يوم انها كانت على الشرع والدين
كان العرب تملك اخلاق العروبه
وان صاحت الحره نفزع مجانين
شيب وشباب تركض ياناس صوبه
ولا من هدم دار العرب والمسلمين
الخيل عنو روسها وفزعوبه
ولاشبت الهيجا وبانت دخاخين
سيوف الهنادي سلوه وطعنوبه
واليوم ماتت كل هذيك العناوين
وضاعت اخلاق الناس وصارت العوبه
ان انقطع نعلك ولو كنت مزنوق
ماعاد تلقى بالشوارع اسكافي
بعض المهن راحت ولاظلها سوق
كمل مسيرك يافتى الجود حافي
عجبت بالنعال نجمه سطع فوق
واهل المعالي ضوها اليوم طافي
هاتي القلم بغداد وعطيني الاوراق
بكتب عليها اليوم قصه حزينه
من ضيم مايجري لنا بارض العراق
وحنا نتفرج ما طلع في يدينا
الي انذبح والي انخطف والي معاق
والي يدور بالجثث له رهينه
والي يفرفر بالشوراع والانفاق
يدور لخيه هم فاقدينه
وطفلن يجر الصوت لابوه مشتاق
والمشكله ابوه تو دافنينه ؟؟
يارب عبدك دوم يعلن رجاويك
سر وعلن عبدك الصابر تشوفه
تفتح لنا بوب العطا والشبابيك
ودعوة عبدك يالولي ماتعوفه
العسر ظالم وانت عز المناديك
تشوف عبدك يوم محد يشوفه
على ذكر القصيد وهيجنه ما تكتب الاشعار
كتبت بسمك ابيات على ذكراك حصريه
كتبت ابيات ممزوجه بعطر الطيبه ذي قار
بغمسها وسط دجله مع نكهه فراتيه
بها هيبه من الموصل تعانق هامه العشار
وبها من قلعه الكاكه عبارات اتحاديه
بها نور من الكوفه وبها من روعه الاهوار
وبها من نخوه ديالى وطيبه كربلائيه
وبها غيره من الحله وبها عزة اسم عشتار
بطرشها لدار الي يشد الروح طاريه
مساء المجد يا دار الرشيد وقلعه الثوار
عسا يفدك داعش والحثاله والحراميه
ترى رغم الدمار الي لفا من زمره الاشرار
تضل دار السلام بهمه الشجعان محميه
ونضل اخوان ما فرق شملنا نسل ولد العار
تطيح اجموع دون الدار اذا نادت عراقيه
ويضل الفاو فارس ينتفض لامن صرخ سنجار
ويضل الانبار شرايينه تصف طيبه جنوبيه
عراقيين اهل غيره اهل فزعه رجال احرار
خلقنا الله صلفين الهمم والروح ثوريه ؟؟
بعض اللحا صارت على الدين تشويه
تصعد على عالي المنابر تهوا
ومسيلمه الكذاب خابت مساعيه
وله مقعدن بالنار فيه ايتبوا
كثير ماودي بشوفه ولاابيه
لكن سكتت لخاطر ادم وحوا
ومن ودنا بالخير لاوالله اغليه
وقلبي نوا المرباع يمه وطوا
مانفعنا صاحب العلم الشحيح
وش يفيد الناس لو انه فيلسوف
ابي اسولف وانتكلم بالفصيح
والنقاط نحطها فوق الحروف
صح ناس اليوم ماتبي الصحيح
هي تبي الكذاب والعنده الوف
والفقير يضيع حقه مستبيح
والقوي ياخذ مع الجزه خروف
شعب هادي لو زعلنا بس نصيح
ونتظلم للظلمنا اوف اوف
ما نقوم وكان قمنا هم نطيح
وشمسنا ماراح تظهر من كسوف
مدري وينه صاحب الوجه الفليح
راح نرجع قبله لعصر الكهوف
عاشو زحازيح الرجال الوفيه
مخضبين النصر في دم الابطال
ولولى العوايل والنفوس البريه
واهات وصياح الثكالى والاطفال
الجيش مبطي ماخذها بضحويه
ابطال مابه شك والحق ينقال
اصلفها بالوجه صفعه وداعه
يوجع خبر فرقاه ساعه سماعه
شيخ ثقيل وله مع الجود سابق
طوع عظيمات الفعايل ذراعه
تبكيه شمر بالعراق وحايل
وبالكويت تبكي لابته في وداعه
الذيب الاحمر ياحسافه توفى
الذيب الاحمر راح والله فجاعه
رد مع اقتباس
