اول دخولي ؟
اكيد عيونكً راحو هههه

ليش زين لهسا باقيه مفهمت ههه ، تقصد لانو قديمه لو تقصد جان انحظرت من زمان ؟


تسلم ذوقك عمو ،، نورت ، واسعدني مرورك

[Asᴅ.Aℓяᴀfєdαɪи]

ههههه قريت كل اللي كاتبته اول دخولي ؟
اكيد عيونكً راحو هههه

ليش زين لهسا باقيه مفهمت ههه ، تقصد لانو قديمه لو تقصد جان انحظرت من زمان ؟


تسلم ذوقك عمو ،، نورت ، واسعدني مرورك

اقصد زين انه بعدج هنا ورة البلاوي الي سويتيها اول ماسجلتي هههه
النور نورج بنتي .. استمري
تحيتي

[^-^بطيخة^-^]

اقصد زين انه بعدج هنا ورة البلاوي الي سويتيها اول ماسجلتي هههه
النور نورج بنتي .. استمري
تحيتي

ههههه ياا ، يا بلاوي هاي ، والله اني حبابه ترا ههههه ،
اصلا جنت كلش حبابه لانو جنت صغيره هسا شوي عود كبرت وتوكحت

[^-^بطيخة^-^]

اني من اوگف بمكتبه ، اصفن ،، اصفن هواااااي ،
جدياً اگوم ما اعرف شنو اختار :/
خاصه اذا م لگيت الكتاب اللي اني جايه اشتريه ،،


من اصعب المهمات عندي هي انتقاء كتاب ،،
ما اعرف اذا كان راح يكون سعاده الي ، وفائده ، و خسارتي للفلوس وللوقت الثمين مالتي اله ما اعرف اذا حتكون حرامات او مو حرامات ،
ما اعرف اذا راح احب اباوع له ويا مجموعه كتبي او راح من اشوفه اكول ايع لو مشتريه غيره احسن ،، او اكول حرامات خسرت وقتي بيه ،،
والنهايات ، اذا روايه هنا حيرة عظيمه عندي ،،

الحيرة الاولى ،،
هي انو اني اكره النهايات الحزينه لهالسبب اتجنب قراءه روايات عشوائيه ،،
ع الررغم انو اني تقريباً كل الروايات اللي قاريتها جانت مغامره كبيره مني انو اقراها وخاف تطلع بنهايه حزينه


يعني اعيش ويا الابطال واصير جزء من تفاصيل حياتهم ف من تنتهي بنهايه حزينه تصيبني كئابه لمده لا تقل عن 3 ايام :/ ،، ومرات اتحلم بيهم :/
حتى المسلسلات همين هيج :/


المشكله الثانيه ،، عده مرات قريت روايات بشكل بي دي اف وما طقت اكمل منها اكثر من 30 صفحه ، :/ ،، ف من اريد اختار تصيبني الرهبه انو ما راح تجذبني وراح اتركها ، :/ ،،
ولحد البارحه هم قريت روايه وتركتها من بدايتها لانو حسيت بالاشمئزاز منها و تحسفت ع الوقت اللي خسرته بيها :/


هالاشياء احسها اضطرابات كُتبية





بس المهم ،،


اليوم غامرت واشتريت كتاب"صلاة ،، طعام ،، حُب"
وكتاب"ما تُخبئه لنا النجوم"








ههههه بعدهم بالكيس مالتهم ،
ما احب افتحهم قبل ما اقراهم ،،

اعرف ،، سوالفي وطبائعي وعاداتي غريبه هههه





شفت اكو كتاب بعد 7 سنوات ، مال غيوم ميسو ،، بس هم خفت اشتريه وميعجبني هههه ، ع الرغم من انو اني كلش حابه اقرا كتب ل غيوم ميسو لانو جدداً حبيت روايه سنترال بارك مال غيوم ميسو

[^-^بطيخة^-^]

عطلت 7/17 الثلاثاء
وقررت اخذ يومين ريست وارجع للدراسه حتئ لا ياخذني الواهس بالعطله وانسئ شلون ادرس وتعال اللي يرجع لي النظام الدراسي *-*


طبعاً گضيتها اشتغل واسوي الاشياء اللي متراكمه من ايام المراجعه عندي ..
قررت اشبع سوالف ويا صديقتي بس النت غدرني :(
قررت اشبع نوم وما صارت لي فرصه :(
قررت اشوف فلمين ومشفت :(


واليوم 7/20 راجعه ادرس
اليوم بس راح اكعد متإخر "ب8 مثلاً"
وبعدها ابدي اكعد ب6 *-*

من اگول اگعد بال6 دا احسها متأخر ..
جنت اكعد ب 2 وب 3 الصبح
واذا انأخر كللش ف ب4 الا شوي وهنا احس الوقت كله طار وابدي اركض اكمل صلاتي حتئ ابدي ادرس


صح ايام متعبه هههه .. بس بنفس الوقت تحسها انجاز بتاريخ حياتك

[^-^بطيخة^-^]

ابدي من الاحياء ،ى

خلص امتحان الاحياء واني مجاوبه ،، بس بيومها رجعت بجيت لحد ما صار عندي خفقان قوي ووجع گلبي:(
والسبب ، انو عندي اخطاء عليهم 4 درجات ، ورسم عليه تقريباً درجتين ، واني قريته لحد ما متت من القرايه والمشكله اللي غلطت بيهم جنت كلهم اعرفهم ودارستهم

المهم ،
بعد ما بجيت ما يقارب الساعه او اكثر قررت انام حتى اكعد ادرس رياضيات وما اضيعه على مود كم خطإ بالاحياء :/


