هنا

[^-^بطيخة^-^]

ترا تراا اللي ع راسه ربابة ! ، يحس بيها ..
ويگوم يسوي مثاليات بعد حتى يقلل من فشلته

[^-^بطيخة^-^]

اخذتني السوالف والضحك ونسيت روحي
تذكرت ايام العطله من جنا هيج نجتمع بالكروب ونتعارك وتضحك ..يوو شكد جنت اسوي سكرينات الحجي اللي يعجبني ..
.
.
وايام جنت اشبع سهر وسوالف ويا الاصدقاء :$ ..
​ورمضان اللي راح شلون الليل كله جان شخص يكضيه وياي ، هسا انا مراجعه .. وهو امتحانات .. والكل مشغول بحاله .. مرات اشوف سكرينات لمحادثاتنا ، بحسابي الاول .. جنت مسويه لون الماسنجر وردي ههه ، والكلام جان حقا يفتح النفس ولطيف وبسرعه يجاوب .. بس من انتهى شهر 11 من 2016 كلشي تغير ..
.
.
أُف .. ان شاء الله ترجع هذيج الايام واحسن ^_^ ..

[^-^بطيخة^-^]

سبحان الله ، كل يوم ما اريد انام لانو تنطفي،الكهرباء ولان لازم انام
اليوم لانو المفروض ابقى كاعده حتئ ابدل جدولي من اول الليل حسيت بالنعاس مع العلم الكهرباء ما راح تطفى -_-
.
.
ع كوله امي .. انت خبيثه -_- ..لدرجه نفسي تخبث ع نفسي :/
.
الحل .. راح انخمد من هسا لانو مو ناويه اصوم لباجر :/
والجدول بعد هو يصفى تلقائياً يحتاج كم يوم يلا ينعدل بالجدول الرمضاني ،واللي يمكن ح اثبت عليه حتى ورا رمضان دام ماما مقتنعه بيه وتريدني هيج ابقى عليه :/

[^-^بطيخة^-^]

#تقبل الله حجيه
.
.
قبل شوي اختي صعدت متحمسه وتكول اي اريد اقرا قرآن هسا ومن هالحجي ..طبعاً اني ممعبرتها ولا شي كامشه الفون واضحك بوجهه
المهم ..
نزلت دا اشرب مي .. من صعدت تفاجآت بالمنظر المضحك
حاولت الصفي النيه وصفيتها ..بس انخدعت ههههه
من صعدت شفتها كاعدة ولابسه عبايه الصلاة وكدامها القرآن وبيدها التلفون
كلت لا خطيه يجوز دتريد تطلع دعاء اليوم الاول من شهر رمضان لان احتمال مبيها حيل تدوره بمفاتيح الجنان او تكون مضيعه مفاتيح الجنان مالتها ..
ركزت..وركزت ..وركززززت .. شفتها فاتحه فيس
اخذت فوني وصورتلها صورة بلا ما تدري والثانيه كلتلها تقبل الله حجيه من رفعت راسها صورتها
.
.
لا انوب تكلي باعي هذا المنشور مكتوب بيه 90% من الشعب العراقي تسحر وفاتح فيس اني من هذول هسا ..
.
.
بس هسا صدك دتقرا قرآن وعافت الفيس و التلفون

.

[^-^بطيخة^-^]

يعني كل يوم مواقع التواصل كلها ملل وماكو شي حلو وبيه خير
اليوم وين ما اروح الكى ، اغنيه حلوة .. اغنية احبها .. اغنيه حلوة .. اغنيه احبها .. اغنيه حلوة . اغنيه احبهااااا احبههااا .. اححححبببهههااااااا ، وبصووت شيرين انوب ..
اللهم اني صائم بس الفيس والانستا ما يرحمون .
اخر شي شفت مقطع فيديو مال مرشحه ملكه الجمال الايزيديه ل2017 وجان ورا شوي وتبدي تطرب وانوب تغني الاغنيه الاعشقها مال شيرين "كدا يا ئلبي" ..
سمعت صوتها وكلت استغفر الله لانو دا اسمع ...صوتها حلو تعرف تجر النغمه عدل مثل شيرين
اصلاً عادي صوتي احلى من اغني هالاغنيه العشق ..
انفخ بروحي وكذا .. ..

.
.

[^-^بطيخة^-^]

نعست روحي :$ مو بس اني :$
يمكن لهالسبب دا احس ذبلانه .. وكأنو شابعه كتل هههههه ، نعسانه كتييير :/
.
.
.
#نومه تايم ..
حتى اكعد ويا الفطور اكمل ضيم الانكلش :$

[^-^بطيخة^-^]

ع هالحجي وصل الصيام لو لاء ؟



لا بعد كل الحجي اللهم اني صائم
.
.
هذا جان منشور مال واحد خاطب حبيبته عن حب سنه ونص ويريد يفصخ الخطوبه هسا لانو حب واحدة من اربع اشهر من النت وهي احلى من خطيبته
.
.
shet للحب اذا صار ينقاس بالجمال :/

[^-^بطيخة^-^]

اليوم وضعيتي مو وضعيه :$
اول شي منعسه ومدكدر انام
ثاني شي اريد ادرس وما اريد
ثالث شي الفطور حيكون ببيت جدو ويعني لازم اسبح لانو المكياج اليوم سويت بيه كارثه ع وجهي ميروح اذا مو حمام واني متعاجزة
رابع شي نفسي لعبانه جداً :$
خامس شي .اريده
سادس شي الصداع يموت
وسادس شي ثانيه اريد انام اناااااام بس مدااستطيع

[^-^بطيخة^-^]

هبوط هبووووط ...موتني >_<
ع كوله بيبي ويني ووين هالسوالف بعمري يسوون اشكال والوان واني من اكوم من الجربايه لازم اذب كل جهدي حتئ اكدر اتوازن من اوكف بلا ما اوكع لو شي
وش هالزفت :$
يحتاج يفتحون بيا مستشفى حتى اتخلص من كل الامراض والسوالف اللي بيا :$
هف منعسه -_-
انام هسا احسن لي واكعد ب12 هم احسن :$

[^-^بطيخة^-^]

من تجيني الحاله نص الليل لو الفجر وما عندي غير هالصديق ارسل له عشرات الرسائل وهو نايم وبلا ما يضوج او يمل من ثرثرتي الفارغه المليئه بالملل

.
اتصور كل مرة من يكعد الصبح ينصدم من كميه الرسائل وحسباله شو شكو وتطلع حجي فارغ هههه 3/>



.
.



.
.





.
.

الخبال احلى شي ترا يونس هههه ، ويجلب السعادة .. يعني لو ما اني شويه بيا خبال اتصور جان صارت صداقتي ويا الكل روتينيه وعبارة عن ملل ههه

..
.