هنا

[يوسف الشمري]

مرحوم ياشيخ الطنا والزعامه
رعيتك تنعاك في كل الاقطار
مرحوم ياشيخ الكرم والكرامه
انت الزعيم الشيخ ياواف الاشبار
من رفعتك شمر رفيع مقامه
تبكي عليك جبال حايل وسنجار
وتبكيك شمر كلها في تمامه
شيبانها وشبانها صغار وكبار
وتبكي عليك المرجله ولتزامه
ويبكي عليك الجاه والوجه والكار
ويبكونك ملوك الدول والفخامه
ويبكيلك التاريخ في عين الاقدار
وتبكيلك الشيمه بعين الشهامه
والوالمه تبكيك والهيل والنار
مرحوم يالذيب الحمر في ختامه
الله عسى مثواك مابين الابرار
بمر الولي اللي علينا دوامه
يالله ترحم شيخنا وانت غفار
وتخلف علينا من يسد بمقامه
زحزيح مثله ماعلى مثله غبار

[يوسف الشمري]

بحور الشعر في شده الحزن ترثاك
مرحوم ياشيخ الشيوخ الاوايل
سموك بالذيب الحمر كل عناياك
تشهدلك شراف العرب والقبايل
معتق ارقاب من المحاكم لمن جاك
معطي جواب الفعل لكل الرسايل
مخفي العطايا يوم تجود يمناك
معطي الجزايل لك تذكر جمايل
ينعنك الشطين وسنجار ينعاك
وسلمى واجا ينعاك من جبال حايل
من حقنا نبني البيوت لعزاياك
واجب على الجميع توفي الفعايل
ياشيخ محسن تنذكر دايم اسماك
واسمك كبير وتستحق الجزايل
شمر جميعها ماتخالف وصاياك
وصيتنا نبقى كرام واصايل
ابشر بشمر ماتخالف لمسعاك
والحمل الكايد للجمال الحمايل
عساك بالفردوس الاعلى هناياك
عساك تسكن فوق بأعلى النزايل

[يوسف الشمري]

سلام الله على شيخ الطنايا قايد الجربان
سلام الله على اللي سيرته نسمع بطاريها
سلام الله على محسن عجيل الياور كحيلان
سلام الله على الي لا بغى الحاجه يسويها
سلام الله على نسل الشيوخ اللي لها عنوان
شيوخ يعرف التاريخ حاضرها وماضيها

[يوسف الشمري]

ليت الخبر ياذيب راعيه كذاب
عليك ياللي صاحت الشمريه
قالو غدى والدمع ياشيخ سكاب
غيمه حزن غطت جميع البريه
مرحوم يا ستر الطنا عند الاجناب
مرحوم يا راعي اليدين الصخيه
مرحوم ياللي للنواميس كساب
مرحوم يا رمز السطر والحميه

[يوسف الشمري]

عشائر شمر في الجنوب العراق
تنعى فقيدها شيخ مشايخ شمر محسن عجيل الياور

[يوسف الشمري]

استقبال جنازه شيخ مشايخ شمر في العراق
تبكيك الرجوله تبكيك الشهامه
تبكيك الغيره يبكيك الكرم
الى رحمه الله يالذيب الحمر

[يوسف الشمري]

رحيل محسن هزني هز العصار
عليه دمع العين حدر مسيله
نبكي ويبكي خان ضاري وسنجار
ماعندنا غير التوجد وسيله
يرثنه الشطين تبكيه الاشجار
دجله بكى ساعه وفاته نخيله

[يوسف الشمري]

هبيت يلي تكدس المال تكديس
وربعك غدو دون الكرامه فريسه
ان صار منه ماكسبت النواميس
ولا سمت سوق المثمنه والنفيسه
وجيه اليتاما والارامل معابيس
وشكوى المجاعه من حياهم حبيسه
وحنا حملنا جريس من خاطر جريس
وغرزلنا خبث الطباع الخسيسه
امه ونشوف امجادها بالكراريس
ورجالها واحلامها بالخفيسه
وحنا ابتلينا بالولي بلوه غليس
وكلن على ربوعه يتزايد ضريسه
وتوحدت كل الخطى بالمقاييس
وكلن ذرع حلمه وعلينا يقيسه
من عقب ماهم للمنايا مقابيس
قامت تموت من الوزى كالفطيسه

[يوسف الشمري]

حنا بلانا من قريب يجينا
يعرف امور الخارطه والدرابين
ولا كلاب الغرب وش له فينا
وش فهمه بالوضع لولا الملاعين
هو يقتل المقتول ثم يبتلينا
وحنا على النيه ناسن مساكين
عقب الفضا اليوم ضاقت علينا
بوسط الخيام الشعب ذاق الامرين

[الياسمين]

رحيل محسن هزني هز العصار
عليه دمع العين حدر مسيله
نبكي ويبكي خان ضاري وسنجار
ماعندنا غير التوجد وسيله
يرثنه الشطين تبكيه الاشجار
دجله بكى ساعه وفاته نخيله

الله يرحمه يا رب ويحسن إليه ويجعل مثواه الجنة