مر بيه حلم موت بجايا الروح
حلاة الموت اذا صرت انت جتالي
احرك روحي المن شمس لو تنور
هم احرك واضوي ومحد بحالي
هو الكبر حفرة شما تعمر بي
واذا ارد للصدك بس هو يحلالي
والمن طين بيته يعرف ثكل الغيم
بيت فراكه طين وزخ مطر عالي
السنابل من تجف تطلع بمزنة ماي
وانا اعليك دوم يفور شلالي
اشتهيتك حته لو حنظل بريجي تفوت
هيه مرورتك كهوة اتراوالي
دريت عيوني من تحكني تبجي اعزاز
شتوه وكمت احس بالصيف يدنالي
ولسان النهر معكود بالناعور
اذا جف النهر ناعوره ظل خالي
موكل طيحه طيحه الندى يكحل اورود
واذا طايح الليل يكوم وبجالي
بعد بيه الغصن من ينعوج مرغوب
امد روحي اعله طولي وكوه كفالي
واطلع بالوزن عبالي بيتي اصغير
اكولن خاف ماكفاله دلالي
اذا توكف الساعة الرقم زعل ميل
يمته تردلي يالمتخوصر ابالي
رد مع اقتباس
المشاركة الأصلية كتبت بواسطة *نجمه النجوم*
