#خير الناس من نقع الناس
بداية قد اسهو بالكتابة وربما يبدر خطأ في كلامي فأعذروني (كل مايخطر في بالي اكتبه هنا)
من القول ننطلق
ان كنت صاحب علم او لديك اشياء تنفرد بها لماذا لاتعلم الناس عليها ؟؟ لماذا لا تغني مما اغناك الله من فضله ؟؟
لماذا لا تعطي للناس ولو القليل من الي تملكه؟؟ هل تخاف على الذي تملكه ؟؟ هل تخاف ان ينتشر علمك بين الناس ؟؟
هل تفكر بالانانية ؟؟ لماذا هذا التفرد والبخل في اعطاء الناس مما لديك؟؟ هل تخاف ان تسلب هذه الصفة منك؟؟ الا تخاف ان يسلبها منك الذي اعطاها لك؟؟
شارك الناس بما لديك بكلمات او بكتابات او حتى ولو بسطور مما تملك فهذه ربما تكون ليست فقط رحمة لك ربما ستحول دون حصول فعل او شيء خطر او اي شيء لا سامح الله مؤذي ...
شراح تنقص اذا كلت للناس او لاخوانك او لاصدقائك مما تملك من علم !!! هل تعلم ان الله سيحبك اذا نشرت علمك ؟؟
هل تعلم ان الله سيوفقك ويجعل لك فوق علمك علم اخر ؟؟ هل تعلم ان الناس ستحبك لطيبتك في اعطاء هذه المعلومات ؟؟
ان كنت متفوقا في دروسك او كنت متفوقا في اي مادة لا تبخل على اصدقائك لا تبخل على اخوانك بما تملك فوالله لن ينقص منك شيء بالعكس ستزداد وتزداد اكثر فأكثر والله هو المغني وهو المعطي
مو قصدي امدح بنفسي لكن هسة اي واحد يجيني ما ارده انطيه كل الي اعرفه ولا ابخل عليه بمعلومة والمعلومة الي ما متأكد منها ما انطيها اله اخاف تضره مو لانه اريد سمعه او شيء لا والله بس من منطلق القول خير الناس من نفع الناس
صدكوني مرات اضطر اترك كلشي الي بيدي حتى لو امتحان وانطي للمقابل كلشي اعرفه واضل وياه لحد ما يستلم مني المعلومة وتنطبع بعقله وهسة الحمد لله ولحد الان ما رديت واحد كلي على فد شيء تأشير او معلومة او اي شيء مراح انقص شيء اذا نطيتها اله
صراحه هواية شايف ناس انانية وتحس نفسها كلشي لين تعرف شكم معلومة ضامها اله حتى محد يستفاد منه
عمي انتبهلي تره شوف مو قصدي استهزئ او شيء بس تره كلنا للقبر ذاهبون والى الله راجعون
على الاقل سوي شيء بحياتك معلومة بحسنة سويها تجارة عمي تره الله كلشي يقبل منك بس سويها
بلكي هالحسنة تدخلنه الجنه وين لاكيها هالله هالله دا نجمع حسنات من وره سيئاتنه الكثيرة
زين اريد اسأل : شتحس لمن تشوف غيرك ما يعرف هالمعلومة وانت تعرفها ؟؟ شتحس اذا صديقك انسأل بهاي المعلومة وانت الي تعرفها واتخجل كدام المقابل شراح تحس بهاي اللحظة ؟؟
رجاءا انتبهوا تره كلشي الي عدنه هي من نعم الله والكل يدري لكن الاستغلال دا يصير غلط في غلط مو قصدي امدح نفسي علساس انه اني فد شيء لا .. بس خلي نسوي الحياة بسيطة وننفع الناس مثل ما نفعونه الي ردسونه
شكد حلوو تنطي معلومة ويكلولك رحم الله والديك .. الله يوفقك .. الله يحفظك .. الف رحمة على امك وابوك .. الف رحمة على الي جابوك .. كل هاي علمود معلومة يجوز متكونة مثلا من سطر واحد او سطرين
تره متتعب او مراح يصيرلك شيء اذا تنطيها .. الله يوفق الجميع ويحفظهم
يارب وفقت بهاي الخربشة
#انتهى
#البلداوي
رد مع اقتباس
المشاركة الأصلية كتبت بواسطة Hawraa Riad
