هنا

[د. حسن سعيد]

اليوم نمت هواي كلش .. حسبالك واحدة فاقدة ..
كعدت بال9 الصبح .. و نمت ب 12 ونص بلا ما ادري بنفسي وكعدت ب ال 5 .. طار عليا النهار واني م دارسه غير ورقتين ، والمفروض اخلص فصل
گلبي گام يوجعني ليش هالكد نمت وما حسيت .. خرب ان
حتى من گعدت بقيت ماخذه صفنه شطولها :$ .. اختي اجتلي تكلي يلا كومي صارت ب 5 وانت مكايمه شوكت تدرسين ، من كالت هيج مدري شتمنيت اسوي بروحي :/ .. لان طلعت نايمه هالكد وبعدني احس ناقصني نوم ومنعست .. ولانو محتاجه الوقت بشددة هالفترة وضيعته نايمه ..
.
.
.
خلي اروح ارجع ابدي اقرا احسن

صاير عندج ضعف زينب خاتون، يمكن فقر دم أو كذا .. المهم اذا كنتِ قليلة تناول الفواكه (مثلي) فضروري الإكثار منها

[Zainab.H]

مدونتج صايرة عبارة عن يأس!
شنو هالتفائل ها؟!

[^-^بطيخة^-^]

صاير عندج ضعف زينب خاتون، يمكن فقر دم أو كذا .. المهم اذا كنتِ قليلة تناول الفواكه (مثلي) فضروري الإكثار منها

ايي عندي فقر دم ، وهبوط ، وقله شهيه ومرض بالمعده ، ودوخه .. عدا الام المفاصل اللي تجيني مرات ..وما احب اكل حتى لو فواكه خاصه هالفترة كلش مقاطعتها ..اني بس مال حلويات وكذا ..
شكرا للنصيحه احاول اطبقها ههه ..نورت

مدونتج صايرة عبارة عن يأس!
شنو هالتفائل ها؟!

زوزتي .. نورتي المكان هوااي ،
ما ادري '( .. صايرة سوداويه جداً ، ما عدت زينب القديمه والمتفائله دائماً .. بس ان شاء الله راح اعود متفائله ^_^ ..ساراني بابوتي

[عضوية57049]

يا مامي يا زينب بس العبي رياضة و نشطي جسمج حت يقل انخفاض الضغط هذا
لان متتحركين هواي يجيج دائماً

او حتى لو تسبحين بمي بارد ، يشد الشرايين يكولون

مو صارت بي نفسية من الدوخة مالتج، الله اكبر

و شيكرن

[^-^بطيخة^-^]

زينب من تصير ربه بيت شاطرة ..
.
.
سحرتهم ب 1 الا ربع من الحماس والندارة هههههه ..

اول مرة اني سويلهم السحور ، دائما جنت بس اوكف يمهم من يسوونه او بس احضر الشاي..
وهالشي ابد مو عادي .. ف سويتلهم سحور مو عادي همين
ما عندي شغل معين بالبيت :/ الشاي وضيفتي
يعني لا اطبخ ولا احب شغل المطبخ والمواعين ، احيانا انضف البيت من اشوف ماما كامت تحوس تريد،تنظفه ف كلبي مينطيني اكعد وماما تشتغل ف اني اشتغل بهذيج اللحظه ، يعني ملخص لو يحتاجوني واشتغل لو ما الي دخل بهالسوالف
المهم ..
كمت سويت الهم بيتزا .
البارحه رحت انا واخويا للسوك اشتريت مكوناتها ورجعنا بس مجانو متوقعين ح اسويها صدك لان عده مرات اجيب مكوناتها او يشتروهن الي وما اسويها اني ف اختي تضطر تسويها حتى ليروحون مكوناتها حرامات
وهذي جانت تجربتي الثانيه للبيتزا وطلعت ناجحه وانجح من المرة الاولى بهواااي
تعجبت من نفسي .. معقوله زينب ، اللي ما تحب تطبخ وما تعرف تطبخ سوت هاي البيتزا ؟
.
.
سويتها من هاي اللي جبنها يذوب واحنا نقطعها .. تمنيت زوجه خالي ويانا لان تموت ع هالنوع من هي تسويه ميطلع هيج .

