هنا

[^-^بطيخة^-^]

سلام درر

لـِ أكسر الروتين قليلا ^.^

كتبت هالموضوع حتى أشارككم بذكرياتي ومواقفي اللي صارت لي هنا
في بيتي الثاني

<< درر العراق >>

اتمنى ان ينال إعجابكم ^_^

كونوا بالقرب مني حيث هنا

[^-^بطيخة^-^]

احم احم
لكسر الروتين قليلا .. فكرت انو اكتب لكم حكايتي منذ اول تسجيلي في درر العراق والى الان

يمكن القصه طويله جداً جداً بس راح اتعب عليها واكتبها لكم وان شاء الله تستمتعون بمغامراتي هههه


ذكرياتي في الدرر وأول تسجيلي فيه

طبعا درر العراق هو اول منتدى او وسيله اتصال بالنت عرفتها حتى قبل الفايبر والتليكرام والوتس أب ...الخ

المرحله الاولى ((التسجيل ومحاولة إقناع الام ))


بيوم من الايام رحنا لبيت جدو وكان هو اليوم اللي بعد استلام النتائج ورحنا حتى نرجع اختي للبيت بعد ما كانت يم بيت جدو طول السنه الدراسيه وكنا فرحانين بيها لانو طلعت معدل جيد ^^

سألتها ماما وكالت لها تطلع نتائج مدرستها
اختي فتحت الفون اللي كانت قبل اقل من اسبوع مشتريته بمناسبة تخرجها
فتحت موقع غريب اول مره اشوفه واسمع بيه لاني اعرف انها مسجله ب منتدى (.....)

كلت لها المنتدى : ملاك حلو بفونج الجديد >> (غباء)
كالت لي هذا غير منتدى احلى من هذاك وبيه أعضاء هواي ^^ اسمه درر العراق

كلتلها اهاا حلوو (فوقعت في حب هذا المنتدى منذ ذلك اليوم) بقيت دائما من تفتحه اباوع بيه وياها وهيكا

اجت ايام وراحت وكانت كاعده هي ع الحاسوب مال البيت :/
كلت لها ملاك حبابه اريد اطلب منج طلب بس مو متقبلين
كالت لي كولي ،، كلتلها اريد أسجل بهالمنتدى


كالت اسألي ماما حتى اسويلج بريد وأسجل الك بيه ^^ >>> كانت فرحتي لا توصف بتلك اللحظه


ماما ماما خلي أسجل بالمنتدى مال ملاك :( ،، ماما : وشنو هذا
اني: ماما هذا نفس هذاك الموقع مال(....) بس حلو وملون >> لونه احمر

المهم قنعت ماما واستخدمت رقمها للبريد وحاولت اسجل اسمي زينب وحده بالعربي او الإنكليزي او زينب البغدادية وكذا وكلهم م متاحات >>> اختي كانت تسوي لي الخطوات اني بس اباوع واقترح اسماء ، والبريد هم هي سوته بأختصار كنت قافله كلشي م افهم من هالأشياء لانو احسهه معقده *_* .. نكمل السالفه <<<


سجلت وبدأت بتعليمي الاساسيات ك المشاركات وهيكا ^_^ كنت لما اسوي عشر مشاركات وكآنها انجااااز الي

هنا انتهت المرحلة الاولى




المرحله الثانيه ((تكوين الصداقات والعلاقات مع الاّعضاء ^^ ))



طبعا اول بنت شفتها بالمنتدى هي وحده اسمها نونه البصراوية اعتقد
والثانيه ❤️❤️Kim Rosa❤️❤️ هي ح تعرف حالها اكيد وأنتو هم تعرفوها بس هي بغير اسم حاليا ههئ
وبعدها شفت مجنونه عيونك(جنه) وموده القرآن وأيام الوداع


طبعا من اول ما شفت كيم روزا وقعت في حبها وما اعرف كيف اكلمها واخاف تطردني :(

عفتها م حاجيتها


حجيت وَيَا موده كم رساله ^^ وويا مجنونه عيونك (هم هي تعرف نفسها ) وكانت بهذاك اليوم فرحانه بعوده صديقتها الماسه الشتاء ^^

