بدلّو شباچ عباس واجيت
بحضرته وطشيت أفراح السنين
بين ما بارك إله وأسمع ضجيج
وناس تركض غدت بين الحرمين
گمت اصيح اشصار والوادم تصيح
لحضرة العباس اجه يمشي الحُسين
سمع عباس ونهض من الضريح
اتلاگو بلايه نحر وبلا ادين
ولن ابو السجاد ناده يالحبيب
جيت اباركلك يبو گلب الحنين
هوايه شباچك حلو ولايگ عليك
ان شالله مثله لگبر ام البنين
انحنه العباس وبچه وباس ايد اخوه
ويحچي وي مولاه بالصوت الحزين
عالأقل گبر امي واضح بالبقيع
بس گبر مولاتي ام الحسن وين؟
لا علامه ولا مناره ولاضريح
صار گبر الزهره حلم الزائرين
تبدلت فرحتهم دموع وعزاء
بيوم بي اشرق امير المؤمنين
واندعو للباري تعجيل الظهور
وحته جبرائيل ردد ( آمين)
الابيات وصلتني عن طريق الواتساب
الصور نقلا عن شبكة الكفيل العالمية
تقبلوا تحياتي
رد مع اقتباس
المشاركة الأصلية كتبت بواسطة رهف
