هنا

[^-^بطيخة^-^]

نزلتي نزلة و نص ع كيفج
فد لا اني منهم ي بيبي؟

اصلا ريلاكس ما يستاهلون احرگ كُرية دم واحده على مود هيج حشرات
ههههه لا عابت لج شبيج كل شي تاخذيه ع نفسج ،

هههههه حلوة هالاجواء ..كل عام و هي بخير
و أعتقد هناك الدرر مفتوح باللابتوب

قصدج وتلفونها بخخير ههه ،
لا مشغله يرتيوب اغنيه لتلفونها هههه

[ايوته الشامي]

شوفي ، اني اؤيد جداً مرحله المحاظره النفسيه لانو حالياً حالتي بيها نفسيه مطلقه و ارمله و واحده حامل بالشهر العاشر
ف ممكن شوي محاظراتج يساعدني مثل كل مره حتى لو بنسبه 1 % احسن من ماكو ههه


فدوا للي يفهمني من التلميح

بصراحه ، حبيت هالنظريه ، انووالمقاتل مو لازم ياخذ ريست لحد ما ينتصر
ع الرغم انو دا احاول ارجع اقاتل بس راح ابذل جهد اكبر





لهالسبب كلش تشجعت انو اسوي تذكر وكذا والسبب انت ، السبب شوي فلسفا انكليزي وكذا بس يحتاج لي افكر بعد ،، هاي الترجمه مو


اوك انتظركي لحد ما تكملين تذكر لهالاشياء

..

الترجمه بالمناسبه كولش تشجعت انو اسوي مذكرات .. والباقي صح
المحاضره انشالله هاليومين

[^-^بطيخة^-^]

الترجمه بالمناسبه كولش تشجعت انو اسوي مذكرات .. والباقي صح
المحاضره انشالله هاليومين

ترجمتها اني ترجمه حرفيه مخربطه هههه ،
اوك براحتكي

[^-^بطيخة^-^]

دا ارجع ارجع بالذاكره لزمن معين ،
خلي اكتب عن شخص ما احبه ههههه

[^-^بطيخة^-^]

بأيام الطفوله ، اني اشرت سابقاً ب انو مدرستي مختلطه ،

المهم ،
اكو طالب اسمه سجاد محمد ، ابوه اسمه محمد ع الاغلب بنسبه 90%
لهالسبب دائماً من اتذكره اتذكر جيكي لانو نفس الاسم ههه


المهم ،
رغم جنا صغار بالعمر واطفال ، بس هو جان منحرف وسخيف وتافه
مرا هو وصديقه اللي مثله هم سخيف ، تعاركوا ويا صديقتي وهي جانت فطيره ما تعارك ، جان غلطوا عليها ،
بقت الكلمه بدماغي ، من صرت بالاعداديه عندي صديقه كالت هالكلمه ف سالتها شنو معناها ؟
جان تكلي لتكوليها كدام احد لانو سخيفه ومحلوه ابد ،

يعني هو بالابتدائيه يكولها واني بالاعداديه عرفتها

هو جان طريقه تقريبا ويا طريقي للبيت بس هو ع نص الطريق ويوصل الشارع مال بيتهم ف جان مرات يمشي وياي بنفس الطريق ويكضيها يجرش يجرش سوالف -_-
واني جنت صغيوبيتنا بعيد ف احتر واتعب واموت وهو بعده بيه طاقه يسولف ويسولف واني اصلا مرات اكعد اسولف ويا صديقتي اللي نرجع اني وياها وبنت خالي وهو يبقى يسولف لوحده

صادفت مرا تاخرت بالطلعه ، وصديقتي راحت ، واني وياي بنت خالي بقت تنتظرني ، وصادفت هوا هم متاخر ،
بنت خالي انطتني جنطتها وكامت تركض كدامي تلعب بالشارع وتفتر وكذا لبين ما اوصللها بالمشي ،
المهم رجع وياي ، وجان الدوام ضهري وعصريه كلش وتموت حر وتعب واني شايله جنطتي وجنطه بنت خالي والدنيا طالعه من عيني