ورآها بفتره حاجيت كيم روزا و لهسا اتذكر موقفي المحرج وياها
كنّا نتكلم ع النتائج وكذا لان هم صادفت هي وياي بنفس المرحله فكالت انا طلعت كذا معدل
اني طبعا حسبالي الكل يكذب ف كلت لها عود صدك لو كذب
كالت لي وشكو دا اكذب شوفي هالموضوع وتأكدي -_- ،، طبعا بهذيك اللحظه يمكن هي كانت النار تطلع من عيونها من الغضب عليه ((حقها والله اذا يجيها شخص مثلي يجفص بالبطن ))

اني تفشلت منها بهذاك الوقت لذا حاولت انخرس هههه
طبعا اني كنت مثل الغبيه من أتعرف ع الاعضاء -.- يعني اسمي كذا صف كذا هلكد اخوات عندي واني هالكد عمري ((حسبالك دا انطيهم يطلعون لي جنسيه او بطاقه تموينية )) أسلوبي مو قانوني ابد ،،
هنا تعرفت ع اول صديقه احبها وأموت ع ربها

ايي وجان ادخل ع ملف جوجو (ايام الوداع)
ولا بالخمسين مره أعيد إرسال كلمه هلو عادي نكون صديقات ارسلها وهي توصل واني حسبالي متنرسل وكل يوميه ارجع ادزلها خطيه جيت اخبلها

عفتها ،، دخلت ملف موده بقيت اباوع بيه واكول : يء خلي اطلع بسرعه كبل لا تشوفني بملفها وتكول للإدارة عليا ويحظروني ويكلولي شكو بملفها

رحت لملف مجنونه عيونك شفتها حاجيه وَيَا بنت ما أتذكرها منو ،، قتلني الفضول اشوف محادثتها
بقيت أدوس لحد ما مل الماوس وانفتحت المحادثه
طبعا احس كأنو بالملف كاميرات ويراقبوني ومَ يقبلون احد يشوف المحادثه ههههه ،، وخفت من الحظر بس ما منعني هالشي من فضولي قريت المحادثه وكان الحديث انو لو جنه لو البنت اللي ما أتذكرها اَهلها مخلينهه وحدها بالبيت وطالعين وصارت مغرب والكهرباء طفت ورجعت وهاي خافت وصديقتها تزيد عليها وهي تكللها اني كلبي حيوكع وأنوب انتي تريديني خوف

ورآها رحت لبيت جدو وبقيت شهر رمضان وماعندي فون او شي لذلك م فتحت أبد وكانت مشاركاتي تقريبا 20
وراها جت اختي وكمت افتح وياها من الساعه ب 5 الصبح بالصيف وراها نطلع للحديقه ونبقى نسولف ع المنتدى وهي تسولفلي ع اللي تعرفهم وكذا هههه وطبعا بدأ نشاطي وحزنت كللللش لما الرسائل مال المدير كامت ما تطلع لان تعديت ال60 مشاركه :(

واختي من صارت من اهل الدار كمت اتحسد بيها لان هي صارت واني بعدني -.-
وكمت اصير نشيطه واشارك بحيث كدرت بفتره قصيره (ورا ما غبت هواي) وصرت من اهل الدار


واول همسه وصلت لي هي من العم بهلول الرشيد ^_^ وكان دازها الي بالغلط يمكن ههه بيها كلام هن برنامج داونلود مازنجر وعن الويندوز :/


ومن كنت ورديه شفت موضوع وتعلقت بيه اسمه (سوالف نسوان) كنت أراقب من بعيد دون مشاركات وتجرأت وكتبت : ( تقبلون أشارك وياجن بهالموضوع لو لا ) ادري هم غباء مني وسذاجه
بقوا يضحكون علي وكالو لي لا م يصير ويكلولي ترا نمزح وياج اي سولفلي وأول موضوع كانو يتكلمون بيه هو عن المكياج كلتلهم هي الحلوه ما تحتاج مكياج البراءه احسن للوجه ووحده هم ضحكت ع تعليقي ومن هذاك اليوم صرت اهوى هالموضوع

وكل ما يدخلون له يلكوني موجوده واللي كانن صديقاتي ودائما وياي بهالموضوع وخاصه بالليل هم
جيميني كيرل كانت مشرفه الترفيهي وملاك ونرجس الموسوي والريم وشمس الهدى اعتقد هسا هي نفسها روح لا تعرف اليأس ووقانا اغرد بهمس ونور اج نفسها ملكه الشرق او كليوبترا وفيروزه ومرات زهره ساكورا والفراشة الزرقاء والكتابه الأنيقة وراها جت زينب اج اخت نور بس كانت بومه ما تحج يتكول كلمه وتبقى متفرجا هههئ كنّا نجتمع احيانا كلنا وأحيانا بعضنا ونكعد نسولف ((اشتاقيت للمتهم))

