هنا

[Levai]

عادي اني احب القرودة .. اصدقائي هم ..
هههه. . من ذوقك خيي ^_^ .. ويعني مال اكره الرجال جانت بحلاة اسمي ف لايقه اكثر !

اي

[^-^بطيخة^-^]

الثلاثاء اللي راحت .. يعني قبل اسبوع بالضبط ..*اليوم اربعاء*
رحنا زيارة عائليه احنا وبيت خالو وجدو وخالتي
جانت سفره حلوة تقريبا ^_^
بس قبل ما اطلع جنت مختنگه كلش منها وحاسه انو شي راح يصير .. بس الحمدلله ما صار شي
من رجعنا بقيت گاعده وم نمت ابد .. لانو السايق جان ما نايم بالليل وخفت لا ينام -_-
اخواتي كسرني تكسر .. واحدة نامت ع رجليا وكسرتهن واللوخ ع كتفي وكسرتني ..
يومين جسمي وعظامي تشنجن من وراهن .. وانوب يكولن هو احنا شسوينالج -_- ..
اننن مسويتن بس سويتن بعظامي ارتجاج مدري شنو -_-
صورت لبعض الاصدقاء اسمائهم .. والثانين م لحگت اكتب الهث اسمائهم واصورها .. لانو ماما اتصلت وگالت يلا ارجعي انت واختج بسرعه
طبعا انا واختي الكبيرة دائماً سوا وكذا .. رغم من سنتين علاقتنا قلت عن السابق بس نحب نكون سوا ..
حتى اسمي م لحگت اكتبه واصوره ..
اكو عبارة جانت عاجبتني جداً وكتبتها بورقه لصديق .. بس تذكرت انو احنا متزاعلين وبلحظه عصبيه عقجتها ورجعتها للجنطه و ما صورتها :( *رغم زعلانه منه صورت له اسمه ونسيت اسمي -_- *
من رجعت للبيت تذكرتها للورقه وگمت ابجي عليها
تالي عدلتها وصورتها .. طبكتها بشكل مربع وضميتها بالخانه ولا كأنو اكو شي ههههه
..
زرت الامام الحسين 3 مرات ..
انا واخواتي لصقنا ع راسنا لاصق جروح بنفس المكان ومشينا سوا ثلاثتنا . وكفنا بمكان جان اكو مريه من هذني المراقبات مال السراديب مال مبيت سألتني كالت خاله شبيه راسجن ؟؟ كلتلها مبيه شي مخلينها فيكه .. بقت تضحك كالت مو دا اكول شو بنفس المكان معقوله متعورات كلهم هيج
.
رحنا لنهر الامنيات ..
كتبت بيها رساله للامام المهدي ع ودعاء .. دعاء دعيته ب2015 بهالنهر من كانت اول مرة بحياتي اشوف هالمكان .. نفس الرساله كتبتها *مو نفسها بالضبط انما نفس الامنيه كتبتها بصيغه ثانيه* ودعيت انو تتحقق وشمرتها ب النهر ..
ورجعن بالمي الرسائل مالتنا انا واخواتي قريبات من المكان اللي كاعدين بيه واخويا كال راح اطلعهن اشوفهن .. كلت له اموتك يلا وخر منهن .. لحد ما راحن بعيد
اكثر شي احبه هو هالنهر .. ما اعرف ليش
.
.
رجعنا ب4 الصبح وجانت المخدة تتراوى الي بس منمت من صعدنا السيارة ،
وصلنا للبيت ب6 .. بدلت ع السريع وذبيت نفسي ع الجربايه وما حسيت ع نفسي الا الساعه ب2 ونص الضهر .. اول مرة بحياتي اجرب النومه لبعد ال2

.
.
.
تعبت من الكتابه خخخخ

[^-^بطيخة^-^]

اي

اني كلت ارجعها اول وتالي بس هسا شوي تغيير مسويه .. وارجع لاسمي ما يليق به ..
اصلا مو بس اسمي ..احس حتئ صارت ما تلوگ لي غير هذيج الرمزيه

[^-^بطيخة^-^]

