دارميات الغربيل!-الشاعر حسين الساعدي
دارميات حسين الساعدي
،،،
غربيلي صاح ابصوت وبهزت الخوف
كالالي اله اطحين وبعينك اتشوف !!
،،،
وبهزت الغربيل ونترست الكاع!
حسبالي ماي الطاح ماجنهم اسباع؟
،،،،
وين الخشن خليت عفت الزعاطيط
يتزاركون ابساع مثل الشبابيط؟
،،،،،
هالهزه بالغربيل كلش خفيفه
طاح اليدور الصيت هو ومضيفه؟
،،،،
غربيلك المو زين شنهي القضيه؟
وبحطت الالفين مامش بقيه!
،،،،
ياباني هالغربيل وبمشتره الزين
جا بالعجل شكيت لو مصنع الصين!
،،،،
ذبو زرك عالكاع من بين اديه
ويافشلتي الغربيل يضحك عليه!
،،،،
غربيلي مابي صوج وبشوفة العين
عالشحمة ويطيحون مثل البزازين؟
،،،،
ماطاحوا الطيبيين كالوا بسيطه
وبشوفة الغربيل طاح الصكيطه!
،،،،
غربلت بالماعون عفت الغرابيل
خاف الزروف اكبار وتطيح الحيل!
،،،،
ليغرك الجيدوم وبهل ضخامه
يثبتلك العربيل وين الزعامه!
،،،،
وين الضخم والحيد واليخسف الكاع
باول ثلث هزات شو طاحو ابساع!
،،
حسين الساعدي
رد مع اقتباس
المشاركة الأصلية كتبت بواسطة كبريائي قاهرهم
