فيديك خير وتصرخ اطفالك اجياع
كلهم يتاما في اعمار الرضاعه
واهل العلم والفكر من كثر الاوجاع
صارو يودعونك جماعه جماعه
وسمعت صوتن منها هز الاسماع
انتم سبب والمجد منكم ضياعه
انتم نصرتو المغتصب لجل الطماع
واليوم عندي مالكم من شفاعه
يهل الشقاق اليوم ماني لكم كاع
انا وطن من كان رمز الشجاعه
عارن عليكم دار هارون تنباع
والمشتري قصده يوطن اتباعه
تألمت بغداد والقلب ملتاع
ضاع الوطن والكون ضاق اتساعه ؟؟
الجرح مايشفيه دمع التماسيح
دام العيون الي تهله لئيمه
طيب وحنا الى متى دمنا يسيح
والفلم مرعب والمشاهد أليمه
الذنب ذنب اصواتنا تكرم الريح
حيل انخدعنا بالوجيه الوسيمه
تصوم وتصلي معانا تراويح
بس التهت عن شوف دمع اليتيمه
صحيح عمال ورعاة وفلاليح
لكن شعب جبار عالي الشكيمه
ترى صيحه المظلوم تذهل زحازيح
والمحكمه تكشف اوراق الجريمه
بعض القفوله كسرتها المفاتيح
ولا دامت وجيه الترف في نعيمه ؟؟
دجله تصيح وردلها صوت الفرات
دمعها سايل مثل مجرى البحر
الاصيله سترها لبس العبات
ان بكت تبكي على ستر قهر
هذي هي الي بها كل الصفات
نينوى شافت مصايب يابشر ؟؟
يادار وين العزيزين يادار
يادار والله عليهم دموعي اليوم صبت
يادار وين الغالين يادار يادار
ردي عليه يادار النار بالقلب شبت
ردي عليه يادار وطفي النار
النار اللي في داخل الجوف كبت
ردي عليه ماجيتك اليوم خطار
شوفي دموعي على الخدين هلت
شوفي الفكر والجسد وشلون منهار
من بعدهم النفس عن الزاد عيت
ردي الجواب ماعاد ينفع بها اعذار
الروح يادار للموت تمنت ؟؟؟
علمو بنت الحموله وانصحوها
تحتشم لا تتبع اسلوب التطور
علموها تحترم شيبات ابوها
لا تهينه في النت ولا تصور ؟؟
عشق ممنوع مانهوى ولانبغى عشق ممنوع
ولانبغي عشق نزوه شهر شهرين طياري
انا عشقي امام الناس بالمرئي وبالمسموع
يلبسونك اثياب العرس والموعد وسط داري
تطمني جعلني فدوه محاسن جسمك المربوع
تراني ابيض السيره وختي هي بنت جاري
ترا من يلسع العالم اكيد ان اضهره ملسوع
وذا شقيت ستر الناس اخافن شقت استاري
اذا انتي يتيمه حب انا مثلك ترا مقطوع
ابي اصبح انا بيتك ومن خدينك انواري ؟؟
تزاحمت شمر على الموت والثار
تقدح طنا ماتقبل الذل شمر
بالجانب الايسر لنا حزام واصرار
وبالجانب الايمن صرخ وين شمر ؟؟
كافي تناحر ياناس كافي
تفجير وتزعزع امن واغتيالات
الشعب جوعان ومتشرد وحافي
مايشتري الا العدس والطحينات
مرن علينا سنين ثلاثه عجافي
والشعب قضاهن ترى بالمخيمات
والعبه راح تصير شوطين اضافي
يعني الحكم ماراح ينهي المباريات
مافات مات وماكليتو عوافي
لكن بعد ما ننخدع بنتخابات ؟؟
انا ماصدق بسمعي واكذب ماتشوف العين
اشوف الوضع متغير وبعض الناس خربانه
قبل من قوه المسلم فتوحاته تصل للصين
عجب هالحين ما يفتح كتاب الله وقرأنه
وقبل من يدعي المسلم ملك خلفه يقول امين
عجب هالحين اذا ندعي يسد فمه مع ذانه
وقبل شفنا العرب تحزن على الميت قدر عامين
عجب هالحين اذا واحد توفى زف جيرانه
وقبل لو سولف الشايب تشوف المجتمع صاغين
عجب هالحين ما يقدر على عياله ولا اخوانه ؟؟
انا مشرد عن دياري ومبعد
واصدق الي بالخيال اوعدوني
قالو تهون وفتره ايام وترد
واليوم 3 سنين ما رجعوني
توجعني اليله اذا جوها برد
تدرون ليه عن الوجع اسألوني
شفت العجوز الهالكه مالها حد
نامو عيالها وللعشى ينطروني
يقول يمه ضامني الجوع ثم صد
يبكي وامه دمعها بالجفوني
نامت عروبتنا وما عاد تقعد
واهل المنابر صفقو وخذلوني
بيوم التضاهر كان صوتهم يرعد
تكلمو عن النسا بالسجوني
ساحه الكرامه بالحجي ويتوعد
وكل يوم في اسم النسا يهتفوني
هذي الارامل على الرصيف تهبد
وين انت عنها يوم صفق الصحوني ؟؟
رد مع اقتباس