بقيت اقرا واقرا وكملت الماده ب فجر الامتحان ، وراها كمت اراجع مراجعه سريعه للماده ، وبقيت احاول اكون متفائله بما انو خلصت الماده وبديت اراجعها

دخلت للقاعه ، سلمونا الاسئله ، بقيت اباوعلها ،
صفنت
يربي شنو هالاسئله
بقيت صافنه بين الامسح الدفتر وبين اكتب اللي اعرفه
حسبت درجتي ، تطلع بال70 او هيج
ما استسلمت ، حليت كل اللي اعرفه ، وبقيت اباوع باللي ما اعرفه وافكر امسح لو اكمل ؟
بس يعني مو هيج بوضع طبيعي ،
لا ، ايديا مخليتهم ع راسي ، اهز برجلي قوي كلش ، ودموعي غركن الدفتر

مجنت مفكره نهائياً بالتأجيل ولا مفكره بيه وكل همي اطلع من الدور الاول واخلص ، وجنت مخططه ل هواي مشاريع واشياء اسويها من اعطل ،،

كمشت المساحه وبديت امسح بالدفتر واشوف مشاريعي دتنمسح ، اشوف تعبي وسهري وتورم عيوني ديروح ع الخالي بلاش ،،
مسحت نص فرع وتوقفت بقيت ابجي وابجي حتى المدرسات شافوني وانقهروا ع حالتي كد ما بقيت ابجي:/

المهم مسحته وطلعت واني افكر شنو راح اكول لماما ؟
بس هم ما طلعت عادي هههههه بقيت ابجي اكثر من ساعه بالمدرسه



المهم ،رجعت ومدري شلون كلت لماما اجلت بدون ما ارجع ابجي :/
هم نمت ،، لانو اني اكعد ب2 وانام من ارجع من الامتحان ،


من كعدت ماما اقترحت عليا أئجل الكيميا واضبط الفيزيا والاسلاميه ، اقتنعت بالفكره وبديت اراجع اسلاميه يومين ، واربع ايام ونص فيزياء ،،

كملت الفيزياء قبل الامتحان بيوم واني كلش موتاحه ومتفائله ودا اقرا وزاريات واحل خارجيات وافكار وميعصى عندي شي ابد لانو شاطره بالفيزيا ،

رحت للامتحان ،، ما اعرف شلون اخذني الوقت ، دگ الجرس وخلص الوقت واني بعد لي سؤال كامل
ووياه نص فرع ونص فرع ، انطوني وقت زياده كملت بيهم باقي الفرعين بس بقى لي سوال كامل ، يعني عشرين درجه كامله !!

وبعد ما قبلوا ينطون وقت اضافي ، عاد هنا حسيت لا صدك انهاريت ،، حسيت انو عندي لعنه سوء الحظ

امسح بالدفتر واني ابجي بكل قوتي حتى كمت اعيط بوجه المدرسه اللي تحاجيني بلا ما احس :/
طلعت حسبالك فاقده وابجي بكل قوتي لدرجه انو طلعت بلا شال لحد الباب اللي كدامه الحراس وجان بداخل المدرسه رجال واني حتى م منتبهه اله كد ما مو واعيه من البحي والقهر :(

حرت هالمره شلون اكول لماما من صدك !
هي مدرسه الفيزيا واني شاطره شلون راح تتقبل الصدمه ؟
خابرت عليا وكلتلها اجلت دترزلني وكلتلها اجليها للبيت هههه


ما اكلكم ،
من رجعت تعاركنا عركه اخت الجذب هههه ، تالي رحت راضيتها
وگلت انو هو هذا اللي مكتوب الي ، لانو اني دا اتعب وادرس بس مو مقسم الي امتحن


وقررت اسوي بحالي شي اذا رافقتني هاللعنه للاسلاميه :/
فكرت بهالشي حديا بحيث خليت "كتر " بالكنتور مالتي 22:

والحمدلله جاوبت كلش زين بالاسلاميه ومعندي ولا خطأ
من ارتاحيت ونمت فكرت بسالفه الكتر ههههه ، ما اعرف شلون خطرت براسي هالفكره الغبيه واني اعتبر نفسي انسانه عاقله وما افكر ابدا بهالاشياء ، بس كلت يمكن جان الالم النفسي يخليني افكر هيج تفكير غبي

وحابه اثبت لنفسي انو اني اكدر ، واكدر كل شي ، اريده احققه
لهالسبب ، اني قررت انو ابدي ارجع ادرس من باجر وحتى بدون ما ماما تقررلي هالشي او هيج ^_^

اني اعظم من انو مجرد حادث قدر يخليني اتراجع ،،

[رضـــا]

عاشت ايدج

والقصة مالتج تأثرت بيه الصراحة

[^-^بطيخة^-^]

عاشت ايدج

والقصة مالتج تأثرت بيه الصراحة

ايدك العايشه خيي ،
بس ترا قصتي حقيقيه مو خيال

[رضـــا]

ايدك العايشه خيي ،
بس ترا قصتي حقيقيه مو خيال

ازري واني جنت منتضرج

تنزلينه

[^-^بطيخة^-^]

بعد تفكير طويل ،
قررت انو بعد ما ادخل بيت جدي :)
حتى ان كنت اشتاق لبيبي وجدو ، ممكن اتحجج بالدراسه واخليهم هم يجوني ،،
وخالاتي ، ممكن انو هن يجن لبيتنا اذا مشتاقات الي ،

وممكن انو اروحلهم اذا خالي ومرته مو بالبيت :)
بس البيت اللي بيه اشخاص ينتقصون مني ومن قدري ، ما ادخله ولا اريده :) ،،
اكيد مو للابد هالشي ،،
بس راح ادخله الهم بالوقت المناسب :)

،،