هيج أموت بحبك إمن المفترض
باﭼر اتخلصني من منكر بديك
هاي والله ياعلي ايريدلهه حظ
حبك اثمر من زرعته ابروحي روح
وبي ترهيت إعله دﮔـات النبض
روحي من اتضوج أبخرهه بهواك
تصفن أو ألـﮕـه الصراع إلبيها فض
اجمع انجازاتك ألـﮕـاهن حياة
ألـﮕـه شمسك خلت الليل اتعظ
وانه احبك ياعلي بس حبي موت
هيـﭻ أموت ابحبك إمن المفترض
انت ياثورة نده إليقراك أكيد
يلمح ايد الهمشك لمن قبض
مافهم اسرار عذر احساس اديك
جفن الأيتام إعله ريحتهن غمض
ماطردته إلـﮕلك انطيني ولـﮕـاك
راكع ومن ايدك الخاتم نهض
اشما يطفونك جمر تبزغ نهار
اشما يخنـﮕونك علي الموت اعترض
الحسبوا بالقوة يتحاصر ضواك
إﮔبال عين اسباعهم سيفك عرض
ياعلي
رد مع اقتباس
المشاركة الأصلية كتبت بواسطة ضياء الصافي