اني- طيبه؟
ماما واخواتي- اي كلش طيبه عاشت ايدج
-اني ما اريد رأيكم اهم شي رأي بابا لان ميحبها ف اذا عجبته معناها تعجب الشعب العراقي كله ** لانو بابا صعب الاقتناع بمذاق هالاكلات يحب الاكلات الروتينيه:$ **
بابا ساكت *-*
-بابا مو دا اطلب رايك كول طيبه لو لاء
بابا-اي طيبه والله وعاشت ايدج
اني- طم طم طح طح *سمايل يرگص*
ماما- ها هي يعني عجبت الشعب العراقي كله هسا
اني- اي اكيد غير اني مسويتها *سمايل لابس نظارة ويباوع بفخر*
.
لو الفون يرفع الصور جان رفعتها وخلدت هالذكرى بمذكراتي بكونها موثقه بالصور ،

[^-^بطيخة^-^]

يا مامي يا زينب بس العبي رياضة و نشطي جسمج حت يقل انخفاض الضغط هذا
لان متتحركين هواي يجيج دائماً

او حتى لو تسبحين بمي بارد ، يشد الشرايين يكولون

مو صارت بي نفسية من الدوخة مالتج، الله اكبر

و شيكرن

ههههه اي صح بايام جنت العب بالبايسكل جان الهبوط مال الضغط عندي اقل بس هم هواي *-* ، بس هسا زاد
واني ما اتحرك ابد ولا اشتغل همين صح وضعيتي وضعيه المزهريه ما الي خلك اي شي صايرة هههههه
.
ما اكدر اسبح بمي بارد ما اتحمل
.
.
ي اختي الدوخه هاي صارت رفيقة عمري ودربي . ووياها لعبان نفس (غثيان) "ركزي ع الغثيان "
حتى اخواتي كامو يكلولي فد لقب من كد ما دايخه ولعبانه نفسي النهار كله .. حتى ال بي 6 ميوخرها ..
.
.
وعفواً ..
لايتنگ ايه

[د. حسن سعيد]

ولو شخبطنا عليج المذكّرات بس للمعلومة: امشي روحي للمختبر اخذي تحليل نسبة اللزوجة بالدم أو نسبة الدم اللي نسميه اختبار pcv حتى نتأكد من درجة فقر الدم عندج + تحليل أبو صفار أو ما نسميه jaundice علمود نعرف عندج أبو صفار لو لا، راجعي طبيب وشوفيه التحاليل حتى ينطيج العلاج اللازم ويفضل مراجعة طبيب اختصاص (أمراض دم) اذا المرض صار له هواية عندج، العلاجات الطبيعية التمر والدبس والعنب ضرورية جداً لمعالجة فقر الدم وأبو صفار سوياً، أيضاً الفواكه الحاوية على فيتامين a وفيتامين c بشكل عام البرتقال واللالنكي والتفاح والكيوي والعرموط والموز [ملاحظة اذا عندج حساسية لتاكلين موز هواية يكفي وحدة كل أسبوع أو 10 أيام مثل ما أسوي لأن هم عندي حساسية]، الحليب جداً ضروري لعلاج الضعف وفقر الدم لكن لا يمكن تناوله ان كنتِ مصابة بمرض jaundice (أبو صفار) الخضروات الورقية (البقدونس أو المعدنوس أهمها اضافةً الى الكرّاث والرشّاد والريحان والكرفس لكن لا تكثري من الأخير لأن يسوي رمل بالكلى) هذه محتوية على أملاح معدنية كالبوتسايوم والصوديوم تعيد تنشيط الجسم، لا ننسى اللحوم خصوصاً البيضاء (الدجاج والسمك) فهي تبني الجسم وتعالج الضعف، أخيراً ضرورة شرب الماء بكميات جيدة حوالي 8 أكواب يومياً للتقليل من حالات ألم المفاصل والتهاب الجيوب الأنفية ولترطيب الجلد وتنظيم العمليات الأيضية وتصفية الجسم من المواد الضارة والأملاح الزائدة، مهم جداً لا يصح الاغتسال بالماء البارد لضعيفي البنية مثلكِ، يجب الامتناع بنسبة 80% عن تناول الحلويات والمواد الصناعية لأنها تعود بالضرر عليكِ فضلاً عن مخاطر الاصابة بمرض السُكَّر مستقبلاً، ولا ننسى لعب الرياضة كل صباح ولو ربع ساعة حتى يتنشط الجسم [كلشي سويته بس الرياضة أنصح الناس وآني ما أمارسها هههه]

