ماعدي وكت وكت الحبك فات
اجه وكت الموادع حضر الدمعه
رجع صفنتي الماخذه درب الشيب
وكلبي الحابسه من عيونك اطلعه
خذاك اليل مني وعلماني الكاس
ويحركني السهر ماخذ خلك شمعه
انه طبعي كصب شايل اسرار الهور
اذا ماشيك خطوه تخرب السمعه
انه كرصت خبز متعلم على النار
واليغدرني اعرفه ابيتي ماجوعه
طلع دخان مني وتكتلك وين
يم باب الحبه وماشفت فزعه
اريدن خشبه اصيرن وشبك البسمار
وعلى عناد ليدكه بروحي ماشلعه
جبت لبابكم في بشمس تموز
تتعافه على فيي بشمسك ادفعه
من غار عليك كلبي يسكته بس النار
وانه كلبي وثلج مااقبل اتموعه
يكتلني الحزن كل ما يمر طاريك
ومن اشتاكلك اسمع نعي لفدعه
لاترفع الحاجب جن احسن سيف
موحاجب علي جن سيف وترفعه
موبس التحبه تشيعه من يموت
مرات التكره تكيف تشيعه
انه كلي ذنب لاكن غشيم وياك
من اشوفك تربه اصلي ميت الف ركعه
رد مع اقتباس
المشاركة الأصلية كتبت بواسطة *نجمه النجوم*
