مرتد صرت عالعشگ . . . . جيت ابوكت بي تبت صعبة الهداية و احب
مفتوح باب الگلب . . . . . . لكن بشوگي اختلف
مو بأختيارك يجب
اتگول استميحك عذر . . . بگليبي حضرة عشگ
مو سهلة لمن تطب
تلگه بحياتي سجل . . . . . . وادم جثيرة انترس
بس ما خله من الشطب
شجره وگضيت العمر . . . بصفاحي ذكرة ولف
صعبة اشتعل وانحطب
طموني طول و عرض . . . . . من شربوا اميتي
بس باقي جرفي عذب
قانع گضيت العمر . . . . . الحنطة وسط الرحي
و اخبيزتي من الشلب
خلصته عمري سفر . . . . يمته بمحطه استچن
يوميه ديرة غرب
قصة حياتي انحچت . . . . سولفها وانه استمع ذاك الحسبته محب
لابيض ابراسي استقر . . . . و ادنه حدر الزلف
و انه ابثلاثيني
باقيلي وشلة عمر . . . . . . . ليغرك من ابتسم
اضحك على اسنيني
ما اريد عشگي المضه . . . . .حبهم كبر بالگلب
بس صغروا ابعيني
صحبان خلي نظل . . . . . . ما طول بس النظر
ما بينك وبيني
رد مع اقتباس
المشاركة الأصلية كتبت بواسطة *نجمة النجوم*
