الفرق بين الشباب والبنات بعد اسبوعين من الزواج ؟
الفرق بين الشباب والبنات بعد اسبوعين من الزواج :
البنات /
1- تزور اهلها عبالك ضيفه
2- تسلم على الكل وتبوسهم كأنوا صارلها 10 سنين مشايفتهم
3- تكعد بزواية الغرفة خجولة ومحترمة
4- تتفحص آثاث البيت كأنها اول مرة تشوفه
5- تنسى مكان الخواشيكَـ والمواعين والكَلاصات
6- بس تشوف اخوهه حمودي الصغير تبوس بحنيه وتكولة حمودي حبيبي بأي صف صرت ؟
لدرجه انو حمودي نفسه ينصدم ويكول بكَلبه مو هاي الجانت قبل اسبوعين تركض وراي بالنعال لان كسرت قراصتها !
الشباب/
1- نفس الزفت يفوت عالبيت ويدوس عالزولية بحذائه
2- كَبل يفوت ع المطبخ ويفتح الثلاجه ويكَلب بالجدورة ويصيح يمه جوعان شطابخين ؟
3- يتمدد بنص الغرفة ويباوع تلفزيون
4- وبس يشوف اخو عبودي الصغير يلزكة براشدي ويكولة كوم جيبلي كَلاص مي بسرعه
لدرجه انو عبودي نفسه ينصدم ويكول مو هذا الزوجنا علمود يعقل ؟
( تحية لـ أخوتنا واخواتنا المتزوجات )
الموضوع للترفيه وزرع الأبتسامة
لا من أجل الأستهزاء بهم
رد مع اقتباس
المشاركة الأصلية كتبت بواسطة Hawraa Riad
