هنا

[^-^بطيخة^-^]

اسوء شي .. من تنتظر شخص بمكان وانت تدري بيه محيجي لا على باله بس تبقى تنتظر لحد ما تبدي تنام ع نفسك :/ جد شعور محلو ~♨

[قـَســم ✞]

متابعة

[^-^بطيخة^-^]

ليله البارحه مليئه بالرعب والخيال .
.
.
اليوم الساعه ب1 وشوي الصبح .. قررت دا انام .. ويا نومتي طفت الكهرباء >_< .. اتخبل من تطفى الكهرباء لانو اخاف ..
المهم نمت .. و رجعت كعدت ،من كعدت بعدها الكهرباء مطفيه بس انا مكدر احرك جسمي ابد ولا اي شي احس كل شي بيا متخدر حتى نفس كوة جنت دا اتنفس، ..قبل جانت تمر بيا هالحاله وتخلصت منها .. ما اصورلكم الشعور لانو محتعرفوه بس اللي مجربينها :( .. المهم شوي بقيت احاول وفك الخدر بس احس ثكيله حتئ ايدي مكدر اشيلها من الثكل :( .. وطبعا هذا نفسي بعده صعب واحس بيه ارتجاف كد ما مختنكه :( . . انوب اسمع صوت امي دتحجي بصوت ناصي واحس حركتها دتقترب مني لجربايتي >_< . اني قبل اختي جانت تجيها هالحاله .. يسموها باسم شائع"جاثوم" واعتقد اله تفسير علمي *خاف يريد يتفلسف احد عليا ومعاجبه غير العلم*
ف جانت توصل مرحله انو حتى عيونها ولا قطره فتحه بيها فتبقى تحاول انوتطلع صوت من حنجرتها شلون النايم وبالحلم يريد،يصرخ يبقى يطلع منه صوت قليل واني جنت احس عليها واكعدها .. بقيت احاول اطلع هالصوت بلكي تحس عليا ماما بس من اقتربت كلش قريب مني بمسافه اقل من متر جان يختفي صوتها ولا حسيت باي حركه .. ما اوصفلكم شعوري هههههه حقا حسيت حموت .. بقيت بداخلي اطلب يساعدني رب العالمين بلكي اتحرك لانو كلش خفت بقيت ادعي واخر شي كمت اكول يا علي :( .. ورا شوي كدرت اكعد بقيت اباوع حسبالك طالعه من سجن والله ههههه .. امي دائما تكلي اقرا المعوذات واية الكرسي من اخاف وهيج احس اشياء واتخيلها .. من الخوف نسيت ايه الكرسي ههههه .. تالي كوة تذكرتها .. بس شنو كوة نمت :$ .. بس اغمض عيوني اشوف شكل بنت مرعب يجبرني ابقي عيوني مفتوحات لهسا اتذكر هالشكل اتوقع لو احد بهذيج اللحظه ذابحني حرام م يطلع مني قطره دم
كعدت الصبح سولفت لماما تكلي هاي كلها تخيلات من الخوف هههه واني همين من صدك كلش اخاف . مرات انصدم حتى بظلي
.
.
.
وبعد ما كملتوا قراءة سالفتي اتمنالكم وسواس مبارك وليله مخيفه مليئه بالتخيلات والرعب مثل ما كعدت اتخيل واني بحالتي المأساوية

[^-^بطيخة^-^]

متابعة

يسعدني ذلك .
نورتي

[^-^بطيخة^-^]

وها نسيت شي .. فوك خوفي والاشكال اللي اتخيلها والاصوات اختي نايمه بالجربايه اللي مقابيلي وفوكاها جرجف ابيض . من تحركت والله حسيت جسمي كزبر اجاني شعور انو هاي مومياء لو جني مو اختي واني منا صاعد عندي السكر من الخوف اجت تموتني بمكاني وتسببلي جلطه ..
اليوم اذا قررت تتغطى بيه اطردها برا الغرفه هي وجرجفها

[مِـيهہرَمــآهہ ♬✿]

مرينا من يم داركم

[هــاجــر]

عاشت ايدج...مذكرات جميله

[^-^بطيخة^-^]

مرينا من يم داركم

منورة الدار واهل الدار يا ئلبي

عاشت ايدج...مذكرات جميله

مرورج اجمل جوجايتي ..منورتني هواي حياتي

[^-^بطيخة^-^]

الاحياء مكروه جداً :/ . الاشياء اللي تخص الانسان والحيوان احبهم احسهم حلوات .. مثل الوراثه والانسجه الحيوانيه ، التنفس ، التكاثر في الحيوان ونهايه الفصل الرابع المتعلقه بالتشوهات والخلايا الجذعيه والتوائم والعقم واالاستنساخ ..
مو انسجه نباتيه ورميح واعضائه وتكاثر الكائنات الاخرى او النباتات او الخليه وسايتوبلازم ونواة وهالخرابيط،اللي ما الها فائدة
يارب اخلص الفصل اليوم بجمال .. ولو اكيد اعضاء الرميح حيخربون الوضعيه -_-

[^-^بطيخة^-^]

فايچه . ومقهورة جداً *سمايل قلب مكسور*