قصتي مع ديك جدي وخوفي من الحيوانات كله
السلام عليكم راح اسولفلكم عن قصتي والموقف الي خلاني اخاف من الحيوانات كلهبيت اقربانا عدهم مزرعه شلون البستان وبيتهم هناك وانا كان عمري من صار الموقف 6سنوات
جان جدي من ظمن الحيوانات المربيهن ديج بس شلون ديج جبير ومؤذي حيل هوه يشوفني ادخل يجي يركض ينكر برجلي كل ماروحلهم ومره بيبتي دزتني اودي دولمه جيرانهم جان اجة ديج يركض عليه وينكر بيه وكع الماعون وينكر بيه وانا ابجي كلبت دنيا بالبجي .وماما كلما تريد تروح لبيت جدي عبالك راح تاخذني جهنم وابجي ماروح اظل يم بابا .وره فتره صار عرس خالي لازم روح ونظل فتره لحد ميخلص العرس كلت اني اخذ عوده واظربه لديج صدك رحنا وطلعت واجه ينكر وظليت اظرب بي بالعوده وهوه يزيد وميوخر وظليت ابجي وصارت خوفه بيه من الحيوانات ولحد هسه اخاف من شي اسمه حيوان حتى كتاكيت او عصافير كلشي اخاف منه
رد مع اقتباس
المشاركة الأصلية كتبت بواسطة فجر السعودية