المهم بفد يوم نرجس الموسوي اللي اسميها بنت العم او بنت الخال ههه ،، كالت بعد ما نفعل نت واني وملاك ونور والريم والشله الـلطيفه انقهرنا لانو راح تغيب وجان تختفي وكمنا نكول وينك يا بنت العرب وأين انتي وهي لا رد وبدأ اللطم
وجان تفاجئنا وترجع ثاني يوم العصر آثاري قبلوا يفعلوه






المرحله الثالثه ((تعارفي بالبعض عن طريق الصدف ^^))
مثل م كلت كيم روزا ومجنونة عيونك تعرفت عليهم بشكل رسمي تقريبا والباقين عن طريق الصدف


اجيكاي ،، مره نرجس الموسوي((شرفه القمر اسمها الجديد)) كانت فجر وهي مسويه موضوع ع انو أغلى حليب بالعالم هو حليب الحمار
اني مدري شكلت المهم قصدي انو لو اموت ما اشربه اجا هالاجيكاي وكال لي اسمي روحي اقبل اشربه لان اني م محصلته اصلا واني معنده ما اقبل تالي كلت له كافي دردشه الموضوع حينغلق بسببنا وحكينا شوي بالزوار وسكتنا هذا كان اول حديث بيننا وراها بسنه يمكن حجى ويايه بالهمسات
طبعا اني بسالفة الحليب حسبالي هو عمو يعني فد ثلاثين أربعين سنه عمره لان صورته فد شي كانت

ومن حاجاني بالهمسات حسبالي هذا غير واحد وعرفت عن طريق الصدفه لما مره شفت المحادثه ع الزوار وتذكرت السالفه ههههه ((كون يعرف اني اني حسبالي هو عمو ))

ومن كنت اعرفه بصفته عمو حسبالي عنده اخت لان حول اسمه مزخرف ونهايته هاء ف حسبالي اجيكاي واجيكايه : ((يخرب بيتي ع هالتفكير ))


Zainab.h طبعا اول صداقتي وياها مشكله ههه يكلون بعد الكره محبه هههئ
والمشكله هي اول ما سلمت عليا جاوبناه كتبت ضحكه -.- كتبت لو ابتليت ع عمري ؟:|
بقت تدردمومانها عجوز تكلي شنو سولفت نكته وتضحكين -_- كلت لها لا سُوَري بس متعوده ع صديقتي لازم اضحك وياها ف كتبتها عن دون قصد الج وورا اسبوعين هم دزتلي وطبعا كله بسامير تبذلي وبسامير أذبلها هههه تالي سوت بيا مقلب عمري م أنساه جت تسوي بيا قلب ههههه فديتهه كبد عمري فديت ربها
ادريس ،، عرفته عن طريق قراءتي لقصته ((مال الجن نسيت اسمها)) ودعوته الي للعبه الكلاش



روح شيطانيه شاء قصدي ملائكية عرفتها عن طريق ال هي هي اللي ترددها دائما وعن طريق اختي والربع والمخبل


هدوء الياسمين ،،
شاءت الصدفه ان أرسل لهواي أعضاء معايدات وكذا ودخلت ع ملفها من فتره طويييله م داخله. ف كلت اجرب حظي وياها هههه دزيتلها هلاو وجان ثاني يوم دخلت وجاوبتني واني تعجبت لان من هواي كلش م داخله ودخلت سألتني ع اسمي وكلتلهه زينب واني سألتها وكالت لي نايا طبعا اني م كدرت اقرأ الاسم لان مو واضحه الشاشه مال حاسوب والاسم غيري ف اني أكلها قصدج انتي اسمج نبأ تكلي لا نايا وأكلها تابا وتكلي نايا لحد ما ضاجت مني ههههه وكالتلي رايحه عندي شغل
ورا اسبوع رجعت دزتلي رساله وعرفت اسمها عدل وصرنا أعز صديقات


