هنا

[^-^بطيخة^-^]

المشكله انو كُل سنه مثل هيج يوم اكعد الطم ،
والسبب!!
السبب انو دائماً الفگر يذكرني اروح للطبيب قبل اسبوع او اسبوع ونص من العيد ،
واي علاج ينطوني اياه يقشر البشره ويخليها تتحسس وكذا بحيث اني نفسي اكوم ما اريد اباوع بخلقتي گد ما يورم واكرها


​يعني هالشغله كل سنه تنعاد وكل سنه نفس اللطميه عندي :(

[Ⓢⓐⓑⓐ]

بتيخة احب هالمدوونة

[^-^بطيخة^-^]

بتيخة احب هالمدوونة

حبيبي فدواا لعمرج وانا احب وجودج بيها
..

[قـَســم ✞]

بتيخة احب هالمدوونة

وانـــا كمــــااااان

[^-^بطيخة^-^]

وانـــا كمــــااااان

حياتم فدوا لقلبج
واني هم بعد أحبج وأحب تواجدج

[^-^بطيخة^-^]

انتو شنو تعرفون عني ؟
الشخصيه اللي بداخلنا اللي غالباً ما نخفيها عن (الكل) ،
منو بيكم يعرفها !
منو يعرف اني بالحقيقه شنو تفكيري !
منو يعرف شخصيتي الحقيقيه ! ،
منو يعرف الانسانتين اللي يعيشن بداخلي !
وشلون تثبتون معرفتكم بيا !

..
هاي مجرد تساؤلات ، بالحقيقه هي عنيفه ، بس قراءتها مو عنيفه ،
بس تخيلوا اني واكفه كدامكم ودا اكول هيج ؟
راح الكل ينزعج ، وراح الكل يعتبرني مو مال اكون صديقه احد او مقربه لاحد مو وفيه ،،،الخ


..

بس تدرون ؟
هاي الحقيقه !
هاي الحقيقه اللي عند الكل مو بس عندي
انتو متعرفون مني غير اللي اكوله الكم !
واني ما اعرف عنكم غير اللي تكولوه الي !

محد يعرف بالشيطان اللي بداخلي ولا اعرف بالشيطان اللي بداخلكم
نشوف بعضنا ملائكه جداً وبالحقيقه احنا مجرد كائنات بائسه ومقيته

محد يعرف الطفله اللي نايمه بداخلي ،
ومحد يعرف نسبه الشر بيا ،
ولا اني اعرف الطفل الي بيكم ولا اعرف نسبه الشر اللي بيكم

متعرفون الجانب السيء مني ولا اعرف الجانب السيء منكم ،
كلنا نحاول نبدوا كدام الاخرين باحسن مظهر بس احنا لابد انو تتواجد بداخلنا كميه (قرف)
يمكن احد يكول لا اني ما بيا ،
لا ، الكل بيه ، اكو البعض يحس بيه لانو بعده م متعود عليه زين ، وممكن نعالجها ، والبعض ما يحس بيه كد ما غركان بيه


خلوها قاعده بحياتكم ،
محد يعرف احد !
راح تعرف الاحد بحاله واحده ، لما انت راح تسمعه شيحجي بكلبه ولمن تعرف نيته وتكدر تشوفها ، ومن تكدر تحس بشعوره وتعيشه تمااماً ، واكيد ماكو بشر عادي يكدر ، لانو احنا مو انبياء
لحد يضحك علينا بسالفه تبين من العيون والابتسامه وطريقه الحركه ،،الخ

لا ابدا ً

احنا البشر منعرف بعض نهائياً
منعرف حتى هذا الاقرب النا من وتيننا



احنا منعرف غير اللي يكولوه النا ،
ومحد يعرف عننا غير اللي نكوله احنا


لذلك ، خلو دائماً مسافه امان بينكم وبين الناس حتى اهلكم والمقربين منكم ،
مسافه تخليك تتوقع اي شي ومن اي احد
واذا بصمتوا ع احد ب شي زين ، ف ابصمو ب 9 اصابع حتى بعدين تعضون الاصبع العاشر من الندم :)

واذا حقدتو او هيج شي بسبب شي سيء ف خلوا خط رجعه لبياض القلب ، ممكن هالشخص هو اللي يساعدكم بيوم ويطلعكم من شده ما خلصكم منها اللي بصمتوا له بال9 :)

​..

[Ph. Zahraa]

انتو شنو تعرفون عني ؟
الشخصيه اللي بداخلنا اللي غالباً ما نخفيها عن (الكل) ،
منو بيكم يعرفها !
منو يعرف اني بالحقيقه شنو تفكيري !
منو يعرف شخصيتي الحقيقيه ! ،
منو يعرف الانسانتين اللي يعيشن بداخلي !
وشلون تثبتون معرفتكم بيا !

..
هاي مجرد تساؤلات ، بالحقيقه هي عنيفه ، بس قراءتها مو عنيفه ،
بس تخيلوا اني واكفه كدامكم ودا اكول هيج ؟
راح الكل ينزعج ، وراح الكل يعتبرني مو مال اكون صديقه احد او مقربه لاحد مو وفيه ،،،الخ


..

