شكم گعده بخيالي .شكم رمش مذبوح
كم لهفة عشگ ماگدرت اتوفي #
يرحلة جامعتنه العمر مثل الريل
وياسجة حزن لهمومنه أتكفي #
أظل أبلا فكر مادام مامقسوم
وأواكح مستحاي بطيبتي وعطفي #
كانت مثل ورده وخفت لاتنباگ ؟
وخاف أحتفظ بيها وتذبل بجفي #
عفتها أويه الورد وادري الورد مامون
وصرت شاطي بنسيمي وروجتي وجرفي #
رغم كانت بعيده بس أحسها وياي
وأستورح عطرها بلوعتي وضعفي #
ورجع بيها القطار ورد نسيم الصيف
وحملتها الرياح وگعدت بصفي #
رد مع اقتباس
المشاركة الأصلية كتبت بواسطة *نجمه النجوم*