جان يكعد يهمبل ومدري شنو واني ممعبرته جان اخر يكول واني من اكبر واصير بالجامعه اصاحب كومه بنات ونكمش ايدين بعض و امشي وياهن
هم ما عبرته ، جان يكلي شنو رأيج تسمين ابنج بالمستقبل تسميه سجاد ، كلتله اي ليش لا بس لو احب هالاسم جان سميته بس اني اكرها لانو مثل اسمك ،
جان يكول ، اي احسن لا تسميه سجاد خاف يطلع ابوه اسمه سجاد ميصير الاب والابن نفس الاسم -_-


و اني من جنت صغيره جنت متوحشه كلش وحتى الولد اكتلهم سبحان من غيرني هسا وصرت هيج مو يم العرك والاختلاط والناس ومابيا اضرب احد


المهم جان اعيط بيه ، كلتله انت شنو ما مربى ما عندك اخلاق جان يخاف بوقتها ويكلي شنو شكلت اني قابل ،
جان اعيط بيه واطرده ، كلتله والله اذا مشيت يمي بالطريق والله اكتلك ، واذا ما تروح مني هسا وتمشي لبيتكم تركض قبلي والله اشمر عليك الحذاء ،
هو حسباله دا اخوفه جان انزع الحذاء وهو يطفر ع بعد فرسخ
ووراها بطل يقترب من يشوفني يكول لا عمي هاي تشمر الحذاء مالتها علينا ههههههههه

من اتذكره اتقرف -_-
اخر مره شفته ب صف الرابع اعدادي اعتقد ، شكلت بخط ويا صديقاتي يوم واحد وجانت واحده بيتها ع طريق المدرسه مال ابتدائيه. ، عاد شفته ، كبران كلش حسبالك مو بعمرنا ، وشسمنه ، ومحفحف ومن هذول الجماعه اللي تقرفتي


و لي حكايه مع سجاد اخر هم جان بالمدرسه

جدياً هم السبب انزعاجي من هالاسم


..

[Ⓢⓐⓑⓐ]

قصة السادس مؤلمة
بالتوفيق ويارب المعدل العالي
تعبت واني اقرا

[^-^بطيخة^-^]

قصة السادس مؤلمة
بالتوفيق ويارب المعدل العالي
تعبت واني اقرا

حبيبي ، الله لا يشوفج الم
امين يا رب ، والتوفيق للجميع ان شاء الله
ههههه سوري بس اني اكتب هواي مو بايدي هههه

نورتي ، واسعدني مرورج

[^-^بطيخة^-^]

خلي احضر اصابيعي اكتب ع سجاد الثاني المكروه

[^-^بطيخة^-^]

سجاد الثاني هذا ، هم جنت اتخبل منه ،

جان عنده 2 اخوان كبار ويانا بالمدرسه ، جانو صف سادس بس هم عمر ثالث متوسط مدري اكبر
المهم جانو كلها تخاف منهم ، بس زينب البطله ما تخاف

هم جانو طوال اخوانه كلش بالنسبه الي ،
ف هذا جان يكللهم هاي تتعارك ويا الولد وتكتلهم *_*

ف جانو يجون يحاولون يغيضوني حتى اتعارك وياهم ،
ما اكلكم كم مره اجوي يتعاركون ومكدرت اتعارك وياهم لانو طووال واني جنت ناعمه
بحيث اكمز اريد الوح شعرهم املشهم ما اكدر

بامتحانات نصف السنه صف الرابع جنا نمتحن عربي وانكليزي ورياضيات بتحريري ف كعدونا ويا السادس ،
جان يكعدوني ويا واحد من اخوانه
ورجعت للبيت ابجي شلون يكعدوني امتحن يم ولد اكبر مني
كوا ماما قنعتني انو عادي وهن بس ثلاث امتحانات
بوقتها سجاد النذل طلع يتشمت لانو شافني ما اريد اكعد يم اخوه وكعدرني كوا وكالولي هاي قاعه امتحان مو بكيفج تكعدين بغير مكان -_-



المهم ،
صرنا خامس وااخوانه مدري وين صفى بيهم الدهر واني جنت انظرله نظره شماته عود اخوانك ماكو ، جنت شريره صح

امتحننا نصف السنه ، كعدوا سجاد ورايا ،
لا وجان كل امتحان يكضيها يهمس ايد كذا سؤال وكذا سؤال واني ما اجاوبه وجنت اموت خوف لا ياخذون دفتري ويكولون غشيتي واني ما غاشه