بس تدرون ؟
هاي الحقيقه !
هاي الحقيقه اللي عند الكل مو بس عندي
انتو متعرفون مني غير اللي اكوله الكم !
واني ما اعرف عنكم غير اللي تكولوه الي !

محد يعرف بالشيطان اللي بداخلي ولا اعرف بالشيطان اللي بداخلكم
نشوف بعضنا ملائكه جداً وبالحقيقه احنا مجرد كائنات بائسه ومقيته

محد يعرف الطفله اللي نايمه بداخلي ،
ومحد يعرف نسبه الشر بيا ،
ولا اني اعرف الطفل الي بيكم ولا اعرف نسبه الشر اللي بيكم

متعرفون الجانب السيء مني ولا اعرف الجانب السيء منكم ،
كلنا نحاول نبدوا كدام الاخرين باحسن مظهر بس احنا لابد انو تتواجد بداخلنا كميه (قرف)
يمكن احد يكول لا اني ما بيا ،
لا ، الكل بيه ، اكو البعض يحس بيه لانو بعده م متعود عليه زين ، وممكن نعالجها ، والبعض ما يحس بيه كد ما غركان بيه


خلوها قاعده بحياتكم ،
محد يعرف احد !
راح تعرف الاحد بحاله واحده ، لما انت راح تسمعه شيحجي بكلبه ولمن تعرف نيته وتكدر تشوفها ، ومن تكدر تحس بشعوره وتعيشه تمااماً ، واكيد ماكو بشر عادي يكدر ، لانو احنا مو انبياء
لحد يضحك علينا بسالفه تبين من العيون والابتسامه وطريقه الحركه ،،الخ

لا ابدا ً

احنا البشر منعرف بعض نهائياً
منعرف حتى هذا الاقرب النا من وتيننا



احنا منعرف غير اللي يكولوه النا ،
ومحد يعرف عننا غير اللي نكوله احنا


لذلك ، خلو دائماً مسافه امان بينكم وبين الناس حتى اهلكم والمقربين منكم ،
مسافه تخليك تتوقع اي شي ومن اي احد
واذا بصمتوا ع احد ب شي زين ، ف ابصمو ب 9 اصابع حتى بعدين تعضون الاصبع العاشر من الندم :)

واذا حقدتو او هيج شي بسبب شي سيء ف خلوا خط رجعه لبياض القلب ، ممكن هالشخص هو اللي يساعدكم بيوم ويطلعكم من شده ما خلصكم منها اللي بصمتوا له بال9 :)

​..

دي لغوة زايدة
أعرفج و خلص
و اذا عندج أشياء سلبية فماريد أعرفها
أهم شي اللي أعرفه عنج حلوو
و خلص

[عضوية57049]

بطيخة .. ذكرتيني بـ I am the image that I think you have made of me

[^-^بطيخة^-^]

دي لغوة زايدة
أعرفج و خلص
و اذا عندج أشياء سلبية فماريد أعرفها
أهم شي اللي أعرفه عنج حلوو
و خلص

هدا اكبر غلط ممكن ترتكبيه بعلاقتج ويا الشخص (انو متريدين تعرفين الاشياء السيئه عني وتريدين تعرفين بس الحلو )

لكن بالحقيقه
واجب كل شخص انو من يقرر يسوي علاقه ويا شخص ثاني اي كان نوعها ، لازم يعرف السلبيات والايجابيات طريقه التفكير صح لو غلط ...الخ

ولازم بدورنا احنا نصححه ، احنا نخليه يبدل سلبياته بايجابيات ، احنا نصحح ونحسن افعاله ، احنا نساعده حتى يغير نمط تفكيره اذا جان غلط ،

واذا معندنا هالقدرة ، لازم ننسحب منه بكل حب وهدوء ،
بس م نبقى وياه هيج ،

بهالحاله حنكون منافقين ، وحنكون اصدقاء سيئين لانو منكدر نطلعهم من سلبياتهم ،

ف لازم بالنهايه نتخذ احد، القرارين ،

اما نعرف كل شي عن المقابل و نصحح سيئاته
او نترك العلاقه لحد ما تصير بارده واقل من عاديه بحيث تتحول مجرد هامش لا ينفع ولا يضر


لذا انت اذا تحبيني يا زهوره ، راح تقررين تتعمقين بيا وتشوفين سيئاتي وتسحبيني منهن للصح
مو تعوفيني غركانه بيهم بلا ما تعرفين في سبيل انو انت متريدين تعرفين السيئات وتكتفين بمعرفه الايجابيات

وصلت ؟


..

[^-^بطيخة^-^]

بطيخة .. ذكرتيني بـ I am the image that I think you have made of me

انا صوره اعتقد انك صنعتها عني
..
الترجمه مخربطه لانو اعتقد عندج خلل بالجمله
بس فهمتها ،
انو اني عباره صوره انت صنعتها الي بتفكيرك

وهالشي حقيقي ،
اغلبنا مو حقيقيين بالنسبت للاخرين. .
واحنا مجرد فكره او اعتقاد هم اعتقدوه بينا من كلامنا رو غيرها :)

..