اذا ارضكم من طيبها تنبت ازهار
حنا ارضنا من طيبها تبتلعنا ؟؟
اذا ارضكم من طيبها تنبت ازهار
حنا ارضنا من طيبها تبتلعنا ؟؟
أأأأأه يابنت النشاما والرجال
العرب في هالزمن مثل المطي
سطري للمجد وقفات و نضال
موقفك خلا مراجلنا خرطي ؟؟
كم رجل ساد بالامه عظيم
ورتقا برجال قومه للقمم
وكم عزيز ذل وجوار كريم
في نزال الغدر كم سيف انثلم
كم مقام ذل بالمحنه بحريم
مو مهم العار دامنه سلم
ان ذكرت الله والطفل اليتيم
من طفل بقريش يرعى بالغنم
ثم حباه الله بالدين العظيم
اليتيم وصار بالامه علم
سيد اهل الأرض واصحاب النعيم
انتصر في بدر وبأحد انهزم
ذي دلاله وطرح للعقل الفهيم
ومايهمني شخص ارعن مافهم
يبقى ذا المنوال في نهجي القويم
اكرم الاموات واطمر كل صنم ؟؟
أأأأه من وقت على العالم شديد
شرد الناس ولعب بحوالها
كم طفل مات مقطوع الوريد
وروس اكارمها هوت بعقالها
والشوارع نار وشضاها حديد
تحرك الناس بلضى وغربالها
ما يحرك نظره الاعراب جيد
ولا تهزهز له شعور بجالها
متابعين الكول والملعب نشيد
لعن ابو البرشا ولابو اريالها ؟؟
ما طال عرش المراجل لئيم
ولا عز نفسه ونال القمم
ولا ينفع الساقط عذر اثيم
ولا قاد القوم شيطان وصنم
ملعون يبقى وابليس رجيم
من خان اهله وباع الحرم
الي ما تهزه صيحات الحريم
ديوث وجعل حياته للعدم
راح عن الدنيا كل رجال كريم
وسادو عليها اليوم اشباه الغنم ؟؟
بلحظه يموت من العراق فوق الالفين
بتفجير غاشم او ذخيره ذكيه
وصمت تشوفه في عيون المعزين
يشبه من الانكار موت القضيه
تبقين ام الخير يابلاد الرافدين
من مي دجله ومن دماء الضحيه
انهار تجري والمصيبه العناوين
وياخذ على ذبحك ذباحك هديه
يابو جهل جهلك على الراس والعين
كافر ولكن فيك شيمه وحميه ؟؟
ماشفت كيف اطفالنا صارت اشلاء
يالي تتفرج عالحدث والجزيره
ندري تتابع لاجل نجوى وهيفاء
وعينك على هدوم المذيعه القصيره
حنا نشوف الموت في مثلك احياء
وشهو البشر لاصار من دون غيره
جيت اقول كلمتي وتحتها امضاء
من باع عرضه ماترجيت خيره
لو قللت الدنيا السخيفه ادبها
وتطاولو عالجاه من كانو اشباه
تبقى الرعاع تعيش ازمه بنسبها
لو تمتلك اسماع وابصار وافواه ؟؟
ان كان رب البيت بالدف طبال
شيمه حريم البيت ترقص اقباله
والمال بالقرأن في عين رجال
زينه قبل ماقال زينه عياله ؟؟
لو ماتت اعضائي من الحر والجوع
لي الشرف في موتها بالكرامه
الذيب يمكن يكتفي بصيد جربوع
وله مخلب دم الاباهر يدامه
مايشتكي جور المقادير بدموع
ليت البشر مثله تداري مقامه
واللي رضى بالذل لو عاش ممنوع
الموت اشرف من طويل السلامه
رد مع اقتباس
