ذبل عودي ٠٠٠
وتطشر واهس النعناع من باهلته بزنودج ٠٠٠
حسرة الريج ٠٠٠
وشطوط الندة بلا راي لاتعتك على خدودج ٠٠٠
...
يطعم المستحة شوازاج ٠٠٠
ترى حجي النهر بيه لون اذا درن سواجيه ٠٠٠
يون الكصب وي كل ريح اذا جاسو تراجيه ٠٠٠
وصبح العافيه بلا لون من يجفن فخاتيه ...
...
يوشلة حيل عد شياب وشمحلاج ...
ناغيلي بغنچ سمرة ...
بور وشحت المزنه وشماتة كيظ ...
وانتي سوالفج خمرة ...
...
دمريني خبز بسوالف الفقرة ...
...
ديرة غربة ريتي وجم نفس مضنوك ...
هفيلي بحچي الكذله ...
مر بيه الرمد عمرين ...
يال طيفج شبه كحله ...
نكطيلي دفو جويريد خله بكل كتر عمله ...
دمريني هرش مبخوت من تغازله الدهله ...
...
ينية امي بگفه اليمشون ...
تذب عيونها بطاسه ...
ثجيله سوالفج بالبال ...
مريني الشلب يحني الضهر من ينترس راسه ...
...
يرازونه ضوة العميان عدها وي الشمس عتبه ...
بس فضلج على المسجون مامش حيل اليكتبه ...
...
انه بلياج ...
فصلية اتلفت شامت الزافوف ...
هلبت ريحه للخوة ...
مو ذاك البوجهي من اضحك هلالين ...
هسه من ارمش يرد شوفي بالكوة ...