الحلقة الأولى من برنامج أضحك معنا مع العضوة زينب99
احبائي اعضاء وزوار
منتديات درر العراق
السلام عليكم ورحمة الله وبركاته
يسرني جدا
ان اضع بين ايديكم الحلقه الاولي من البرنامج
فقط ملاحظة
الغرض من هذا البرنامج هو
إشاعة جو من البهجة والمرح والألفة
بين الاعضاء
بعيدا عن الروتين وضغوطات الحياة
حيث سنقوم باستضافة
أحد الأعضاء ((من الجنسين))
ليحدثنا عن مواقف طريفة حصلت له
في أي مجال من مجالات الحياة دون خجل
على أن يختتم مشاركته بذكر
بعض النكات الجميله
ويسرنا جدا ان تكون الضيفه الاولي
عضوه متآلقه ومتلآلئه كنجمه في سماء
منتديات درر العراق
انها
زينب99
فأهلا وسهلا بها ضيفه غاليه على البرنامج
مساء الطهر والمسك
أشكر صاحب الموضوع الانيق
دائما مواضيعه تدهشنا وتروق لي
وجزيل ألشكر لقبوله دعوتي لأكون ألضيفة الاولى
ماانحرم من أبداعك ألمتواصل
الموقف الاول
هذاك اليوم مطرت الدنيا
واني وامي راجعات من المدرسه
فـ (حذائي ) " أجلكم الله " لزك بالطين
وما قبل يطلع ابد تالي كمت نزعته
ورحت للبيت حافيه
والبنات اللي كبالي يمشون
بقوا يضحكون عليا
واني متفشله همزين
ماكو ناس بالشارع كانوا
الموقف الثاني
مرة من كنت بالمتوسط رحنا اني وماما للسوق
فـ دنمشي اني وماما وتيهت ماما
فـ شفت مريه هي وبنتها يمشن
اني رحت ركضت وراهم
وصدفه طلعت امي ورايه
فـ صاحت عليه كالت لي وين رايحه تركضين هناك ؟؟!!
كلتلها والله حسبالي هذنيج اني وياج دنمشي
يعني حسبالي المريه وبنتها هن اني وماما
الموقف الثالث
مرة رحت لبيت خالي ..
طبعا اني وبنت خالي لازم نسهر للفجر من اروحلهم
رغم خالتي تكللنا نامن من وقت
فـ ينام الكل وبس اني وياها كاعدات
والملل محاصرنا جان قررنا
نمثل ع اخواتها الصغار
وهن نايمات
جبنا ماشات مال شعر
وبنت خالي لبست ملابس
لبستهم شي فوكَ شي
وفوكهن عبايه
وشال ملفوف ع وجهها
وورده خلتها على خشمها هههه
والماشات خليناها ع شعر اختها الصغيرة
اللي شعرها مكنكر
وسوت روحها عود فقيرة
وتبجي واني صحفيه
واصورها وانقل معاناتها
فهي تبجي جذب
وتضحك وتكول كَملايه بنتي
(عود الماشه كَمل )
وتسوي روحها متأثرة
وتكلي خاله شوفي شلون ماتت كَملايه بنتي
اني ممسبحتها صارلي سنه ونصف
حتى لتموت الكملايه
وماتت
:( شوفي شوفي شلون كلهه وصخ
شوفيهم للعالم ع هالظلم
شلون مات الكمل
هاج هاي الكَملايه دفنيها
وطبعا هي تحجي والوردة ع خشمها ههه
واني كمت ابجي من الضحك
انوب كعدت اختها اللي بكدنا
ع صوتنا ف رحنا جبنا قناع مال شبح ولبسنا عبايه
وبالغرفه الثانيه ام القناع تختل
ومن ندخل تجفلنا
فـ اني لبسته
وختلت ورا الباب
وجان اجفلهم
ويصيحون صيحه
رحنا ركض للغرفه سمينا روحنا نايمات
اجت خالتي كالت شنو هالصوت
اني كلتلها ها خاله جنا نضحك
و الأن نأتي الى النكات
النكتة الأولى
اكوا واحد سحب كهرباء من عامود الشارع
فرجع الى بيته فلكه الثلاجه تشتعل
والمروحه تنطفي
والتلفزيون يشتعل
والضوء ينطفي
فرجع الى الشارع لكه نفسه ساحب الكهرباء
من اشارة المرور
النكتة الثانية
مره وحده قالت الى زوجها
خلينا نروح الى الحديقة العامة
ونسترجع ايام الخطوبه
وبعد ان راحو اجت الشرطة ومسكتهم
الزوج صار يتوسل بالشرطي
فقال له الشرطي اوكي هذه المره انته سماح
بس هذي بنت الملعون صار 12 مره نكمشها
النكتة الثالثة
الاجنبي من يخابر حبيبته وينهي المكالمه
يحضن التلفون
ألعراقي اول مايخلص يفحص الرشيد
شعب يحب ألتقشف
ياربي أكون خفيفة الظل عليكم
وقدمت ماينال اعجابكم احبتي
شاكرة للمبدع
محبوب القلوب للتصميم
على أتاحة هذه المساحة الرائعة
للترفيه
لروحكم كل الوورد
زينب99
الي اللقاد في حلقه جديده
وضيفه او ضيف جديد
بمشيئة الرحمن...
مع اعطر التحيات
و كل الشكر للضيفة الرائعة
رد مع اقتباس
المشاركة الأصلية كتبت بواسطة عدنان الواثق
