ﺭﺍﺡ ﺍﻧﺎﻡ ..!
ﻻ ﺟﺬﺏ ﻭﺷﻠﻮﻥ ﺍﻧﺎﻡ ..
ﺷﻠﻮﻥ ﺍﻧﺎﻡ .؟
ﻭﻫﻴﻪ ﺳﻬﺮﺍﻧﻪ ﺣﺮﺍﻡ ،!
ﺍﻳﻴﻴﻴﻲ ﺍﻏﺎﺭ ﺣﻘﻲ ﺍﻏﺎﺭ
ﻣﻦ ﺍﻟﻜﺘﺎﺏ ﺍﻟﻲ ﺑﺤﻈﻨﻬﺎ،
ﻣﻦ ﺍﻟﺘﺮﺍﭼﻲ ﺍﻟﻲ ﺑﺄﺫﻧﻬﺎ،
ﻣﻦ ﺍﻟﻘﻠﻢ،
ﻣﻦ ﺍﻻﻟﻢ،
ﺍﻧﻲ ﺍﻏﺎﺭ ﺣﺘﻰ ﻣﻦ ﺍﺣﻠﻢ ﺗﻤﺮﻧﻲ ،،
ﺛﻖ ﺍﻏﺎﺭ ﻣﻦ ﺍﻟﺤﻠﻢ .!
ﻻ ﻻ ﺍﺑﺪ ﻣﺎ ﺭﺍﺡ ﺍﻧﺎﻡ
ﺭﺍﺡ ﺍﺭﺍﺟﻊ ﺑﺲ ﺷﺮﺍﺟﻊ ؟
ﺭﺍﺡ ﺍﺭﺍﺟﻊ ﺩﺭﺩﺷﺘﻨﺎ،
ﺭﺍﺡ ﺍﺭﺍﺟﻊ ﻓﺮﻓﺸﺘﻨﺎ،
ﻛﻠﻤﻪ ﻛﻠﻤﻪ ﺿﺤﻜﻪ ﺿﺤﻜﻪ ﺩﻣﻌﻪ ﺩﻣﻌﻪ
ﻫﻨﺎ ﺣﺠﺖ ، ﻭﻫﻨﺎ ﺣﺠﻴﺖ،
ﻫﻨﺎ ﺑﺠﺖ ، ﻭﻫﻨﺎ ﺑﺠﻴﺖ ،
ﻫﻨﺎﻧﻪ ﻛﺘﻠﻬﺎ ﺍﺣﺒﺞ
ﺧﺠﻠﺖ ﻭ ﺩﻣّﻌﺖ ﻓﺮﺣﻪ
ﻫﻨﺎﻧﻪ ﺿﺤﻜﺖ، ﻫﻨﺎﻧﻪ ﺯﻋﻠﺖ،
ﻫﻨﺎ ﺭﺿﺖ ، ﻭﻫﻨﺎ ﺭﺿﻴﺖ،
ﻣﻦ ﺍﻟﺰﻋﻞ ﺷﮕﮕﻨﺎ ﺻﻔﺤﻪ،
ﺷﻮﻛﺖ ﺍﻧﺎﻡ؟
ﺍﻟﺼﺒﺢ ﺍﻧﺎﻡ
ﻣﻦ ﺗﺮﻭﺡ ﻭﺗﺎﺧﺬ ﻋﻴﻮﻧﻲ ﺍﻟﺼﺒﺢ،
ﻻﻥ ﺑﺲ ﻋﺪﻫﻪ ﺗﻨﺎﻡ،
ﺍﻳﻴﻴﻲ ﺍﺟﺖ ﻫﺴﻪ ﺧﺬﺗﻬﻦ ..!
ﻭﺍﺧﻴﺮﺍ ﺭﺍﺡ ﺍﻧﺎﻡ...
رد مع اقتباس
المشاركة الأصلية كتبت بواسطة هبة الله..
