عفتني انت ورحت وي ناس ماحبوكعليك اصفن اني هواي مرات
وحيل اتمعن اني وياك بالصفنه
ورسم صورك وسط هذه العين
وارد اردود انوب انقشه بالحنه
عفتي لوحدي انت وماسألت بيوم
حبيبك بناره عايش وانت بالجنه
عفتني انت ورحت وي ناس ماحبوك
وخذك مني دكلي بيا شرع يا سنه
سولفلي يحبك مثلي لو لا.؟
واتحدى يحبك مثلي فنه
بجيت احنه عليك عيون موش دموع
وعليك كلوب من الصدر شلنه
تعال انت عليه حتى لو خطار
واني ادري انتهينا وضاع املنه
معقوله تركتني وبحظن غيري الكاك
ماصدك ابد خاف بحلم جنه
تذكر بالصغر من جنه اني وياك
ختيلان نلعب يم اهلنه
ياريت العمر يرجع بلحظه وياك
ومستحيل بليس ادري يدخل الجنه
ياحنه عرس فاركت ايدي بساع
ليش بس وياك مادامت الحنه
يااحلى عشك عشته اني وياك
وياحلى كلب من بين هل مله
معقوله امل من طاريك اني بيوم
لاوربي بس طاريك ماامله
وعد مني للموت اظل اهواك
وبالكبور ابقى لجيتك اتمنه
ربي ماريد تحققلي كل الاحلام
ردت بس حلم واحد يتحققلنه
رد مع اقتباس
المشاركة الأصلية كتبت بواسطة المهاجر الزيدي
