هنا

[يوسف الشمري]

ياضمير الناس ليتك لو تشوف
كم ضمير غاب فينا واندثر
وكم طموح شاخ في نفس الشغوف
وانحنى ظهر الاماني وانكسر
وكم كتاب طاح من فوق الرفوف
في عيونك وانت فاقد للبصر
والبصيره فيك من عهد الكهوف
في بدايه خلق ربي للبشر ؟؟

[يوسف الشمري]

انسان لكن مالقى احساس الانسان
يكبر على احساس الالم دون يدري
هو يحسبن بفطرته كلنا اخوان
مايدري ان الكون ماعاد فطري
اقسم قسم والي خلق سبع الاكوان
لو تقبل الاعمار لاعطيه عمري ؟؟

[يوسف الشمري]

بيني وبين النفس سؤال وجواب
عجزت الاقي حل بعض الاسئله
ليه الخطا في عين من يخطي صواب
وليه الجبان يعيش دور المرجله؟؟

[يوسف الشمري]

على الديره العزيزه دموعي هليت
عراقيين وحنا اهل المراجل
قبل هلهوله نسمع نقحم الموت
وهسع ننبطح وقت الهلاهل ؟؟

​

[يوسف الشمري]

يا حيف نغازل بعضنا بالدواوين
وتبكي بنت الرافدين ولا من معينا
تصرخ تنادي ياعرب عزوتي وين
بنت العراق اليوم امست حزينه
حنا شعب معروف مابين نهرين
دجله وفرات العذب منه ارتوينا ؟؟

[يوسف الشمري]

مشينا على موت الحمر لجل الاحباب
ورخصنا لهم الروح يومن نخونا
كنا ننظر للعرب نظره اعجاب
لكنهم بسهام غدرهم اطعنونا

[يوسف الشمري]

صغير لكن عندنا عالي الشان
قدرك على مد الكفوف وكرمها
فنجال ابدع به من الصين فنان
يجهل معاني لوحته لو رسمها
وحنا انتفاخر به شباب وشبان
رمز الكرم للشمري ماعدمها
شمر مكارمهم تطارخ بالاكوان
خصايلن بالطيب كلن علمها ؟؟

[يوسف الشمري]

من يقول الصمت بالمحنه ذهب
ذا خطاب العجز بافواه الخطيب
كم صمتنا وصار دمنا للركب
وكم صغرنا بعين كل شامت قريب
كم تهاوت روس واعيان ورتب
عن بلوغ العز والموقف مهيب
يطغى فوق الكل صوتن ينتحب
من شديد اليأس والعجز الرهيب
من فقد اهله وبيته والعب
وش يجيب المال قلي وش يجيب ؟؟

[يوسف الشمري]

يزيدني شرف عالناس بالشرق والغرب
اني بأمه حطمت كل الاصنام
امه تدين بدينها لوحده الرب
ولاتعتنق دونه خرافات واوهام
ترعى الخوي والجار والصاحب الجنب
وتكفل فقير الحال وتبر الايتام
بالعدل والانصاف والين والحب
لها عالامم ناموس في وصل الارحام
لبت ابن خطاب من عدله السحب
وجيشه وطا كل المعالي بالاقدام
واليوم ضايق بها فضا العالم الرحب
مثل الذي محكوم بالمبرم اعدام
وبعض العرب من ذلته يرتجي ترمب
ارعن ويكشف عارهم وسط الاعلام ؟؟

[يوسف الشمري]

اما نعيش احرار او نكضب الدرب
صارت منازلنا مساكن للاقزام
يالله طلبتك عننا تجلي الكرب
حياتنا صارت متاهات واوهام