حسبة جرح بس مرني هم قابل بيك
ياولفي بس لتجيب طاري الفركة
قطرة نده ومتعلكة بشفاف ورود
هيج آنه روحي ابابكم متعلكة
واهس دمعتي ابغيبتك واهس طير
كدامه شاف آثار عش محتركة
و واهس هوه الله بغيبتك كام يضيك
من يمر مابي ريحتك ماشهكه
ماشايف آنه ولا اشوف بهالكون
مثلك بشر بالصحره عايف عشكه
وطبع العشك يتخله كون ابستان
ومن طبعه ينحط جوه فيه الوركة
سهري السهرته عليك شيب نجمات
صابر واتاني سنين جيت الشبكة
ومرة انتظرتك شيبت ظل مكفاك
واحسب ششيب لو نطرت الملكه
اخذه العمر ماريده بس غير ارتاح؟؟
مو كل ورد دمعاتي الك محتركة
لابس خلك ميت ضميرك وياي
بعشرتنه شتدور عشك ماتلكه
وآنه الشلتلك شوك شايلته اغصان
تتسودن من تطيح منهه الوركَة