2017/8/3 ..
الخميس ..
4:42 pm

.
.
.
"لحد يقرأ بليز *-*"
اليوم يوم مخيف بالنسبه للطلاب .. نتائج السادس الإعدادي .. طبعاً انا واحدة منهم .. بس ما عندي حماسهم وتشوقهم وفرحهم وتضارب مشاعرهم اللي يصير قبل النتائج ...
امممم .. يعني هيج احساس فارغ .. دا احس بالضوجه والملل .. والدمعه بطرف عيني واگفه گوة -_-
دا افكر انام واروح العصر للسوگ .. اريد اشتري هديه لشخص جاب لي بالعيد هديه حلوة ^_^
وما صايرتلي فرصه اطلع واشتري اله:$ .. قررت اليوم اروح ..
هسا البعض يگولون شكد اعصابج باردة وهاي شنو وينتقدوني مثل بنات الصف وصديقاتي :/ ..
لا والله مو باردة بس مداعي اخبص نفسي وغيري يمكن خطيه ءأذي اللي حولي من اصدقائي والطلاب اللي همين منتظرين نتائجهم اذا بقيت اضهر خوفي الهم ازيد خوفهم ..
.
.
ويمكن م متحمسه ولا مهتمه مثل الباقين لانو مؤجله ومفكرة اعيد السنه ..
.
.
طبعاً دا احس بأمل ويأس فوووول بنفس الوقت .. بحيث كمت ما اعرف اريد ابجي لو اضحك .. اريد تفائل لو اكعد واسكت .. ح يصير بيا انفصام خخخخ
.
.
هالسنه عشت الاحساس هذا ويا ادمونين قناتي " علي العراقي^^ " والثاني "بوبوتو " .. وويا صديقتي "zainab.H" .. صار اسبوع يوميه نكول باجر وعكبه النتائج .. كلنا سادس هع
وأغرد بهمس متقصر كل شوي وكالت اقترب الموعد .. اررربت تقصد ع النتائج .ههههه ..
وايوش كاعده بس تكلي لتكولين كذا وان شاء الله موفقه هههه
.
واحتمال السنه الجايه اعيش هالاجواء ويا الادمون ج... مرتجى النفسيه وويا بنت خالي الوسيمه .. واحتمال ويا بنت عمي همين
.
.
ما ادري ليش هيج دا احجي :/ ..بس حتى اتذكر هالموقف بعدين من يصير بالزمن الماضي البعيد ..
وما اتمنى احد يشوفه ابد لانو كتبته مجرد تدوين للخدث مو لأحد ..
.
.
.
تُمسون على خير .. رايحه انام .. اذا كدرت

3>

[Zainab.H]

"ثم يرضيك الذي كان يحزنك"
علي أبن أبي طالب
8:58 م
5_8_2017
السبت
Zainab H

[^-^بطيخة^-^]

"ثم يرضيك الذي كان يحزنك"
علي أبن أبي طالب
8:58 م
5_8_2017
السبت
Zainab H

لان الله يعطينا ما فيه خير لنا ..
.
.
فرحني تدوينج ل شي يهمج وبمدونتي انوب
.

[^-^بطيخة^-^]

من يجيني احد يگول لي انت مثقفه .
افرح . اخجل .. واگله من ذوقك ..
بس من يجي يرجع ويگُلي هاي شنو انت اللي هيج تكولين انت اللي هيج انت المثقفه
يابه مو اني اللي كلت ع نفسي مثقفه انت گلت
اني ثقافتي كد حالي ومعندي غير الكتب الدراسيه وما مسويه نفسي سبع البرومبا .. *طبعا هذا ما اعرفه بس،سامعه عنه من اهلي*

[رحيـــل]

[^-^بطيخة^-^]

اول البارحه .. جنت دا اسولف ويا صديقتي وكتبت الها *سمايل قمر اسود وقلب مكسور* ..
جان تكلي اكلج شو السمايلات مدا ينعرضن عندي :/ . بقيت صافنه هيج واكول يا سمايلات
كلتلها شمدريني .. جان ترسل لي الصورة مال الرساله اللي جنت كاتبه بيها سمايل قمر اسود وقلب مكسور
متت ضحك بوقتها حتئ تقلصت بطني
كلتلها ما ادري يمكن لانو انت ايفون واني كلكسي
كالت هاا لعد يجوز يشتغلن بس ع التلي . كلتلها ايي يمكن وبعد ما استخدمهن هنا هالسمايلات ههههههه.
.
.
كل ما اتذكر الموقف اموت ضحك عليها ..
متخيلتها تصدك لهالدرجه .. لحد هسا متدري انو هاي لعبه مني مو صدك السمايلات ميشتغلن ههههه

[^-^بطيخة^-^]