يهلبت هيل يندهني لعطر ملگه
يهلبت سالفه وغنوة وطن شفاف
التهون غربة الفرگه
تيهوني اوي فجر ارواحكم غبشه
ودورني بخلگ عصفور ضيع
بيضته وعشه
يجنكم ضحكة ام بـ عيد
يفرحة ريل خذاكم وين جدمه ايريد
اتبخر جم حلم من ظنت اعيوني
وتسامر طيفكم غنوه اوي خد الليل
وتلولح ملگه بجفوني
يـ ضحكة طين
ومغامز عشگ جرفين
يـ في التين
ومشامر عتـب غصنين
ماعطشان بس الوينك اتيبس
شكو بروحي
ولاحزنان بس العايفك وينه
التفزز مستحه اجروحي
ضيع بواهسي اندلك
تعال هنا .. بس انويها وي روحك
بلاماتحجي اوصلك