المهم ، مدري يا امتحان صادف اخر يوم وخلوا الطلاب يردون لبعض ،
وبما انو هو اخر رحله واني قبله جان لازم اني اغششه

غششته بس مو هواي
جان يكل لي من نطلع تعالي اريدج بشغله بباب المدرسه احاجيج لوحدج ،

المهم ، لبسته وما عبرته ، وسويتها شرده وبقيت ويا صديقاتي ، رحت دا اشتري جان يطلع بالمحل ،
جان يكلي اذا نجحت اجيب لج هديه
كلتله لا شكرا ما اريد منك شي
جان يكول والله اذا انجح اجيبلج

عفته ورحت وبقيت خايفه لا ينجح وادعي ياربي كون يطلع مكمل بهالماده
ورجعت حجيت لاختي بوقتها وكالت خلي يولي

المهم الله استجاب دعائي وطلع بهالدرس ووياه 3 بعد مكمل بيهن


عزا جانت فرحتي من طلع مكمل وخللصت
بحيث بقيت بس اضحك ما اكدر اضم فرحتي باكماله






..

[Ⓢⓐⓑⓐ]

سجاد الثاني هذا ، هم جنت اتخبل منه ،

جان عنده 2 اخوان كبار ويانا بالمدرسه ، جانو صف سادس بس هم عمر ثالث متوسط مدري اكبر
المهم جانو كلها تخاف منهم ، بس زينب البطله ما تخاف

هم جانو طوال اخوانه كلش بالنسبه الي ،
ف هذا جان يكللهم هاي تتعارك ويا الولد وتكتلهم *_*

ف جانو يجون يحاولون يغيضوني حتى اتعارك وياهم ،
ما اكلكم كم مره اجوي يتعاركون ومكدرت اتعارك وياهم لانو طووال واني جنت ناعمه
بحيث اكمز اريد الوح شعرهم املشهم ما اكدر

بامتحانات نصف السنه صف الرابع جنا نمتحن عربي وانكليزي ورياضيات بتحريري ف كعدونا ويا السادس ،
جان يكعدوني ويا واحد من اخوانه
ورجعت للبيت ابجي شلون يكعدوني امتحن يم ولد اكبر مني
كوا ماما قنعتني انو عادي وهن بس ثلاث امتحانات
بوقتها سجاد النذل طلع يتشمت لانو شافني ما اريد اكعد يم اخوه وكعدرني كوا وكالولي هاي قاعه امتحان مو بكيفج تكعدين بغير مكان -_-



المهم ،
صرنا خامس وااخوانه مدري وين صفى بيهم الدهر واني جنت انظرله نظره شماته عود اخوانك ماكو ، جنت شريره صح

امتحننا نصف السنه ، كعدوا سجاد ورايا ،
لا وجان كل امتحان يكضيها يهمس ايد كذا سؤال وكذا سؤال واني ما اجاوبه وجنت اموت خوف لا ياخذون دفتري ويكولون غشيتي واني ما غاشه

المهم ، مدري يا امتحان صادف اخر يوم وخلوا الطلاب يردون لبعض ،
وبما انو هو اخر رحله واني قبله جان لازم اني اغششه

غششته بس مو هواي
جان يكل لي من نطلع تعالي اريدج بشغله بباب المدرسه احاجيج لوحدج ،

المهم ، لبسته وما عبرته ، وسويتها شرده وبقيت ويا صديقاتي ، رحت دا اشتري جان يطلع بالمحل ،
جان يكلي اذا نجحت اجيب لج هديه
كلتله لا شكرا ما اريد منك شي
جان يكول والله اذا انجح اجيبلج

عفته ورحت وبقيت خايفه لا ينجح وادعي ياربي كون يطلع مكمل بهالماده
ورجعت حجيت لاختي بوقتها وكالت خلي يولي

المهم الله استجاب دعائي وطلع بهالدرس ووياه 3 بعد مكمل بيهن


عزا جانت فرحتي من طلع مكمل وخللصت
بحيث بقيت بس اضحك ما اكدر اضم فرحتي باكماله






..

ههههههههههههه شوريرة