امممم طبعا بعد م اتذكر الباقين ههه بس هواي منهم تعرفت عليهم عن طريق إرسال الخمسه الخطا لانو كام ايبادي يخربط بالهمسات ولان كانت تخلف طريقه إرسالها عن هسا ،، الاعضاء القدامى يعرفون قصدي




وجت فتره وراحت فتره وناس تزوج وناس تغيب ناس تقطع أخبارها بس همىكل واحد بيهم بالنسبه الي مكانته محفوظه وافرح يوم أشوفهم موجودين

وجت هواي فترات حاولت اترك الدرر بس ماكدرت دائما احاول وما تنفع المحاوله


ومره غبت لانو زينب اج اختفت فجأه وكالت لي بعد ما اكدر ادخل وادعيلي وبالأشياء اللي تخوف وطلعت رأسا انا بقيت ابجي وارسسلها وهي غالقه كل شي عدا الهمسات تالي كمت احاجيهه بالتقييم وخمنت انو هي تدخل بالمخفي وتتقتصد م تقرا همساتها حتى لا يبين هي موجوده ف بتقييم كلت لها وزينب هاهيه لهنا وانتهى كل شي بعد لا اعرفج ولا تعرفيني ولا تكولين لي شي من ترجعين لان بعد الحجي م ينفع ف. هي انصدمت من كلامي ف اضطرت تجاوبني وكالت لي ليش هيج تسوين واني المفروض بهيج ضرف تبقين وياي وهالعتاب واني رأسا جاوبتها كلت لها والله دا اتشاقه بس حتى اخرب مخططك بانو تدخلين ومنفتحين الهمسات ف قررت تحجي وياي واني م اكل لاحد وراها بأسبوع غابت بلا اي كلمه وهمين بقيت ابجي وانقهرت وانتظرت اسبوعين تالي غلقت كل شي بس الهمسات وغيرت رساله الملف وهالشياء والرمزية ولغيرت كل الأصدقاء وفيروز كالت لي ها زينب حتى انتي وزعلت مني واني انقهرت اكثر وزهره ساكورا عود دا تصالحنا وفيروز عصبت بوجهها وتزاعلوا بسببي :( انوب اني ضجت ورحت حجيت ع زهره ساكورا كلتلها بس فيروز صديقة اني مو صديقتج لا تتزاعلون وياها بدبي او اي واحد هي تحبج لا بهالسهوله تتزاعلون بسبب اي شخصا تالي طلعت وهن تصالحن وهذا ورا اسبوعين متتاليين من الغياب اختي شافت زينب بالمنتدى وطبعا اني كنت عافيه وهي كالت لي زينب هاي زينب اج داخله وكاتبه مشتاقه لزنوبه ، هنا اني حتى النوم راح من عيني وكان يصادف بليله اول يوم من الدوام المدرسي.


وعاشت عيشه سعيده ،،





اعتقد طولت هوااااي بالموضوع ان شاء الله اكتب. ألكم الاشياء اللي تركتها حاليا اذكرها لكم بعدين ^_^

جاناا درر ​

[روِمِيّوِ آلَعَ ـصِـر آلَحً ـدُيّثًـ]

عيوني راحت
عود خوش موضوع

[^-^بطيخة^-^]

عيوني راحت
عود خوش موضوع

وين راحت وليش

ئي طبعا خوش غير اني مسويته ^_^

شكرا روميو للمرور ،، نورت

[روِمِيّوِ آلَعَ ـصِـر آلَحً ـدُيّثًـ]

وين راحت وليش

ئي طبعا خوش غير اني مسويته ^_^

شكرا روميو للمرور ،، نورت

راحن يتمشن شويه ويرجعن خطيه ملن
تباً للتواضع

[Ⓢⓐⓑⓐ]

موضوع جميل
متابعة

[^-^بطيخة^-^]

راحن يتمشن شويه ويرجعن خطيه ملن
تباً للتواضع

ئي خطيه لعد حقهن شكو حابسهم النهار كله
فديت تواضعي الشميل

[^-^بطيخة^-^]

موضوع جميل
متابعة

كَـ مرورج ^^
نورتي

[Ćat]

متابعه^^
بالتوفيق

[روِمِيّوِ آلَعَ ـصِـر آلَحً ـدُيّثًـ]

ئي خطيه لعد حقهن شكو حابسهم النهار كله
فديت تواضعي الشميل

ما عم علينه غير تواضعج الشميل
تدرين ما اروح من الموضوع اذا ما احصل تقيوم