بعد وفاة زوجها بفترة قليلة أتت قسمتها بشرط أنْ تترك إبنتها الوحيدة
فتركتها في زحمة السوق عندما قالت لها لنذهب ونشتري لكِ بعض الألعاب
فتقول لها أبنتها :
والله جا عاف الكَبر لو يدري ابوي
بسوكَـ عفتيني على ظلمج نايمة
هيه لو بس ع الأكل سهلة وتهون
مآني مريم بس أكَلهم صايمة
يمة عفتيني زرع والدنيا طير
ايدي لو فزاعة هم مادايمة
هايمه بحبج كَبل تتذكرين
هسه أبشرج بالشوارع هايمة
وياي حط عقله البرد جا وين اروح
يمة طر كَلبي ولا طر الفجر
حتى من كَاع الله طردوني ودريت
آني تربة وعايشة بديرة كفر
شكَكَوا هدمي بنظرهم واستحيت
وكَمت أتغطه بخجل حتى انستر
حطوا الحِل بمكان اسم الله ليش
آنا طحت بمحنه كَلولي الكسر
حطت بشعري الشمس ماعندها بيت
والسنابل يمي ينشافن خضر
مو من أمشي احتاج عكازة من انام
أنتي ماخذتيني بس خذني الكبر
يآكل بظفره يظل سوله اليضوج
وآنا خلصت العمر كَبل الظفر
حيرة لا وياج كملت الحياة
ولا أبوي هناك نيمني بكَبر
يـمه أدعي من الله بعد متخلفين
حتى أكَللج الأبن ماينشمر
يمة جبتيني الج لو للرصيف
هو صح يشبكَني بس حار وجمر
أرد أكظ عاجر وأكَللها عليج
هيه تعرف قيمته شنهي البزر
أرد اكَللها لون باعتني زين
حته أحس بقيمتي بدفع السعر
وأرد اكَللها امي استقرت عندها بيت
وآنا حتى البال مامستقر
رد مع اقتباس
المشاركة الأصلية كتبت بواسطة c̝̚ɑ͠t
