حاربت الاهل والصوت والشمات
وصرت اطرش ما اسمع حجيهم
كالو رغبه ولا يغرك .. طبعه بذات
كلت قابل واريده حتى لو مايرهم
كالو يعيشك بالعشگ ،، بس تاليه بس حسرات
كلت راضي بأذيته ومتحمل الهم
جنت اخلص الليل بفراگه بس ونات
وهسه الليل بعيني شطوله ما يخلص
شبعته بمحبتي ..وشبعني بس دمعات
وخلاني بندم اتذكر حجيهم
خلاني بمحبته .. احسب الندمات
الف مره نادم ... ما تركته
جنت اسهر بليلي وي ضوى الشمعات
وهسه على دموعي صفنة الشمعه
كافي ماتحس ما تخلص الطعنات
بگلبك ابد ماكو رحمه
جروحك بالجسد مدگوگه خانات
جرح الخيانه والفرگه ،، ماتشفى
جم شهگه بغيابك صحت اهات
وانت تجاوب ... بسكرة الضحكه
حاير شرد اوصفك ماكو كلمات
بس روح ارد اكلك الله لايوفقك
كلمات
اكرم التميمي
رد مع اقتباس
المشاركة الأصلية كتبت بواسطة *علي السهلاني*
