هنا

[يوسف الشمري]

صورته هزت فؤادي والضمير
شايب يقرا وعينه ماتشوف
من صلاة الظهر يقرا للعصر
جعل عينه غير ربه ماتشوف

[يوسف الشمري]

شمر وتشتاق السماء للتضاريس
والارض تعطي النجوم التحايا
العن ابو من لا يحب السناعيس
وياخيبه الي ما يعز الطنايا ؟؟

[يوسف الشمري]

ماني خليجي يابنت لايغرك لباسي
ترا الاصل واحد والله اعلم بالنيه
ثوبي مع شماغي مع اعقال راسي
اعاهدك بالله انها عراقيه ؟؟

[يوسف الشمري]

الشيمه عيت والمحاجر عصيه
ونأبى نكون بصف قايد وقواد
يبقى انحيازي دوم لاهل الضحيه
لعيونهم نلعن ابو كل جلاد
ماجيت ادور بالقصايد هديه
بل جيت انخى وانتخي لامه الضاد

[يوسف الشمري]

كل تافه صار قمه بالذكاء
وكل خسيس صار فيهم عنتره
انتهى عهد الكرامه والاباء
وابتدينا نعيش عهد السمسره
ولابقى بالوقت ذره من حياء
ولابقى طيب نقدر نذكره
ولابقى عذر والامه غثاء
وكيف تقدر من تمادى تعذره
كل ابوهم يرتجي ذل وثراء
وش يفيد المال واسمك تخسره
يرتجون الجود من كف النساء
وش بقابه دام اكرمكم مره
مابقى للعز والشيمه ولاء
انحطاط وانكسار ومسخره
وانكشف عن كل مستور الغطاء
ولايفيد الكذب كثر الثرثره ؟؟

[يوسف الشمري]

يفداك كلي لاتقولين أأأأأه
تطعن خفوقي كلمتك من غلاتك
اجيك كلي وكلي يقول لباه
اخاف غصه لاتعور لهاتك
يوم الرجال اشباه ماكنت اشباه
ليت المراجل تملكيها بصفاتك
تدرين شلي يعتبر قمه الجاه
ان الحيا لازال شيمه عباتك ؟؟

[يوسف الشمري]

تذوب في هيبه حضوري وتنهان
كبار الاسامي الفاخره والكبيره
ولوني على لان والعرب على لان
افخر بديني والنسب والعشيره
وعسى يكون بموقف العز نيشان
وعسى يكون بتالي الامر خيره

[sωєєτ ɢɪяℓ]

عندما يأتيك أحدهم مُعتذراً
أزل من ملآمحك مظآهر الإنتصارْ
فقد جآء إليك بعد صرآع عنيف
مع نفسه يقنعهآ بأن آلاعتذآر
ليس هزيمَه أو إهانه للكبريااء ..


متابعة

[يوسف الشمري]

عندما يأتيك أحدهم مُعتذراً
أزل من ملآمحك مظآهر الإنتصارْ
فقد جآء إليك بعد صرآع عنيف
مع نفسه يقنعهآ بأن آلاعتذآر
ليس هزيمَه أو إهانه للكبريااء ..


متابعة

نتشرف ونعتز ونفتخر بالمتابعه والمشاركه اختي
لله نسامح كل من ساء ضنه
وانا على النيه احب التسامح
شفت البشر تكره وتحقد وكنه
كنه حجر اصلب صلاب المرامح
وشفت البشر سيف الغدر جا يسنه
يصعب عليه اطياب قلب المسامح
وشفت البشر طيبه على غير منه
القلب ابيض واكتفي بالملامح ؟؟

[يوسف الشمري]

لاحياء ودين لاقلب عطوف
الالوف تنام على شمس الضهر
يابشير الموت ياموت الحروف
ذا نذير الشؤم بسمك قد ظهر ؟؟