هنا

[^-^بطيخة^-^]

ملاك: اكلج
اني : كولي
ملاك: تلفوني حيبقى يمج
اني : ليش ؟
ملاك : حتى تستخدميلياه بالعطله لان اني ما اكدر
اني: اراسل لج يعني ؟
ملاك: لج خاب كبر
اني: لعد
ملاك : تتصلين الي
اني: ها اوك
ملاك : خليلياه ع الصامت دائما وبقيه يمج .. حتى اكلج تتصلي لي او من يجيني اتصال من **** كليلي
اني : اوك

وبداخلي اكول .. راح افلس لج التلفون تفلس يا حبيبة گلبي ، ما راح ابقي بيه ذرة ما ابحوش بيها ع هالفرصه
نسخه منها الى قناتي حتى تشوف شدا اكول بگلبي

[^-^بطيخة^-^]

من اتعارك ويا اختي
..
وتالي اجوع واريدها تجيبلي اكل من السنتر ،
من تكلي بالبيت ارجع الزعله مالتي واطنكر عليها


تستاهل مو خوش اخت مع الاسف عليها

[^-^بطيخة^-^]

اليوم عيد ميلاد الحووب واني ناسيه ..خررب ان ، جنت مقررة احضر اشي حلو لو اني واختي نطلع له صور فوتوغرافيه كبيرة .. نسويلها طبع ع شكل معيني متحرك بيه ست صور
كله من ورا التواريخ المخربطه عندي ..
لو متذكرة البارحه انو اليوم هو 14 الشهر

[^-^بطيخة^-^]

جنت دا افكر انزل شي محادثه جديدة ،بالمذكرات ..
بس كالعادة .. الفون ذاكرته مليانه لو ميرفع صور -_-

[^-^بطيخة^-^]

حيبدا الدوام ،وهالشي ديحسسني بالإكتئاب جداً .. :( .
كل ما احس النهايه قربت احس بخوف وقلق كبيرات كلللللش لدرجه متنوصف ،
گلبي يگوم يدگ نفس دگه كلمه "أحبچ" اللي تنگال فجأه
يجيني احساس اريد ابجي .. من القلق ..

ع الرغم متفائله .. عكس العام تماااماً ..
بس كل ما اتذكر بس اداوم يبدا العد التنازلي يصيبني رعب شديد وخوف وقلق وحتئ افقد شهيتي واحس معدتي تتقلص حسبالك صاعده سكه موت ..

..

[^-^بطيخة^-^]

من الاشياء الغريبه بيا ..
انو اني مو كلش احب قصيدة "ريتا" لصادق طلال احسها تقهر :$ ..
بس كل ما تمطر اكتب المقطع الاول "اخ يا صوت المطر ذكرني.......الخ "
وما اخلي مكان ما كتبها بيه ..
انزلها بقنواتي بالتلي " اربع قنوات " ، وبالفيس ..
واكتبها بمدونتي .. واكتبها بمدونه شهوة قلم ..
وارسلها لجيكي .. اثنيننا نحب المقطع وصادق طلال

و اكره المقطع الاخير مال " اني وانتي والخذاج تكابلينه وگمنا بس نضحك عليا" :/ ..
ما اعرف ليش .. بحيث اذا يوصل هالمقطع اوكف الفيديو .. واذا ملحكت اسد اذاني حتئ لا اسمعه
والسبب مجهول ، ما احبه وفقط *-*

[^-^بطيخة^-^]

بسالفه الاشياء الغريبه

اني كلش اتأثر بالاحلام اللي اتحلمها ..
يعني اذا تحلمت حلم حزين ممكن انو ابقئ طول اليوم مقهورةوضايجه وبس واحد يحاجيني ابجي :/ .. احسه حسبالك حقيقه حتئ بعد ما اكعد :/ ..
واذا تحلمت بالحلم واحد مضوجني .. ف هذا الله بهذاك اليوم غضبان عليه .. ابقئ مطنكرة ومعصبه عليه و اتعارك وما اعرف شنو .. وطبعا اني انسئ انو متحلمه .. بس نفسيتي تبقى متأثرة ..

ولحد عمري هذا اذا تحلمت حلم سيئ اروح لماما وابقئ ابجي :/ .. لواكعد اختي من النوم واحضنها وابجي :/ ..
ومرات انزل لماما واشوفها نايمه وگلبي ميهون لي اكعدها ابقى واكفه كدام الغرفه .. ودائما مدري شلون تكعد بهذيج اللحظه وتشوفني .. واكلها تحلمت حلم محلو وابقئ ابجي .. وهي تكلي يلا كولي بسم الله وغسلي وجهج ولتخافين ان شاء الله خير وتبوسني

[^-^بطيخة^-^]

وبسالفه الاحلام ..
من جنت صغيرة ب اول ابتدائي او اصغر ، تحلمت حلم" بوقتها جنت احسه مخيف وسيئ وحزين" .. كعدت من النوم ابجي حييل وماما كوة تسكت بيا وتسألني شنو الحلم واگلها اخاف احجي وهي وبابا يقنعوني احجي واني بس ابجي وما اقبل اسولفه .. يمكن بوقتها بقيت ابجي اسبوع ، يوميه ابجي بسبب الحلم من اتذكره ويرجعون يسألوني واكلهم اخاف اسولفه ..
كد ما تأثرت بيه لدرجه انو لحد هسا اتذكره ..
واضحك ع روحي ليش جنت خايفه اسولفه وابجي لهالدرجه ..
وطبعا ليومي هذا بعدني ممسولفته لاحد هالحلم المخيف .. هو مو مخيف بس بوقتها جنت خايفه منه

..

[^-^بطيخة^-^]

اليوم تحلمت بالحلم انو اختي تگل لي انو بابا يحب واحدة وكذا ومتزوجها بالسر .. وبالحلم مصدكتها وكالت لي هسا تشوفين اليوم من يودي ماما للدوام راح يتأخر بالرجعه
واني اليوم غايبه و بابا وصل ماما للدوام
السالفه مو هنا .. السالفه انو تأخر وما رجع الا ورا ساعتين .. كلت له بابا ليش تأخرت ..
كال جنت يم ابو فلان جيراننا عنده شغل وياي من يتحسن الجو ورحت اشوفه

ليش جذي .. هسا يطلع بابا متزوج ع ماما
واكرهه
اريد،اسولف لماما الحلم بس گلبي مينطيني خاف تنقهر حتئ لو حلم

..

[^-^بطيخة^-^]

الشي الثاني ، سألت اخويا قبل شوي كلتله وين بابا؟ "لانو كال انزلي يمي محد بالبيت"

جاوبني وگال طلع .. كلتله وين ..يكول مدري :$
بابا حبيبي اذا متزوج حباب روح تريگ يمها لا تگلي سويلي ريوك وصبيلي جاي خلي الخاتونه الجديده تسويلك ريوك ..
.
.
طبعا اني عندي مخيله واسعه .. حيكوم يتخيل لي انو بابا متزوج وواضوج من بابا بلا سبب

..