[رضـــا]

زينب من تصير ربه بيت شاطرة ..
.
.
سحرتهم ب 1 الا ربع من الحماس والندارة هههههه ..

اول مرة اني سويلهم السحور ، دائما جنت بس اوكف يمهم من يسوونه او بس احضر الشاي..
وهالشي ابد مو عادي .. ف سويتلهم سحور مو عادي همين
ما عندي شغل معين بالبيت :/ الشاي وضيفتي
يعني لا اطبخ ولا احب شغل المطبخ والمواعين ، احيانا انضف البيت من اشوف ماما كامت تحوس تريد،تنظفه ف كلبي مينطيني اكعد وماما تشتغل ف اني اشتغل بهذيج اللحظه ، يعني ملخص لو يحتاجوني واشتغل لو ما الي دخل بهالسوالف
المهم ..
كمت سويت الهم بيتزا .
البارحه رحت انا واخويا للسوك اشتريت مكوناتها ورجعنا بس مجانو متوقعين ح اسويها صدك لان عده مرات اجيب مكوناتها او يشتروهن الي وما اسويها اني ف اختي تضطر تسويها حتى ليروحون مكوناتها حرامات
وهذي جانت تجربتي الثانيه للبيتزا وطلعت ناجحه وانجح من المرة الاولى بهواااي
تعجبت من نفسي .. معقوله زينب ، اللي ما تحب تطبخ وما تعرف تطبخ سوت هاي البيتزا ؟
.
.
سويتها من هاي اللي جبنها يذوب واحنا نقطعها .. تمنيت زوجه خالي ويانا لان تموت ع هالنوع من هي تسويه ميطلع هيج .

اني- طيبه؟
ماما واخواتي- اي كلش طيبه عاشت ايدج
-اني ما اريد رأيكم اهم شي رأي بابا لان ميحبها ف اذا عجبته معناها تعجب الشعب العراقي كله ** لانو بابا صعب الاقتناع بمذاق هالاكلات يحب الاكلات الروتينيه:$ **
بابا ساكت *-*
-بابا مو دا اطلب رايك كول طيبه لو لاء
بابا-اي طيبه والله وعاشت ايدج
اني- طم طم طح طح *سمايل يرگص*
ماما- ها هي يعني عجبت الشعب العراقي كله هسا
اني- اي اكيد غير اني مسويتها *سمايل لابس نظارة ويباوع بفخر*
.
لو الفون يرفع الصور جان رفعتها وخلدت هالذكرى بمذكراتي بكونها موثقه بالصور ،

يا يابة بيتزا
.
.
شنو هاي زينب

تسوين بيتزا ..

وعايفة دراسة

[Zainab.H]

ايي عندي فقر دم ، وهبوط ، وقله شهيه ومرض بالمعده ، ودوخه .. عدا الام المفاصل اللي تجيني مرات ..وما احب اكل حتى لو فواكه خاصه هالفترة كلش مقاطعتها ..اني بس مال حلويات وكذا ..
شكرا للنصيحه احاول اطبقها ههه ..نورت


زوزتي .. نورتي المكان هوااي ،
ما ادري '( .. صايرة سوداويه جداً ، ما عدت زينب القديمه والمتفائله دائماً .. بس ان شاء الله راح اعود متفائله ^_^ ..ساراني بابوتي

أتفائلي هاي الايام وعدلي مزاجج علمود يتحقق الي تردي لان هذه السوداوية تتندمين عليها بعدين ..
نصيحة من من وحدة تعيش نفس تجربتج هع

[Zainab.H]

زينب