تحملني ..
ثگيلة اسوالفي وداعيك هم انسان
احن واشتاگ
والگه طيوف وجهك تارسه الحيطان
شخبطني الحچي وضليت آجر حسرات
الناي شمه طـول تلگاه طرگ السان
ولا تگعد تدور اعذار ..
يذب روحه الثمر بالگاع
اذا حس بغصن ثـگلان
تايه وين ...
گايدني جنح عصفور وبلا رأي
ادور بين هاي الناس.... ماكو ٲمچان
لملمت البگه آمن الروح
وآجيت اتلمسك خطوات
ترست امتاعي بس بيبان
كلها اتثاگلت مني
النفس مرات آجره يگلي.. لا.. يفلان
دخيلك ما اوﭼـد بيك بس دخان
ولتمروني..
اشمن بيكم احچيات ما تنگال
اذا ناويها فرگه...
انطوني بس عنوان
عرفت اتخيلك لمن تدير اگفاك
مالك صوت...
العود اعلى الوتر من يمشي ينطي الحان
لها بقية
#وعد_الامير
رد مع اقتباس
المشاركة الأصلية كتبت بواسطة أيــــاس
