التبشير بمحصول وفير للحنطة، هذا ما صرّح به سايلو محافظة ميسان، مع تأكيده اقتراب وصول المحافظة الى درجة الاكتفاء الذاتي من المحصول.
في هذا الاطار، قال طالب ثاني الازرقي، فاحص مختبر في سايلو ميسان: "المحصول يبشر بخير رغم اكو تشدد من حيث النوعية سوف يكون تقريبًا اكتفاء ذاتي للمحافظة حيث يقدر من قبل الزراعة انه سيكون الانتاج هذا العام اكثر من العام الماضي، 220 الف طن تقريبا يبشر بخير لكن بالاخير المطرة الاخيرة شويه اثرت على الحاصل الزراعي".
فلاحو ميسان طرحوا من خلال عدسة السومرية جملة من المشاكل والمطالب.
فلاح يقول : "كلهه خسارة هلسنيتن ماكو والثالثة ماكو شنو ذنبنه احنه هلتشوفه بعينك السيارة من الصبح جاي ماكو يدخلون كل يوم 30 سيارة كون 50 سيارة 60 سيارة يعني الفلاح يومية 50 الف هو ياخذله 10 طونو 20 طن 400 الف على السيارة".
ويضيف فلاح آخر: "تساعد ويه الفلاح تنطي حقوقه انه هوه كله دين يجيبه الحنطة البذور دين الكيمياوي دين الدوه مال الزراعة دين كله دين يابه ننتظر هذا الموسم كله على الموسم فلاليح اكو بيهم بس بأيدهم الفلاح كاتله الجوع ينتظر هذا الموسم حتى يسوق طعاماته يحصله منهن لكمة خبر".
ويُعد الدعم الحكومي للفلاح ضروريًّا في المرحلة الحالية، فالبلاد تعيش ازمة مالية بسبب اقتصادها الريعي المرتكز على مبيعات النفط ، تستدعي بحسب مختصين دعم الجانب الزراعي، لتحقيق اكتفاء ذاتي من مختلف المحاصيل، والابتعاد عن استيراد معظمها.
المصدر
www.alsumaria.tv
رد مع اقتباس