ناس تبي نكتب بالغزل والحب
وناس تبي نكتب مدح ونصايح
لكن المصيبه عندنا تشتعل حرب
يتم وثكالى في جميع الشرايح
بديارنا القانون اصبح كما الكلب
يخلص لناس شمها بالروايح
قانونهم مبني على السلب والنهب
تسلب وتنهب ولا تهم الفضايح
يكم واحد عندنا طايح بكرب
وكم واحد من شقى الفقر طايح ؟؟
ماننخدع بدموع كذبك عالاطفال
وانت شريك بنحرهم والاباده
ماشفت بعراقنا كيف الحمر سال
وكم من رضيع صار لامه وساده
وبعض البشر في ذبحنا صار دلال
وياخذ على الاشلاء مدح واشاده ؟؟
النيل مروي مصر ومخضر الارض
ودجله وفرات الخير ينزل بالابحار
صحراء العراق لو يجيها النهر فرض
ماكان يبقى جونا ملتهب حار ؟؟
ارجع على كتب الادب والتفاسير
وشوف الحقيقه بعين من كان قدوه
وان كان شفت بطرحنا شك او ضير
ردوا البضاعه مع هلناس ردوه
ماجيت ادور بالتواريخ تجبير
كسرها يعم الحاضره وساد بدوه
ماريد تحكيلي على سالم الزير
اريد الناس تحذوا اليوم حذوه
لافك باب العار بعض الهوامير
سارت رعاع القوم من دون جدوه
ناس طموحها بالمصيبه تصاوير
حتى بدمانا ترتجي تنال ثروه
بالجاهليه كان بأصل العرب خير
قبل الرساله كان للقوم ندوه
دار تضم من الرجال المشاهير
اشراف لو كانوا على غير تقوه
ماصيحوا جاراتهم لا حشا غير
ولادرعموا بوب ولا دار هدوه
وجأ النبي الهاشمي حامل الخير
يتيم واصبح للملايين قدوه
مهما تغير وقتنا عندنا صرار
بنفوسنا هقوات ماهي قليله
حنا تربينا على حشمه الجار
وعن المراجل ما ندور بديله
ان كان بعضكم بالدراسات شطار
حنا درسنا في مدارس قبيله
نفور عالشيمه كما فوره ابهار
ونذود ذود الاجودي عن دخيله
قلتها ولي عزه ولو صار ماصار
عشقي لشمر عشق الخليل لخليله
من عقب ماحنا نمد الجزايل
وبيوتنا ملفى قريب وبعيدين
صرنا شتت ونام بين العوايل
بهياكل بيوت تصنع من الطين
ننام جياع ونصبح ذلايل
ونضره عيال نزلت دمعه العين
ماغير الوج وهم قلبي مخايل
وتفجرت من دم قلبي براكين
تنخاكم الي صار وقته غلايل
ام اليتاما والضعوف المساكين
راقي ..
المشاركة الأصلية كتبت بواسطة نازلي
راقي ..حياكم الرحمن اختي
هذا وضع جسمه عن الحر شاقوف
بعكس الذي موسه على اخوه شاطر
الخير باهل الخير واسع ومعروف
والرزق من الرزاق والجو ماطر
الكرم رابح والبخل شر محذوف
واهل الكرم فيهم سرور الخواطر
رد مع اقتباس
