مشكوله ذمته بعد ..كلمن حچه على العشگ
چداامي . لايعتذر
اترس شليله سگم... وعيون كلهن بچي
سابگن عين المطر
واليمشي وياه ولف...خل يخف نگل الجدم
يم بابي بس لايمر
خرخاشه بيد الطفل ..هزني وخذاني الهوه..
والگلب يسعر جمر
دمعه على طرف الجِفن.. والناي بيد اليضد
وانا عل صوته انتظر
ملچومه تگطر دمه.. چلمة احبك جرح
تتناغم وي العمر
بطّلت بسّي بعد... بستاني حان الحوي
ومابيّ نهضة صبر
عاشرت شيبي اخو... والماعرفني عرف
خاويته من الزغر
جماري يابس گلب... مابي ثمر لليطگ
فاسه ويدور الثمر
سعفه وخذاني الهوه.. زف بيه لمن شبع
وعيوني شالت تمر
ناعوري يفتر الم.. والخير ضل للچرد
يضحك هوه من البَطر
حسباله من غيبتي.. دنگت راسي، وضحك
مايدري بيه گبر
التم واعصره ذنب.. وافتح چفن عفّته
وما رحمه وكت العصر.
من هسه كونك شفت.. يل امنتّلك سَلف
لاتهوى درب السمر
خاف الك عين وتجي... مشكوله ذمْتك بعد
گدامي لاتعتذر
قلمي
ضياء الصـــــــافي
رد مع اقتباس
المشاركة الأصلية كتبت بواسطة علي الشمري ♪
